زياتكەرلىك مەكتەپتىڭ 11-سىنىپ وقۋشىسى الەمنىڭ ۇزدىك ۋنيۆەرسيتەتىندە كلينيكالىق عىلىم، تەحنولوگيا جانە مەديسينا كۋرسىن وقۋعا بىرەگەي مۇمكىندىككە يە بولدى. ايتا كەتۋ كەرەك، بۇل تاعىلىمداما وتە تاڭدامالى جانە قابىلداۋ پايىزى نەبارى 8% قۇرايدى.
دارىندى وقۋشى اكادەميالىق وقۋدى قوعامدىق قىزمەتپەن ءساتتى ۇيلەستىرەدى. FLEX باعدارلاماسىنىڭ جارتىلاي ءفيناليستى، مەكتەپتىڭ ءوزىن-وزى باسقارۋ ۇيىمىنىڭ ب ا ق ءمينيسترى. XIII ناۋرىز كەزدەسۋلەرىندە جۇلدەگە جەتكىزگەن مەديسينالىق سەكتوردى سيفرلاندىرۋعا باعىتتالعان "Helzy" مەديسينالىق قوسىمشاسى الەمنىڭ جەتەكشى ۋنيۆەرسيتەتىنىڭ تاعىلىمداماسىنا وتۋىندە دە زياتكەردىڭ باعىن اشتى.
ايتىلعان جەتىستىگى ءۇشىن ادەلدىڭ كانديداتۋراسىن ۋنيۆەرسيتەت مىڭداعان ۇمىتكەرلەر اراسىنان تاڭداپ ەكى اپتالىق "كلينيكالىق عىلىمدار جانە باستاپقى حيرۋرگيا" كۋرسىن وتۋگە شاقىردى.
- مەن الماتى قالاسىنداعى زياتكەرلىك مەكتەپكە حيميا جانە بيولوگيا سالاسىنداعى بەرگەن ۇزدىك ءبىلىمى ءۇشىن العىس ايتامىن، بۇل ماعان قوسىمشانى ازىرلەۋگە جانە تاعىلىمدامادان وتۋگە كوپ كومەكتەستى. ءبىز قوسىمشانى قىزدار كومانداسى بولىپ جاسادىق، STEAM جوباسى رەتىندە بىرنەشە حيميا، بيولوگيا، ينفورماتيكا پاندەرىنىڭ تۇيىسكەن جەرىندە ازىرلەنەدى. قازىرگى ۋاقىتتا ءبىز GooglePlay-دان ماقۇلداۋىن كۇتۋدەمىز، سونىمەن ول Ios App store-دا پايدا بولىپ پايدالانۋشىلار ءۇشىن قول جەتىمدى بولادى.
ادەل Stanford University كامپۋسىندا ەكىنشى كۇن مەديسينا سالاسىنداعى تانىمال پروفەسسورلاردىڭ دارىستەرىن تىڭداپ، وتكەن ماتەريالدى تاجىريبەمەن بەكىتۋدە:
- پروفەسسورلار كۇردەلى بولىپ كورىنەتىن اقپاراتتى جەڭىل تۇردە جانە قىزىقتى قىلىپ ۇسىنادى، اۋديتوريامەن وتە تىعىز قارىم-قاتىناس جاسايدى، تۋىنداعان كەز كەلگەن سۇراققا جاۋاپ بەرۋگە دايىن ەكەنىن بايقادىم. ەڭ باستىسى، پراكتيكالىق ءبولىم ناقتى پاسيەنتتەرمەن وتەدى. وزدەرىڭىز بىلەتىندەي، SU-دا ءوزىنىڭ كلينيكالىق، دياگنوستيكالىق ورتالىقتارى بار جانە ءبىز ولاردىڭ كليەنتتەرىمەن بايلانىستا بولا الامىز. مەن مۇندا ءوز قاتارىمدا جالعىز قازاقستاندىقپىن ، كوپ بولىگى امەريكادان كەلگەن ستۋدەنتتەر، ءبىراز قۇرداستارىمەن تانىسىپ تا ۇلگەردىم،-دەپ ءبولىستى زياتكەر.
