NIS-ten Stenford ýniversitetine bir qadam
Ziiatkerlik mekteptiń 11-synyp oqýshysy álemniń úzdik ýniversitetinde klinikalyq ǵylym, tehnologiia jáne meditsina kýrsyn oqýǵa biregei múmkindikke ie boldy. Aita ketý kerek, bul taǵylymdama óte tańdamaly jáne qabyldaý paiyzy nebári 8% quraidy.
Daryndy oqýshy akademiialyq oqýdy qoǵamdyq qyzmetpen sátti úilestiredi. FLEX baǵdarlamasynyń jartylai finalisti, mekteptiń ózin-ózi basqarý uiymynyń BAQ ministri. XIII Naýryz kezdesýlerinde júldege jetkizgen meditsinalyq sektordy tsifrlandyrýǵa baǵyttalǵan "Helzy" meditsinalyq qosymshasy álemniń jetekshi ýniversitetiniń taǵylymdamasyna ótýinde de ziiatkerdiń baǵyn ashty.
Aitylǵan jetistigi úshin Adeldiń kandidatýrasyn ýniversitet myńdaǵan úmitkerler arasynan tańdap eki aptalyq "Klinikalyq ǵylymdar jáne bastapqy hirýrgiia" kýrsyn ótýge shaqyrdy.
- Men Almaty qalasyndaǵy Ziiatkerlik mektepke himiia jáne biologiia salasyndaǵy bergen úzdik bilimi úshin alǵys aitamyn, bul maǵan qosymshany ázirleýge jáne taǵylymdamadan ótýge kóp kómektesti. Biz qosymshany qyzdar komandasy bolyp jasadyq, STEAM jobasy retinde birneshe himiia, biologiia, informatika pánderiniń túiisken jerinde ázirlenedi. Qazirgi ýaqytta biz GooglePlay-dan maquldaýyn kútýdemiz, sonymen ol Ios App store-da paida bolyp paidalanýshylar úshin qol jetimdi bolady.
Adel Stanford University kampýsynda ekinshi kún meditsina salasyndaǵy tanymal professorlardyń dáristerin tyńdap, ótken materialdy tájiribemen bekitýde:
- Professorlar kúrdeli bolyp kórinetin aqparatty jeńil túrde jáne qyzyqty qylyp usynady, aýditoriiamen óte tyǵyz qarym-qatynas jasaidy, týyndaǵan kez kelgen suraqqa jaýap berýge daiyn ekenin baiqadym. Eń bastysy, praktikalyq bólim naqty patsienttermen ótedi. Ózderińiz biletindei, SU-da óziniń klinikalyq, diagnostikalyq ortalyqtary bar jáne biz olardyń klientterimen bailanysta bola alamyz. Men munda óz qatarymda jalǵyz qazaqstandyqpyn , kóp bóligi Amerikadan kelgen stýdentter, biraz qurdastarymen tanysyp ta úlgerdim,-dep bólisti ziiatker.
