بۇل تۋرالى tumba.kz سايتى جازادى.
وسى جەتٸ جىل بويى مەكتەپ كەزٸندە تانىسقان عاشىعى ونىڭ جانىندا بولىپتى. مەرلەن سٷيٸكتٸسٸنٸڭ قاسىنان قارىس قادام ۇزاپ شىقپاعان. سٷيٸكتٸسٸن كٷتٸپ باعىپ, ەنەل سىرتقا شىققاندا سالماعى 10 كەلٸ تارتاتىن وتتەگٸ باللونىن مەرلەن كٶتەرٸپ جٷرگەن. سەبەبٸ, سٷيٸكتٸسٸ تەك سول ارقىلى دەمالعان. تٸپتٸ, اۋرۋحانادا دا بٸرگە جاتىپتى. ەردايىم قاپالاعانعان سٷيٸكتٸسٸنٸڭ كٶڭٸلٸن كٶتەرۋگە تىرىسقان.
«قازٸر مەنٸڭ جاسىم 23-تە. اتىراۋدا تۇرامىن. جوعارى بٸلٸمٸم بار. ۋنيۆەرسيتەتتٸ قىزىل ديپلومعا بٸتٸرگەنمٸن. الايدا قازٸر جۇمىس ٸستەمەيمٸن. 2009 جىلى قاتتى اۋىرىپ قالدىم. ٶكپەمنٸڭ جارتىسىن الىپ تاستادى, ال ەكٸنشٸسٸ تەك 30 پايىزعا جۇمىس ٸستەدٸ. وسى سەبەپتٸ مەن وتتەگٸ باللونىمەن تىنىستاۋعا مەجبٷر بولدىم. بٸرنەشە وتا جاسادى, مەنٸڭ دياگنوزىمدى كٶپ ۋاقىتقا دەيٸن انىقتاي المادى. بٸرنەشە رەت جانساقتاۋ بٶلٸمٸنە تٷستٸم», – دەپ پٸكٸر بەرگەن ەكەن Tengrinews.kz-كە ەنەل.
«اۋرۋمەن ۇزاق كٷرەستٸك. كٶپ جىلادىم. بٸراق قازٸر مۇنىڭ بەرٸ ارتتا قالدى دەگەن سەنٸمدەمٸن. سەبەبٸ, سوڭعى وپەراتسييا سەتتٸ ٶتتٸ. مەنٸڭ تٸرٸ قالۋىم نەعايبىل ەدٸ. دەرٸگەرلەر «تٸرٸ قالۋ مٷمكٸندٸگٸڭ 30 پايىزدان اسپايدى» دەدٸ. شىنىمەن دە, تەۋەكەل كٶپ ەدٸ. بٸراق وتا جاساۋعا رۇقسات بەردٸم. قاراعاندىدان كەلگەن حيرۋرگ امانجول الدانۇلىنا ايتار العىسىم زور. ول مەنٸڭ جٷرەگٸم مەن ٶكپەمدٸ ورنىنا قويىپ بەردٸ. ەرينە, ٶپكەم 100 پايىزعا جۇمىس ٸستەپ تۇرعان جوق. بٸراق باستىسى, اۋرۋىمدى جەڭدٸم. ۋاقىت ٶتە كەلە تولىقتاي ايىعارىما سەنٸمدٸمٸن. ال وتتەگٸ باللونىن قازٸر ٶتە سيرەك قولدانامىن» دەيدٸ ەنەل.
«الدىمەن اللاعا, ودان كەيٸن اتا-اناما رازىلىق ايتامىن. ولار مەن ٷشٸن كٶپ ۋايىمدادى, كٷنٸ-تٷنٸ كٶز ٸلگەن جوق. ەرينە, ٶزٸمنٸڭ سٷيٸكتٸمە ايتار العىسىم شەكسٸز. قازٸر مەن ەل قاتارلى ٶمٸر سٷرگٸم كەلەدٸ. باقىتتى بولعىم كەلەدٸ. سىرقاتتانىپ قالعان جاندارعا ايتارىم, ەشقاشاندا بەرٸلمەڭدەر. الدىعا جٷرۋ كەرەك. ٶزٸڭە سەنگەن ماڭىزدى» دەيدٸ ەنەل.
دەرەككٶز: kaz.365info.kz
