Bul týraly tumba.kz saity jazady.
Osy jeti jyl boiy mektep kezinde tanysqan ǵashyǵy onyń janynda bolypty. Márlen súiiktisiniń qasynan qarys qadam uzap shyqpaǵan. Súiiktisin kútip baǵyp, Ánel syrtqa shyqqanda salmaǵy 10 keli tartatyn ottegi ballonyn Márlen kóterip júrgen. Sebebi, súiiktisi tek sol arqyly demalǵan. Tipti, aýrýhanada da birge jatypty. Árdaiym qapalaǵanǵan súiiktisiniń kóńilin kóterýge tyrysqan.
«Qazir meniń jasym 23-te. Atyraýda turamyn. Joǵary bilimim bar. Ýniversitetti qyzyl diplomǵa bitirgenmin. Alaida qazir jumys istemeimin. 2009 jyly qatty aýyryp qaldym. Ókpemniń jartysyn alyp tastady, al ekinshisi tek 30 paiyzǵa jumys istedi. Osy sebepti men ottegi ballonymen tynystaýǵa májbúr boldym. Birneshe ota jasady, meniń diagnozymdy kóp ýaqytqa deiin anyqtai almady. Birneshe ret jansaqtaý bólimine tústim», – dep pikir bergen eken Tengrinews.kz-ke Ánel.
«Aýrýmen uzaq kúrestik. Kóp jyladym. Biraq qazir munyń bári artta qaldy degen senimdemin. Sebebi, sońǵy operatsiia sátti ótti. Meniń tiri qalýym neǵaibyl edi. Dárigerler «tiri qalý múmkindigiń 30 paiyzdan aspaidy» dedi. Shynymen de, táýekel kóp edi. Biraq ota jasaýǵa ruqsat berdim. Qaraǵandydan kelgen hirýrg Amanjol Aldanulyna aitar alǵysym zor. Ol meniń júregim men ókpemdi ornyna qoiyp berdi. Árine, ópkem 100 paiyzǵa jumys istep turǵan joq. Biraq bastysy, aýrýymdy jeńdim. Ýaqyt óte kele tolyqtai aiyǵaryma senimdimin. Al ottegi ballonyn qazir óte sirek qoldanamyn» deidi Ánel.
«Aldymen Allaǵa, odan keiin ata-anama razylyq aitamyn. Olar men úshin kóp ýaiymdady, kúni-túni kóz ilgen joq. Árine, ózimniń súiiktime aitar alǵysym sheksiz. Qazir men el qatarly ómir súrgim keledi. Baqytty bolǵym keledi. Syrqattanyp qalǵan jandarǵa aitarym, eshqashanda berilmeńder. Aldyǵa júrý kerek. Ózińe sengen mańyzdy» deidi Ánel.
Derekkóz: kaz.365info.kz
