الماتىدا اقشا ايىرباس ورىندارىندا 1 اقش دوللارى 526 تەڭگەدەن ساتىلۋدا. ال ۇلتتىق بانك كەشە ۆاليۋتالىق ينتەرۆەنتسييا جاساعانىن مويىندادى ەرٸ ونى الدا دا جٷرگٸزە بەرمەك نيەتتە. بۇل بٷگٸن وسىنداي مەلٸمدەمە جاساعان ۇلتتىق بانكتٸڭ تەڭگە باعامىنىڭ قالىپتاسۋىنا ارالاسىپ, ونى قولداۋدى جالعاستىراتىنىن بٸلدٸرەدٸ, دەپ حابارلايدى Dalanews.kz.
ۇلتتىق بانك باسپاسٶز قىزمەتٸنٸڭ مەلٸمەتٸنشە, بٸرقاتار ٸرگەلٸ فاكتورلاردىڭ ناشارلاۋى اياسىندا تەڭگەنٸڭ ايىرباس باعامى اقش دوللارى ٷشٸن 500 تەڭگەنٸ ەڭسەردٸ. قازٸرگٸ ۋاقىتتا بيرجاداعى ساۋدا-ساتتىق 1 اقش دوللارى ٷشٸن 518-519 تەڭگە ارالىعىندا ٶتٸپ جاتىر. كەشەگٸ كٷننەن باستاپ 2,4%-عا ەلسٸرەگەندٸكتەن, 28 قاراشاداعى تەڭگەنٸڭ ورتاشا سارالانعان باعامى اقش دوللارى ٷشٸن 512,58 تەڭگەنٸ قۇرايدى.
سىرتقى جەنە ٸشكٸ فاكتورلار ۆاليۋتا باعامىنا تەرٸس ەسەر ەتتٸ
"اقش دوللارىنىڭ جاھاندىق نىعايۋى, شيكٸزات قۇنىنىڭ ٶزگەرۋٸ جەنە ەلەمدەگٸ گەوساياسي جاعدايدىڭ شيەلەنٸسۋٸ سيياقتى بٸرقاتار سىرتقى ٸرگەلٸ فاكتورلاردىڭ ٶزگەرۋٸ اياسىندا دامۋشى نارىقتارداعى ۆاليۋتالاردىڭ تەرٸس ديناميكاسى بارلىق جەردە بايقالادى. نەگٸزگٸ ەلەمدٸك ۆاليۋتالارعا قاتىستى اقش دوللارىنىڭ باعامىن باقىلايتىن DXY يندەكسٸ اي باسىنان شامامەن 2,2%-عا نىعايىپ, 106,2 پۋنكتكە دەيٸن ٶستٸ (2024جىلدىڭ 28 قاراشاسىندا). ەم ۆاليۋتالارىنىڭ يندەكسٸ اي باسىنان 3,0%-عا تٶمەندەدٸ (2024 جىلعى 28 قاراشا بويىنشا). دوللاردىڭ كٷش الۋى – شيكٸزات تاۋرلارى ٷشٸن ەدەتتەگٸدەي تەرٸس فاكتور. مۇناي باعاسىنىڭ تىم قۇبىلۋى, سول سەكٸلدٸ, دونالد ترامپتىڭ پرەزيدەنتتٸك كەزەڭٸندە اقش-تان مۇناي جەتكٸزٸلٸمدەرٸنٸڭ ارتۋى مەن مٷمكٸن بولاتىن ساۋدا باجدارىنا قاتىستى ۇسىنىستىڭ ارتۋىنا ەكەلەدٸ دەگەن ەكونوميستەردٸڭ بولجامدارىنان پەسسيميستٸك سارىن بايقالادى". دەلٸنگەن قر ۇلتتىق بانكتٸڭ 29 قاراشادا ۆاليۋتالىق نارىقتاعى جاعدايعا قاتىستى بەرگەن تٷسٸنٸكتەمەسٸندە.
سونداي-اق رەتتەۋشٸ ورگان رەسەي فەدەراتسيياسىنىڭ قارجى سەكتورىنا قارسى جاڭا سانكتسييالار ەنگٸزۋ اياسىندا ەلدٸڭ نەگٸزگٸ ساۋدا سەرٸكتەستەرٸنٸڭ بٸرٸنٸڭ ۆاليۋتاسى – رەسەي رۋبلٸنٸڭ ەلسٸرەۋٸنە دە باسا توقتالادى.
رەسەي رۋبلٸنٸڭ باعامى قاتتى قۇلدىراپ جاتىر
"وسىلايشا, بيرجادا يۋان/رۋبل جۇبىنىڭ باعامى يۋان ٷشٸن 15,1 رۋبلگە جەتٸپ, قاراشا ايىنىڭ باسىنان باستاپ 11,2%-عا ەلسٸرەدٸ. Forex حالىقارالىقۆاليۋتا نارىعىنداعى دوللاردىڭ ايىرباس باعامى 1 دوللار ٷشٸن 114,5 رۋبلدەن استى, ال رۋبل ايدىڭ باسىنان باستاپ 18%-عا ەلسٸرەدٸ", - دەيدٸ ۇلتتىق بانك.
ٸشكٸ نارىقتا دا دوللارعا سۇرانىس ارتقان
"سونىمەن قاتار, ٸشكٸ ۆاليۋتا نارىعىندا ەكونوميكالىق اگەنتتەر تاراپىنان شەتەل ۆاليۋتاسىنا سۇرانىستىڭ ارتۋى جەنە ۇسىنىستىڭ شەكتەلۋٸ, ونىڭ ٸشٸندە ايىرباس باعامىنىڭ پسيحولوگييالىق دەڭگەيٸن ەڭسەرۋ اياسىندا بايقالدى. مەسەلەن, وسى جىلدىڭ قاراشا ايىندا ساۋدا-ساتتىقتىڭ ورتاشا تەۋلٸكتٸك كٶلەمٸ 238 ملن اقش دوللارىن قۇرادى, بۇل ٶتكەن جىلدىڭ قاراشا ايىنان (193 ملن اقش دوللارى) 1,5 ەسەگە جۋىق جەنە تامىز-قىركٷيەك ايلارىنداعى ساۋدا-ساتتىقتىڭ ورتاشا تەۋلٸكتٸك كٶلەمٸنەن ەدەۋٸر جوعارى".
"وسى اتالعان فاكتورلاردىڭ جيىنتىعى تەڭگە باعامىنا قىسىم جاسايدى, جەكەلەگەن كەزەڭدەردە ساۋدا-ساتتىق بارىسىندا الىپ-ساتارلىق قىسىمعا جاعداي جاساي وتىرىپ, ۆاليۋتا نارىعىنداعى تەڭگەرٸمدٸ بۇزعانى جەنە ٶتٸمدٸلٸكتٸڭ تٶمەندٸگٸ بايقالادى. تۇراقسىزداندىراتىن اۋىتقۋلاردى بولدىرماۋ, تەڭگەنٸڭ ايىرباس باعامىنىڭ ارتىق قۇبىلمالىلىعىن تەگٸستەۋ ٷشٸن جەنە شەتەل ۆاليۋتاسىن ۇسىنۋدى قامتاماسىز ەتۋ ماقساتىندا ۇلتتىق بانك ۆاليۋتالىق ينتەرۆەنتسييالار جٷرگٸزەدٸ", دەلٸنگەن بٷگٸنگٸ ۆاليۋتا نارىعىنداعى جاعدايلارعا قاتىستى ۇلتتىق بانك بەرگەن تٷسٸنٸكتەمەدە.
ۇلتتىق بانك ۆاليۋتا نارىعىنداعى احۋالعا تۇراقتى مونيتورينگ جٷرگٸزەتٸنٸن ايتادى.
"ەركٸن باعام قۇرۋ رەجيمٸ جاعدايىندا ۇلتتىق بانك ايىرباس باعامىنىڭ قانداي دا بٸر دەڭگەيٸنە باعىتتالمايدى جەنە ونىڭ ترەندٸنە كەدەرگٸ كەلتٸرمەيدٸ, ونىڭ قالىپتاسۋى ٸرگەلٸ فاكتورلارعا سەيكەس ودان ەرٸ جٷزەگە اسىرىلاتىن بولادى. قارجىلىق تۇراقتىلىق تەۋەكەلدەرٸ جەنە ٸرگەلٸ فاكتورلارعا سەيكەس كەلمەيتٸن ايىرباس باعامىنىڭ شامادان تىس قۇبىلمالىلىعى تۋىنداعان جاعدايدا, ۇلتتىق بانك ەدٸل باعام تٷزٸلۋٸن قالپىنا كەلتٸرۋ جەنە ۆاليۋتا نارىعىنىڭ قالىپتى جۇمىس ٸستەۋٸن قامتاماسىز ەتۋ ٷشٸن ۆاليۋتالىق ينتەرۆەنتسييالار جٷرگٸزۋدٸ جالعاستىرۋعا دايىن", - دەيدٸ رەتتەۋشٸ ورگان.
ايتا كەتسەك,ەكونوميكالىق ساراپشى عالىمجان ايتقازين كەشە تەڭگە باعامىن قولداۋ ٷشٸن ۇلتتىق بانك ۆاليۋتالىق ينتەرۆەنتسييا جٷرگٸزگەن, بۇل قور نارىعىنداعى ٸس-قيمىلداردان بايقالادى دەپ بولجاعان بولاتىن. مٸنە, وسى بولجامدى بٷگٸن ۇلتتىق بانكتٸڭ ٶزٸ راستاپ وتىر.
