سونىمەن قاتار ماماندار NEET ساناتىنا جاتاتىن جاستار وقىمايتىن, جۇمىس ٸستەمەيتٸن جەنە بٸلٸكتٸلٸگٸن ارتتىرۋعا قۇلىقسىز جاستاردى جاتقىزۋ كەرەك ەكەنٸن ايتۋدا.
ەلٸمٸزدەگٸ جاستار ساياساتىنا جاۋاپتى مەملەكەتتٸك مەكەمەلەردٸڭ دەرەكتەرٸنە نازار اۋداراتىن بولساق بٷگٸندە ەلٸمٸزدە NEET ساناتىنداعى جاستاردىڭ ٷلەسٸ 6,3%-دى قۇرايدى. بۇل – دەرەك بٸراز جاستارىمىزدىڭ ٶمٸردەن ورنىن تابا الماي جٷرگەنٸن كٶرسەتەدٸ. مۇنداي جاستارعا مەملەكەت تاراپىنان قامقورلىق قاجەت.
بٷگٸندە ٷكٸمەت NEET ساناتىنداعى جاستاردىڭ جۇمىسقا ورنالاسۋىنا جەنە باسقا دا مۇڭ-مۇقتاجىن ەسەپكە الىپ ولارعا قولداۋ كٶرسەتۋگە كٶڭٸل بٶلۋدە.
ال جاستار ٸسٸمەن اينالىساتىن قۇزىرلى ورىندار ەلٸمٸزدە NEET ساناتىنا جاتاتىن جاستاردى 4 توپقا بٶلٸپ قاراستىرۋدى جٶن كٶرٸپتٸ. مۇنى قر اقپارات جەنە قوعامدىق دامۋ ۆيتسە-مينيسترٸ دانييار قادٸروۆ اتاپ كٶرسەتكەن بولاتىن.
بٷگٸندە ەلٸمٸزدە جەرگٸلٸكتٸ اتقارۋشى ورگانداردىڭ دەرەكتەرٸ نەگٸزٸندە NEET ساناتىنداعى جاستار تۋرالى دەرەكتەر بازاسى دايىندالۋدا. وسى دەرەكتەر بازاسىنا 4 توپتى ەنگٸزۋ جوسپارلانۋدا.
ولاردىڭ ٷلكەن شوعىرىن جۇمىسسىز جاستار قۇرايتىنى بەلگٸلٸ. بۇل توپقا كوللەدجدەر مەن جوعارى وقۋ ورىندارىندا وقيتىن, باس بوستاندىعىنان ايىرىلعان جەنە ەسكەري بورىشىن ٶتەپ جٷرگەن جاستار جاتادى.
ال ەكٸنشٸ توپتى ٶندٸرٸستٸك قىزمەتكە قابٸلەتتٸ جەنە مٷمكٸندٸكتەرٸ شەكتەۋلٸ جاستار كٸرٸپ وتىر.
ٷشٸنشٸ توپقا جاتاتىنداردى «بەلسەندٸ ەمەس جاستار» دەپ ات قويىپ, ايدار تاعىپتى. بۇلارعا الكوگولدٸك ٸشٸمدٸك پەن ناشاقورلىققا سالىنعان جەنە سوزىلمالى اۋرۋ تٷرلەرٸنە شالدىققان جاستاردى جاتقىزادى ەكەنبٸز. بۇل توپقا جاتاتىن جاستاردى وڭالتۋ ورتالىقتارىنا جٸبەرٸپ, قوعامدىق ٶمٸرگە قايتا قوسۋدىڭ ماڭىزى زور.
سوڭعى تٶرتٸنشٸ توپقا – ٷي شارۋاسىمەن اينالىساتىن جاستاردى جاتقىزادى ەكەنبٸز. مۇنداي جاستار وتباسىلىق بيزنەسكە كٶمەك كٶرسەتٸپ, بەتەگەدەن بيٸك, جۋساننان الاسا بولىپ جٷرە بەرەتٸنٸ بەلگٸلٸ. بٸراق ولاردىڭ قوعامداعى ەلەۋمەتتٸك ستاتۋسى ايقىندالماعان.
بۇل جەردە NEET ساناتىنىڭ ٷشٸنشٸ توبىنا جاتاتىن جاستارمەن جۇمىس ٸستەۋدٸڭ ماڭىزى جوعارى بولىپ تۇر. وسى رەتتە ٷكٸمەت دەل وسى توپقا جاتاتىن جاستار ٷشٸن ەڭبەك جاساقتارىن قۇرۋدى كٶزدەپ وتىر. وسىلايشا ولاردى ەڭبەككە ارالاستىرىپ ٶمٸردەن ٶز جولىن تاۋىپ كەتۋٸنە ىقپال ەتپەكشٸ.
