ٶڭٸرلەردە تاسقىن سۋدىڭ بەتٸ ەلٸ دە قايتپاي تۇر. حالىق ٷيلەرٸن تاستاپ, مەكتەپتەر مەن ەلەۋمەتتٸك نىسانداردى پانالاپ جاتىر. حالىقتىڭ ۇزاق جىل جيناعان مال-مٷلكٸنە ٸرٸ كٶلەمدە زالال كەلدٸ, وعان قوسا تٶتەنشە جاعداي كەزٸندە باعىتىن جوعالتىپ العاندار دا بار.
مەجٸلٸس دەپۋتاتى ماقسات تولىقباي بۇل جاعدايدان كەيٸن ٷكٸمەتتە اۋىس-تٷيٸس جاساۋ كەرەك ەكەنٸن ايتتى, - دەپ حابارلايدى Dalanews.kz.
دەپۋتاتتىڭ سٶزٸنشە, ەكٸمدٸكتەردە ەشقانداي دايىندىق جوق. بۇل - ٷكٸمەت پەن ەكٸمدٸكتەر اراسىندا بايلانىس جوق ەكەنٸنٸڭ بەلگٸسٸ. ماقسات تولىقباي بۇل جاعدايعا كٸنەلٸ رەتٸندە رومان سكلياردى اتادى.
"تامىرىنان قۇرتتاعان اعاش بۇتاعىنان ەمدەلمەيدٸ. رومان سكلياردان باستاپ ٷكٸمەتتٸڭ كەيبٸر مٷشەلەرٸن اۋىستىراتىن كەز كەلدٸ.
ايماقتاردى ارالاپ, اقتٶبەنٸڭ ورتاسىنا شەتتٸك. بٸراق, قادٸرلٸ اعايىن, شىنىن ايتۋ كەرەك, ەكٸمدٸكتەردٸڭ دايىندىعى ٶتە ناشار. تٸپتٸ باسقاسىن ايتپاعاندا, كەيبٸر اۋدان ەكٸمدەرٸنٸڭ رەزەرۆٸندە نە قايىق جوق, سۋ ەتٸك تابىلماي جاتىر. ەكٸمدٸك پەن ٷكٸمەتتٸڭ اراسىندا بايلانىس جوقتىڭ قاسى دەسەك بولادى.
بۇعان بٸرٸنشٸ كەزەكتە كٸم جاۋاپتى? اشىعىن ايتۋ كەرەك, پرەمەر-مينيستردٸڭ ورىنباسارى رومان سكليار جاۋاپتى. كەشە اقتٶبەگە كەلدٸ. العا دەيتٸن بٸر اۋدانعا باردى, بٸراق سۋدىڭ استىندا قالعان ويىلعا نەگە بارمايدى?
مۇنىڭ الدىندا الاپات ٶرت بولعانىن بٸلەسٸزدەر. قانشاما ادام ٶرتەنٸپ كەتتٸ. بۇعان دا كٸم جاۋاپتى? رومان سكليار جاۋاپتى. سٶگٸسپەن قۇتىلدى.
سوندىقتان بۇل ٶزگەلەرگە ساباق بولۋى ٷشٸن پرەزيدەنت سٶگٸس جارييالاپ جاتىر. بٸراق رومان سكلياردان باستاپ ٷكٸمەتتٸڭ كەيبٸر مٷشەلەرٸنە شارا قولدانىپ, اۋىستىراتىن كەز كەلدٸ عوي دەپ ويلايمىن", - دەدٸ دەپۋتات.
ايتا كەتەيٸك, پرەزيدەنت قاسىم-جومارت توقاەۆ ەلدەگٸ جاعدايدان كەيٸن شۇعىل جيىن ٶتكٸزٸپ, قانات بوزىمباەۆتى پرەمەر-مينيستردٸڭ ورىنباسارى لاۋازىمىنا تاعايىندادى.
ەندٸ بوزىمباەۆ تٶتەنشە جاعدايلار بويىنشا جەتەكشٸلٸك ەتەدٸ.
"مەملەكەت باسشىسىنىڭ جارلىعىمەن قازاقستان رەسپۋبليكاسى پرەمەر-مينيسترٸنٸڭ ورىنباسارى بولىپ تاعايىندالعان قانات الدابەرگەنۇلى بوزىمباەۆ ٶڭٸرلٸك ساياسات, تۇرعىن ٷي-كوممۋنالدىق شارۋاشىلىق, تٶتەنشە جاعدايلار جەنە سۋ رەسۋرستارى مەسەلەلەرٸنە جەتەكشٸلٸك ەتەتٸن بولادى", - دەپ جازدى بەرٸك ۋەلي.
