نازاربايەۆتىڭ ساتسىزدىكتەرى: تۇڭعىش پرەزيدەنتتىڭ ساياسي ارەكەتى قازاقستانعا قالاي ءقاۋىپ ءتوندىردى

قاراكوز امانتاي 08 ماۋ. 2024 15:13 3771

پحەف-2024-تە رلدپ ۋلتراۇلتشىل پارتياسىنىڭ ءتوراعاسى لەونيد سلۋسكيي ەۋرازيا كەڭىستىگىندە دوللاردى يۋانعا اۋىستىرۋ ماسەلەسىن كوتەردى. بۇل نۇرسۇلتان نازاربايەۆتىڭ ۇمىت بولعان باستامالارىنىڭ جالعاسى ەدى، دەپ حابارلايدى Dalanews.kz.

2011 جىلى قازاقستاننىڭ تۇڭعىش پرەزيدەنتى نازاربايەۆ ەۋرازيالىق وداقتىڭ ءبىرىڭعاي ۆاليۋتاسىن ەنگىزۋدى ۇسىندى. وكىنىشكە قاراي، بۇل ويى جۇزەگە اسپاي، ونىڭ ەكونوميكالىق شىندىقتى بولجاي المايتىنىن كورسەتىپ، ساياسي ميوپياسىنىڭ تاعى ءبىر دالەلى بولدى.

فراگمەنت تەلەگرام-ارناسى بۇگىن سلۋسكييدىڭ يۋانمەن ەسەپ ايىرىسۋدى جاڭا ەكونوميكالىق نورما رەتىندە قاراستىرىپ، بۇل "بۇگىنگى كۇنگە قاراعاندا، ەرتەڭگى نەگىزگى ماسەلە" ەكەنىن باسا ايتقانىن جازدى.

“2011 جىلى ەۋرازيالىق يدەيانىڭ نەگىزىن قالاۋشى نۇرسۇلتان نازاربايەۆ جاقىن كۇندەرى ەۋرازيالىق وداقتىڭ ءبىرىڭعاي ۆاليۋتاسى بولاتىنىن ايتقان بولاتىن”، - دەدى سلۋسكيي.

شىن مانىندە رەسەي ەكونوميكالىق كۇش پەن ساياسي قىسىمدى پايدالانا وتىرىپ، ايماقتاعى ۇستەمدىگىن نىعايتىپ، قازاقستاندى ءوزىنىڭ قارجىلىق جۇيەسىنە تارتۋعا تىرىسادى.

بۇل ويىندا نازاربايەۆ قازاقستاننىڭ ەكونوميكالىق تاۋەلسىزدىگىن قامتاماسىز ەتىپ قانا قويماي، ءىس جۇزىندە رەسەيدىڭ ىقپالىن كۇشەيتۋگە اتسالىستى.

بۇگىندە قازاقستاندى ءوزىنىڭ گەوساياسي امبيسياسىنىڭ جالعاسى رەتىندە عانا كورەتىن ۆلاديمير ءپۋتيننىڭ اتالمىش پارانويياسى ەلىمىزدى ەكونوميكالىق تاۋەلسىزدىكتەن ايىرۋدا. مىسالى، يۋانمەن ەسەپ ايىرىسۋ دوللارعا دەگەن قاجەتتىلىكتى نەعۇرلىم ازايتسا، ەلىمىز سوعۇرلىم جۇڭگو مەن رەسەيگە تاۋەلدى بولادى.

نازاربايەۆ ينتەگراسيانىڭ ۋتوپيالىق يدەيالارىمەن اينالىسىپ، ورىن الۋى مۇمكىن تاۋەكەلدەردى ەسكەرمەدى. بۇل ءوز كەزەگىندە رەسەي ۇستەمدىگىن نىعايتۋدىڭ قۇرالى بولدى.

ءدال ءقازىر قازاقستان ەكى تاڭداۋدىڭ ورتاسىندا تۇر. ءبىرى كرەمل ورناتقان ەرەجەلەر بويىنشا ويىندى جالعاستىرۋ، ەكىنشىسى ناقتى ەكونوميكالىق تاۋەلسىزدىككە جەتۋ جولدارىن ىزدەۋ.

قالاي بولعاندا دا، نازاربايەۆتىڭ قاتەلىكتەرى مەن ءپۋتيننىڭ قازىرگى امبيسياسى ەلىمىزدىڭ ەگەمەندىگىنە ءقاۋىپ توندىرەدى. ءوز كەزەگىندە بۇل قازاقستاندىقتاردى ەكونوميكالىق مۇددەلەر مەن ساياسي بوستاندىق اراسىنداعى تەپە-تەڭدىك ىزدەۋگە ماجبۇرلەيدى.


ۇسىنىلعان
سوڭعى جاڭالىقتار