«ۆەدومستۆوارالىق تەرگەۋ توبى (ۇقق، انتيكور، قما) بولات نازاربايەۆتىڭ مەملەكەتتەن كەڭ كولەمدە اقشا جىمقىرۋ فاكتىلەرىن جانە ەڭ باستىسى – «قاڭتار وقيعاسىن» ۇيىمداستىرۋعا قاتىسى بار-جوعىن تەرگەۋدە. بۇل تۋرالى ورگاندارعا جاقىن «DALA ينسايد» دەرەككوزى حابارلادى. ونىڭ ايتۋىنشا، قايرات ساتىبالدىنى تەرگەۋ پروسەسسىنىڭ ەكونوميكالىق كەزەڭى اياقتالۋعا جاقىن جانە قازىرگى فوكۋس «قاڭتار وقيعاسىن» ۇيىمداستىرۋ بارىسىنا اۋىستى. تەرگەۋ وسى ىستەرگە بولات نازاربايەۆتىڭ قاتىسى بار ما، سونى بىلگىسى كەلەدى»، - دەپ جازدى تەلەگرام ارناسى.
الايدا رەسمي باق-تا بۇل تۋرالى ايتىلعان جوق.
بولات نازاربايەۆتىڭ «قاڭتار وقيعاسىنان» كەيىن قىرعىزستان ارقىلى باا-نە ۇشىپ كەتكەنى تۋرالى جاڭالىق تاراعان. قىرعىزستاننىڭ «24.kg» جاڭالىقتار سايتىنا 12 قاڭتاردا شىققان اقپاراتقا سايكەس، ەكس-پرەزيدەنتتىڭ ءىنىسى كورشى ەلدىڭ شەكاراسىنا جەكە كولىگىمەن كىرگەن.
«الەۋمەتتىك جەلىلەردە نۇرسۇلتان نازاربايەۆتىڭ ءىنىسى بولات قىرعىز-قازاق شەكاراسىن كەسىپ وتكەنى تۋرالى قۇجات تاراپ جاتىر. قۇجاتتا بولات نازاربايەۆ 2022 جىلعى 6 قاڭتار، ساعات 5:36-دا قىرعىزستان اۋماعىنا اۆتوكولىكپەن كىرگەنى كورسەتىلەدى. 24.kgء-نىڭ سەنىمدى دەرەككوزدەرىنىڭ حابارلاۋىنشا، نۇرسۇلتان نازاربايەۆتىڭ ءىنىسى شەكارانى «اق جول-اۆتوجول» (قىرعىزستان) - «قورداي — اۆتوجول» (قازاقستان) ءبوپ ارقىلى كەسىپ وتكەنى بەلگىلى بولدى.»بولات نازاربايەۆ قىرعىزستان اۋماعىنا 6 قاڭتاردا كىردى. ول سول كۇنى «ماناس» اۋەجايىنان بىشكەك-دۋباي باعىتى بويىنشا ۇشىپ كەتتى»، - دەپ حابارلادى رەداكسيا.
6 قاڭتار كۇنى قىرعىزستاننىڭ «ماناس» اۋەجايىنا نازاربايەۆتاردىڭ جەكەمەنشىك ۇشاعى سانالاتىن Bombardier Global Express ۇشاعى ابۋ-دابيدەن كەلىپ قونعان. سول ءتۇنى بولات نازاربايەۆ ۇشىپ كەتەدى. ماناس اۋەجايىنىڭ باسپا ءسوز حاتشىسى ءاليا قۇربانوۆا ۇشاق ىشىندە كىمنىڭ بولعانىن حابارلاماسا دا، 6 قاڭتاردا دۋبايدان بىشكەككە جەكە ۇشاق ۇشقانىن راستاعان.
وسى حاباردان كەيىن بولات نازاربايەۆتىڭ قازاقستانعا ورالعانى تۋرالى اقپارات شىقپاعان. سوڭعى ۋاقىتتا ب ا ق بەتىنە بولات نازاربايەۆتىڭ «قىسىمىنا ۇشىراعان» ازاماتتار شىندىعىن ايتىپ شىعىپ جاتىر.
الماتى وبلىسىنداعى «Almaty Steklo» ءزاۋلىم زاۋىتىنىڭ تەڭ قۇرىلتايشىسى جانە باس ديرەكتورى ءازىم ابدۋللايەۆ ءوندىرىس ورنىنان تۇسەتىن پايدانىڭ 50 پايىزىن ەكس-پرەزيدەنتتىڭ ءىنىسى بولات نازاربايەۆ تارتىپ الىپ وتىرعانىن ايتقان. ءازىم ابدۋللايەۆتىڭ ايتۋىنشا، 2016 جىلى زاۋىت اشىلعاننان بەرى اي سايىن بولات نازاربايەۆقا 250-300 مىڭ دوللور تولەپ وتىرعان. كاسىپكەر ءبىر عانا زاۋىت ەمەس، قاراساي اۋدانىندا ورنالاسقان «باحار» مەيرامحاناسىنىڭ، «ليكەر-ىشىمدىك شىعاراتىن شالقار -17» زاۋىتىنىڭ تۇسىمىنە نۇرسۇلتان نازارباۆتىڭ ءىنىسى ورتاقتاسقانىن ايتقان.
«ونىمەن بىرگە جۇمىس ىستەگەن 15 جىلدىڭ ىشىندە 60 ميلليون دوللور بەردىم»، - دەيدى ابدۋللايەۆ.
سونىمەن قاتار بىلتىردان بەرى قاماۋدا وتىرعان «Parmigiano Group» مەيرامحانالار جەلىسىنىڭ نەگىزىن قالاۋشى جانە الماتىداعى «Esentai City» جوباسىنىڭ اۆتورى الماس ءابدىعاپپاروۆ جانە ونىڭ تۋىستارى بۇعان دەيىن «بولات نازاربايەۆتىڭ ادامدارى» ولاردىڭ وتباسىنىڭ بيزنەسىن يەمدەنگەنىن مالىمدەگەن بولاتىن.
ءساۋىردىڭ بىرىندە بولات نازاربايەۆ «تۇرمەگە جاپقان ازامات» تۋرالى «acca.media» سايتىنا ماقالا جارىق كوردى. ماقالادا بىلاي دەلىنگەن:
«بەرىكتاس اۋىلىندا ات جارىسى بولادى. جارىستا ەسبول جاپباسوۆتىڭ جۇيرىك تۇلپارلارى ءبىرىنشى بولىپ كەلىپ، ول ەكى كولىك ۇتىپ الادى. ونىڭ سامال اتتى جۇيرىگىنە بولات نازاربايەۆتىڭ كوزى بىردەن تۇسەدى. نازاربايەۆ سول كەزدەگى تالعار اۋدانىنىڭ اكىمى (2020 جىلى شىلدە ايىندا قايتىس بولعان) جولان وماروۆ ارقىلى جاپباسوۆتىڭ تۇلپارىن وزىنە بەرۋىن سۇراتادى. بۇرىنعى اكىم ەسبولعا «بولاشاقتا قيىندىققا تاپ بولماۋ ءۇشىن تۇلپاردى نازاربايەۆقا بەرگەنى دۇرىس ەكەنىن» ايتادى. الايدا ەسبول بۇل ۇسىنىستان باس تارتادى. سول ءۇشىن ەسبول جاپباسوۆقا كونتراباندامەن اينالىسقان دەگەن جالا جابىلىپ، 14 جىلعا باس بوستاندىعىنان ايىرادى. «ءبىز تۋىسىمىزدىڭ ىزىنە تۇسكەنىن بىردەن تۇسىندىك. ءبىر كۇنى ەربول جوعالىپ كەتتى. ءبىز ىزدەي باستادىق. ونى ەكى اپتا بويى تابا المادىق. سوسىن بىزگە ۇقك قىزمەتكەرى حابارلاسىپ، ەسبولدىڭ ءقاۋىپسىز ۇيدە وتىرعانىن ايتتى جانە ونى جاقىندا ەركىنە قويا بەرەتىنىن ايتتى. ءبىراق ونى بوساتاتىن كۇنى ەسبولدىڭ جاڭادان سالىنىپ جاتقان ۇيىنە اۆتومات، كولىگىنە تاپانشا سالىپ قويادى. وسىلايشا ۇقك سۋىق قارۋلاردى ءوزى تاپقان بولىپ، سونى العا تارتىپ تۇرمەگە وتىرعىزدى»، - دەيدى ەسبولدىڭ تۋىسى ءادىلحان شىنتاسوۆ.
ايتا كەتەيىك، بيىلعى ناۋرىزدىڭ ورتاسىندا قارجى مونيتورينگى بولات نازاربايەۆقا جانە نۇرسۇلتان نازاربايەۆتىڭ كۇيەۋ بالاسى قايرات شارىپبايەۆقا قاتىسى بار زاڭسىز ماينينگ فەرمالار تابىلعانىن حابارلاعان بولاتىن.
«تەكسەرۋ بارىسىندا 55 ماينينگ فەرماسى ءوز ەركىمەن جۇمىسىن توقتاتتى جانە جابدىقتارىن الىپ تاستادى. ولارعا قايتا باستاۋعا رۇقسات ەتىلمەيدى. 51 كومپانيا زاڭسىز جۇمىس ىستەدى. ولار ەلەكتر جەلىسىنە زاڭسىز قوسىلعان، ارنايى ەكونوميكالىق ايماقتاردا زاڭسىز ورنالاستىرىلعان، سالىق پەن كەدەندىك باج سالىعىنان جالتارعان. ولاردىڭ بارلىعى ەلەكتر قۋاتىنان اجىراتىلدى»، - دەپ حابارلادى قارجى مونيتورينگى اگەنتتىگى.
اگەنتتىكتىڭ حابارلاۋىنشا، ماينينگ جابدىقتارى وڭتۇستىك كورەيا، تۇركيا، گرۋزيا، سينگاپۋر جانە قىتايدان كونتراباندالىق جولمەن اكەلىنگەن. قىتايدان 2،8 ملرد تەڭگە سوماسىنا مىڭنان استام ماينينگ جابدىقتارى الماتىداعى ماينينگ فەرماعا كونتراباندالىق جولمەن اكەلىنگەن.
«قاڭتار وقيعاسىنان» كەيىن ەلىمىزدىڭ تۇكپىر-تۇكپىرىنەن بولات نازاربايەۆتان ءزابىر كورگەن ازاماتتار ب ا ق بەتىنە شىعىپ، ونىڭ قياناتى تۋرالى ايتا باستادى. ەندەشە بولات نازاربايەۆتىڭ ۇستىنەن تەرگەۋ جۇرگىزىلۋى بەك مۇمكىن.
