تۇڭعىش پرەزيدەنت نۇرسۇلتان نازاربايەۆتىڭ نەمەرە ءىنىسى سامات ابىشكە قاتىستى ءىس سوتقا وتە قۇپيا تۇردە بەرىلدى، دەپ حابارلايدى Dalanews.kz.
بۇل تۋرالى CMN رەسمي ساۋالىنا جاۋاپ بەرگەن ەلوردالىق سوت اكىمشىلىگى دەپارتامەنتى حابارلادى.
"ءىس سوتقا وتە قۇپيا تۇردە بەرىلدى. وسىعان بايلانىستى اقپارات كەيىنىرەك قولجەتىمدى بولعان كەزدە بەرىلەتىن بولادى" دەلىنگەن حابارلامادا.
ەسكە سالايىق، مۇنىڭ الدىندا باس پروكۋراتۋرانىڭ ارنايى پروكۋرورلارى ۇلتتىق قاۋىپسىزدىك كوميتەتى ءتوراعاسىنىڭ بۇرىنعى ءبىرىنشى ورىنباسارى سامات ابىشكە قاتىستى قاڭتار وقيعاسى كەزىندە بيلىك پەن لاۋازىمدىق وكىلەتىن اسىرا پايدالانۋ دەرەگى بويىنشا سوتالدى تەرگەۋ جۇرگىزىپ جاتقانى حابارلانعان بولاتىن.
