رەسەي سىرتقى ىستەر ءمينيسترى سەرگەي لاۆروۆ جۋرناليستەردىڭ باسىن قوسىپ، 2017 جىلى اتقارعان جۇمىستارىن قورىتىندىلاعان ساتىندە ورتالىق ازيا ەلدەرى مەن اقش-تىڭ اراسىنداعى بايلانىسقا قارسى ەمەس ەكەنىن ايتا كەلە:
– اقش كىندىك ازيا ەلدەرىن «ۇلكەن ورتالىق ازيا» جوباسىنا تارتىپ، رەسەي مەن ورتالىق ازيا ەلدەرىنىڭ اراسىن الشاقتاتۋدى كوزدەۋى مۇمكىن، – دەپ الاڭداۋشىلىق تانىتقان لاۆروۆ رەسمي ۆاشينگتون «C5+1» فورماتىن وزدەرىنىڭ تۇپكى ماقساتتارىنا پايدالانىپ كەتۋى مۇمكىن ەكەنىن العا تارتتى.
ءيا، الداعى ۋاقىتتا ءىرى دەرجاۆالار اراسىندا ورتالىق ازيا ءۇشىن كۇرەس قىزا تۇسەتىنى انىق. بۇل باسى اشىق اڭگىمە. كۇنى كەشە عانا ءسوز بولعان «C5+1» فورماتى قانشالىقتى جۇزەگە اساتىنىنا ۋاقىت تورەشى. ەڭ باستىسى قاۋىپسىزدىك سالاسىندا وسى باعىتتا ىنتماقتاستىق اياسىن كەڭەيتۋ ماسەلەسى كوتەرىلگەنى ءبىزدى قۋانتادى.
بىزدىڭشە، نازاربايەۆتىڭ بۇل باستاماسىن ورتالىق ازيانىڭ وزبەكستاننان باسقا ەلدەرى تولىقتاي قولداۋى مۇمكىن. وزبەكستان نەگە قولدامايدى؟ ويتكەنى كۇنى كەشە عانا وزبەكستان پرەزيدەنتى بولىپ سايلانعان شاۆكات ميرزييەۆ تەگى وزبەك رەسەي وليگارحى اليشەر ۋسمانوۆتىڭ ارقاسىندا كرەملدىڭ قولداۋىنا يە بولىپ، بيلىك باسىنا كەلگەنى بەلگىلى. سوندىقتان ول «C5+1» فورماتى قارقىندى ىسكە اسىپ جاتسا، ورىستار وزبەكتەر بۇل باستاماعا كەدىرگى كەلتىرۋى ىقتيمال.
كەرەك دەسەڭىز، ءدال وسىنداي كەرتارتپا ارەكەتتى قىرعىز اعايىنداردان دا كۇتۋگە بولادى. ويتكەنى، ساۋرانباي جيەنبەكوۆ قىرعىزستاننىڭ پرەزيدەنتى بولىپ سايلانعانىمەن المازبەك اتامبايەۆتىڭ ىقپالىنىن تولىقتاي سىتىلىپ شىققان جوق.
دەگەنمەندە، «C5+1» فورماتى بۇل – ورتالىق ازيا ەلدەرىنىڭ مەملەكەتتىگىن نىعايتاتىن ماڭىزدى فورمات دەپ ەسەپتەسەك بولادى. ءبىراق، ونىڭ ىسكە اسۋى دا قيىن ەكەنىن مويىنداۋىمىز كەرەك.
نۇرلان جۇماحان، جۋرناليست
سەرگەي لاۆروۆتىڭ تۇسىنىكتەمەسى تومەندە
[audio mp3="https://dalanews.kz/wp-content/uploads/2018/01/Labrov-.mp3"][/audio]
