رەسپۋبليكانىڭ بٸرنەشە ايماعىندا قاڭتار وقيعاسى كەزٸندە جاقىندارى قازا بولعان بٸر توپ ادام 3 مامىردا الماتىداعى "تاعزىم مەموريالىنىڭ" الدىنا جينالدى. ولار سۋرەتشٸ اسحات احمەديياروۆتىڭ قاڭتار وقيعاسىنا ارنالعان “JAD” كٶرمەسٸنە قاتىسۋ ٷشٸن ەر قالادان كەلگەن. كٶرمەگە كەلگەن ادامدار مارقۇم تۋىستارىن اقتاۋدى, ارنايى مەرتەبە بەرۋدٸ تالاپ ەتتٸ. بۇعان قوسا, نازارباەۆتىڭ اتىنا بەرٸلگەن كٶشەلەردٸ قاڭتار دەپ ٶزگەرتۋ قاجەتتٸگٸن العا تارتتى, - دەپ حابارلايدى Dalanews.kz "ازاتتىققا" سٸلتەپ.
تارازدان كەلگەن باقىتجان شىڭعىسبەكوۆ "بەكەردەن-بەكەر سوتتالىپ جاتقان بالالار اقتالسا ەكەن" دەيدٸ.
"كەيبٸر بالالار اقتالدى. ال ولاردى اتقاندار نەگە جازاعا تارتىلمايدى? ولار انا دٷنيەدە بولسا دا جاۋاپ بەرەدٸ. نەگە قاراپايىم حالىق قانا جىلاپ, قاراپايىم حالىق ٶلە بەرۋٸ كەرەك", - دەيدٸ شىڭعىسبەكوۆ.
ولار بيلٸك تاراپىنان بۇرىن كەدەگٸ بولعانىن, قازٸر جينالۋلارىنا ەشكٸم كەدەرگٸ جاساماعانىن ايتتى. مەموريال ماڭىندا پوليتسييا دا, بيلٸك ٶكٸلدەرٸ دە بولعان جوق.
"قاڭتار ەشقاشان ۇمتىلمايدى. بالالارىمىز تەرروريست ەمەس. بٸزدٸڭ بالالارىمىز بيلٸككە, ٷكٸمەتكە مۇڭىن ايتۋ ٷشٸن شىققان بولاتىن. كٸلەڭ جاس بالالار. قانشاما كٶپ بالالى انالار بالالارىنان, وتباسىن اسىراۋشىسىنان ايىرىلدى. بالالارىمىزعا تاعىلعان ايىپتى الىپ تاستاپ, مەرتەبە بەرسٸن دەپ تالاپ ەتەمٸز. قاندى قاڭتار كەزٸندە قازا بولعان بالالارىمىزعا "قاھارمان" مەرتەبەسٸ بەرٸلسٸن! نازارباەۆ كٶشەسٸ قاڭتار دەپ اتالسىن! بالالارىمىزدى اتقان ادامدار جازالانسا دەيمٸز", - دەدٸ قىزىلوردادان كەلگەن بيبيگٷل اليشەۆا.
1 مامىردا الماتىدا 2022 جىلعى قاندى قاڭتار وقيعاسىنا ارنالعان سۋرەتشٸ اسحات احمەديياروۆتىڭ "JAD" كٶرمەسٸ اشىلعان. ون كٷنگە سوزىلاتىن كٶرمەگە قاڭتار وقيعاسىنا قاتىستى 11 كومپوزيتسييا قويىلعان. ونىڭ ٸشٸندە قارالى وقيعا كەزٸندە تٷسٸرٸلگەن فوتولار, ٷتٸك, پوليتسييا تاياعى, مەديتسينا قىزمەتكەرٸنٸڭ كيٸمٸ بار.
