كۇنى كەشە قازاقستاننىڭ بۇرىنعى پرەزيدەنتى نۇرسۇلتان نازاربايەۆ قازاقستان عىلىم اكادەمياسىنىڭ اكادەميگى مارتەبەسىنەن ايىرىلعانى تۋرالى اقپارات تاراپ كەتتى. بۇل تۋرالى بريفينگتە عىلىم جانە جوعارى ءبىلىم ءمينيسترى ساياسات نۇربەك ايتقان بولاتىن. الايدا عىلىم اكادەمياسى ءمينيستردىڭ مالىمدەمەسىن جوققا شىعاردى، - دەپ حابارلايدى Dalanews.kz.
عىلىم جانە جوعارى ءبىلىم ءمينيسترى ساياسات نۇربەك اكادەميك مارتەبەسىن بەرۋ بويىنشا وزگەرىستەر تۋرالى ايتتى. ونىڭ سوزىنشە، ءقازىر قازاقستان عىلىم اكادەمياسى "قايتا رەتكە كەلتىرۋ" كەزەڭىنەن ءوتىپ جاتىر. الايدا عىلىم اكادەمياسىنداعىلاردىڭ مالىمەتىنشە، بۇل اقپارات شىندىققا جاناسپايدى.
"بىرىنشىدەن، عىلىم اكادەمياسىنداعى اكادەميكتەر جاسىرىن داۋىس بەرۋ ارقىلى تاڭدالادى. عىلىم اكادەمياسىنىڭ جارعىسىنا جانە كوپتەگەن جىل بويى قالىپتاسقان تاجىريبەگە سايكەس، اكادەميك مارتەبەسى ءومىر بويى بەرىلەدى جانە جارعىدا ناقتى انىقتالعان ەرەكشە جاعدايلاردا تەك عىلىم اكادەمياسى مۇشەلەرىنىڭ داۋىس بەرۋى نەگىزىندە عانا الىنىپ تاستالۋى مۇمكىن. بۇل پروسەدۋرا دەموكراتيالىق سەنتراليزم پرينسيپتەرىن ءوزىن-وزى باسقارۋ جانە تاڭداۋ رەتىندە كورسەتەدى، وعان بارلىق كلاسسيكالىق الەمدىك عىلىم اكادەميالارىنىڭ قىزمەتى نەگىزدەلگەن"، - دەلىنگەن مالىمدەمەدە.
ەكىنشىدەن، ق ر ۇلتتىق عىلىم اكادەمياسىنىڭ بولاشاعى تۋرالى، اسىرەسە ق ر ۇعا رقب تاراتۋ تۋرالى ماسەلە قولدانىستاعى زاڭناماعا سايكەس ق ر ۇعا-نىڭ جالپى جينالىسىمەن عانا شەشىلۋى مۇمكىن.
"عىلىم اكادەمياسى، ەلدەگى كەز كەلگەن ۇيىم سياقتى، بۇل پروسەسكە باسقا جوعارى لاۋازىمدى تۇلعالاردىڭ ارالاسۋى، قانداي ۋاجدەمە بولسا دا، ۋاكىلەتتى مەملەكەتتىك ورگان باسشىسىنىڭ جالعىز شەشىمىمەن تاراتىلۋى مۇمكىن. ۇشىنشىدەن، قازىرگى ۋاقىتتا قازاقستان رەسپۋبليكاسى ۇلتتىق عىلىم اكادەمياسى ءوزىنىڭ بارلىق مۇشەلەرىنە – 146 اكادەميك پەن 74 كوررەسپوندەنت-مۇشەگە ءادىل جانە قۇرمەتپەن قاراۋدى قامتاماسىز ەتە وتىرىپ، دەموكراتيالىق پرينسيپتەردە جۇمىسىن جالعاستىرۋدا. ءبىز رەسپۋبليكالىق مارتەبەگە يە، ءوزىن-وزى قامتاماسىز ەتەتىن قوعامدىق ۇيىمبىز. قازاقستان رەسپۋبليكاسى ۇلتتىق عىلىم اكادەمياسىنىڭ مۇشەلەرى رەسپۋبليكا مەن قازاقستان حالقىنىڭ يگىلىگى ءۇشىن اۋقىمدى عىلىمي جوبالاردى جۇزەگە اسىرۋدى، وتاندىق عالىمداردىڭ تاريحي مۇراسىن مۇقيات ساقتاۋدى جالعاستىرۋدا"، - دەيدى اكادەمياداعىلار.
ەسكە سالايىق،جۋرناليستەر بريفينگتە مينيستر ساياسات نۇربەكتەن "بۇرىنعى پرەزيدەنت نۇرسۇلتان نازاربايەۆ ەندى عىلىم اكادەمياسىنىڭ مۇشەسى ەمەس پە؟" دەپ ناقتىلاپ سۇراعان بولاتىن.
"ءدال سولاي، ءقازىر ۇلتتىق عىلىم اكادەمياسىندا نەبارى 9 مۇشەسى بار، ءتىزىمدى بەرەمىز"، - دەدى ساياسات نۇربەك.
اشىق اقپارات كوزدەرىنەن الىنعان مالىمەتكە قاراعاندا، قازاقستان عىلىم اكادەمياسىنىڭ اكادەميگى مارتەبەسى نازاربايەۆقا 1995 جىلى بەرىلگەن. ال 2011 جىلى اكادەميا عيماراتىندا نازاربايەۆتىڭ قاتىسۋىمەن عالىمدار فورۋمى ءوتىپ، وعان "عاسىر عالىمى" اتاعى بەرىلدى.
