نازارباەۆپەن بايلانىسى بار وفشورلىق كومپانييا الماتى ماڭىنداعى شەكارالىق ايماقتا زاڭسىز ونداعان گەكتار جەرگە يەلٸك ەتٸپ وتىر, دەپ حابارلايدى Dalanews.kz "ۆىحود ك موريۋ" تەلەگرام ارناسىنا سٸلتەمە جاساپ.
قازاقستاننىڭ تۇڭعىش پرەزيدەنتٸ نۇرسۇلتان نازارباەۆ جەنە ميللياردەر ۆلاديمير كيممەن تىعىز بايلانىسى بار نيدەرلاندتا تٸركەلگەن «Noord Holland Trading Company B.V.» كومپانيياسى الماتىنىڭ ەليتالىق اۋدانىندا ورنالاسقان, قۇنى ونداعان ميلليارد تەڭگە تۇراتىن جەر تەلٸمدەرٸ مەن جىلجىمايتىن مٷلٸككە يەلٸك ەتەدٸ. بۇل اۋماق – قازاقستان زاڭى بويىنشا شەتەلدٸك كومپانييالاردىڭ مەنشٸگٸندە بولماۋى تيٸس شەكارالىق ايماققا كٸرەدٸ.
اتالعان جەر تەلٸمدەرٸ الماتىنىڭ بەدەلدٸ يۋبيلەينىي ىقشاماۋدانىندا, نازارباەۆتىڭ بۇرىنعى رەزيدەنتسيياسىنا تيٸپ تۇر. وسىعان دەيٸن نازارباەۆ وتباسىنا تيەسٸلٸ بولعان جىلجىمايتىن مٷلٸكتٸڭ بٸر بٶلٸگٸ مەملەكەتكە قايتارىلعان ەدٸ. بٸراق اۋدانداعى 13 گەكتار جەر مەن بٸرنەشە زەۋلٸم ساراي «Noord Holland Trading Company B.V.» باقىلاۋىنا ٶتٸپ كەتكەن. بۇل كومپانييانىڭ تٷپكٸلٸكتٸ يەسٸ ليحتەنشتەيندە تٸركەلگەن وفشورلىق قۇرىلىمنىڭ ارتىندا جاسىرىلعان.
جاڭادان انىقتالعان جەر ۋچاسكەسٸنٸڭ جالپى كٶلەمٸ – 35 گەكتار. بۇل اۋماقتا قاراپايىم ٷيلەرمەن قاتار, ەرەكشە سەن-سالتاناتپەن سالىنعان بٸرنەشە الىپ ساراي ورنالاسقان. سونىڭ بٸرٸ – نازارباەۆتىڭ سەنٸمدٸ سەرٸگٸ ەرٸ جەكە قارجىگەرٸ سانالعان مارقۇم ۆلاديمير نيدٸڭ وتباسىنا تيەسٸلٸ. سونداي-اق, جەلٸگە تاراپ كەتكەن دەرەكتەرگە سٷيەنسەك, بۇل جەردە تاعى بٸر ٸرٸ سارايعا «قازاقمىس» كورپوراتسيياسىنىڭ تەڭ يەسٸ ەرٸ ميللياردەر ۆلاديمير كيم يەلٸك ەتەدٸ. ۆلاديمير ني قايتىس بولعان سوڭ, كيم نازارباەۆقا جاقىن قارجىلىق تۇلعا رەتٸندە ونىڭ ورنىن باسقان.
بۇل اۋماقتا نازارباەۆتىڭ ٶزٸ دە جەكە مەنشٸككە يە. ونىڭ سارايلارى «بايتاۋ» قورى جەنە «كاپيتال Invest 2021» كومپانييالارى ارقىلى رەسٸمدەلگەن. ال بارلىق اۋماقتىڭ شامامەن جارتىسى «المالى» مەن «ناۋرىز» كومپانييالارى ارقىلى «Noord Holland Trading Company» باقىلاۋىنا بەرٸلگەن. نازارباەۆ قورلارى الماتىداعى ەيگٸلٸ «الاتاۋ» ساناتورييٸنٸڭ اكتيۆتەرٸن دە وسى كومپانيياعا نارىقتاعىدان تٶمەن باعادا ساتىپ جٸبەرگەن.
«الماتىنىڭ رۋبلەۆكاسى» اتانىپ كەتكەن بۇل ەليتالىق اۋدانداعى مٷلٸكتٸڭ نارىقتىق قۇنى ٶتە جوعارى – تەك جەر تەلٸمدەرٸنٸڭ ٶز باعاسى كەمٸندە 30 ملرد تەڭگەدەن اسادى. عيماراتتار مەن سارايلاردى قوسا ەسەپتەگەندە, اكتيۆتەردٸڭ جالپى قۇنى 50 ملرد تەڭگەدەن جوعارى بولۋى مٷمكٸن.
مۇنداي قادام نازارباەۆ پەن اينالاسىنىڭ مٷلٸكتٸ قۇقىقتىق جٷيەسٸ مىقتى ەلدەرگە شىعارۋ ارقىلى اكتيۆتەرٸن ساقتاپ قالۋعا دەگەن ۇمتىلىسى بولۋى ىقتيمال. بۇعان «Noord Holland» كومپانيياسىنىڭ ديرەكتورى اننا بەرەزينانىڭ نومينالدى تۇلعا ەكەندٸگٸ دەلەل. ول بۇعان دەيٸن ۆلاديمير كيم مەن ەدۋارد وگايدىڭ ميللياردتاعان اكتيۆتەرٸ تٸركەلگەن رەسەي جەنە نيدەرلاند ازاماتى رەتٸندە بەلگٸلٸ. «Noord Holland Trading Company» كومپانيياسىنىڭ شىنايى قوجايىنى ليحتەنشتەيندٸك «Woodbridge Foundation» ارقىلى جاسىرىنعان. بۇل قوردىڭ باسشىسى – ليحتەنشتەين استاناسىنىڭ مەرٸ قىزمەتٸنە ٷمٸتكەر, زاڭگەر كلەمەنس لاتەرنزەر دە تەك نومينالدى تۇلعا بولىپ سانالادى. ونىڭ ٶز ەركٸمەن قازاقستاننان ميللياردتاعان تەڭگەگە جىلجىمايتىن مٷلٸك ساتىپ الۋى ەكٸتالاي ەكەنٸ انىق.
دەگەنمەن, بۇل جاسىرىن سحەمانىڭ اۆتورلارى كٷتپەگەن جەردەن ٷلكەن مەسەلە تۋعىزۋى مٷمكٸن. سەبەبٸ قازاقستان زاڭناماسى شەتەلدٸك ازاماتتار مەن كومپانييالاردىڭ اۋىل شارۋاشىلىق جەنە شەكارالىق ايماقتاردا جەر يەلەنۋٸنە تىيىم سالادى. الماتىنىڭ شەكارالىق ايماعى رەتٸندە قازاقستان-قىرعىزستان شەكاراسىنان 25 شاقىرىم اۋماق سانالادى, ال جوعارىدا اتالعان ۋچاسكەلەر دەل وسى اۋماقتا ورنالاسقان. زاڭ بويىنشا مۇنداي جەرلەرگە يە كومپانييا شەتەلدٸكتەردٸڭ باقىلاۋىنا ٶتكەن سوڭ ٷش ايدىڭ ٸشٸندە مەنشٸك قۇقىعىن قازاقستان ازاماتتارىنا اۋدارۋى قاجەت. ەگەر تالاپ ورىندالماسا, جەر جەرگٸلٸكتٸ بيلٸك ارقىلى مەملەكەت مەنشٸگٸنە قايتارىلۋى تيٸس. قازٸر اتالعان مەرزٸم ەلدەقاشان اياقتالعان. دەمەك, نازارباەۆ پەن ونىڭ اينالاسىنداعىلاردىڭ اكتيۆتەرٸنەن ايىرىلىپ قالۋ قاۋپٸ بار دەگەن سٶز.
