2023 جىلعى 27 قازاندا بۇلار ب ا ق وكىلدەرى ارقىلى باس پروكۋراتۋراعا سۇراۋ سالعىزىپ، ۇقك-نىڭ ەكس- ءتوراعاسى امانگەلدى شابداربايەۆتىڭ گۇلجان ەرعالييەۆاعا بەرگەن سۇحباتىنداعى ءسوزىن جوققا شىعارۋعا قول جەتكىزگەن. ەستەرىڭىزدە بولسا، شابداربايەۆ قاڭتار وقيعاسىنا تىكەلەي نۇرلان ءنىعماتۋليندى ايىپتاعان.
"قاڭتاردا توقايەۆتى ەلدەن كەتۋگە ۇگىتتەگەن ءماسىموۆ ەمەس، نىعماتۋلين"، - دەگەن ەدى ۇقك-نىڭ بۇرىنعى ءتوراعاسى.
تەلەگرام ارناعا بەلگىلى بولعانداي وتىنىشتەر Total.kz (يەسى - ەلدار شامسۋتدينوۆ )، Toppress.kz (ەرجان باعداتوۆ ) سەكىلدى اقپارات قۇرالدارىنىڭ تاراپىنان تۇسكەن، ارتىنشا باس پروكۋراتۋرا شابداربايەۆتىڭ ءسوزىن تەرىسكە شىعارىپ مالىمدەمە جاساعان.
"بۇل مالىمەتتى ىلە-شالا Nur.kz پەن Zakon.kz قاعىپ اكەتتى. اتالعان مەديا اگەنتتىكتەردىڭ قوجايىندارى قۋات باحريدينوۆ پەن سەرگەي كيسەليەۆ داريعا نازاربايەۆاعا جۇمىس ىستەيدى"، - دەيدى BPS.
21 قازاندا «ادىلدىك جولى» قوعامدىق بىرلەستىگىنىڭ اتقارۋشى ديرەكتورى ديدار سماعۇلوۆ "ادال ادامعا" بەرگەن سۇحباتىندا ءماجىلىستىڭ ەكس-سپيكەرى نۇرلان نىعماتۋلين مەن ءماجىلىستىڭ ەكس-دەپۋتاتى ەرلان ءنىعماتۋليننىڭ رەيدەرلىك ارەكەتتەرىن مىسالعا كەلتىرگەن.
"وسى سۇحباتتان كەيىن كوپ ۇزاماي Zakon.kz پورتالىندا قاراعاندى وبلىسىنىڭ ءبىر توپ كاسىپكەرى "اتامەكەن" باسشىسى رايىمبەك باتالوۆ جانە اقپارات ءمينيسترى ايدا بالايەۆانىڭ اتىنا ءۇشبۋ حات جولداپ، سوڭعى كەزدە ينتەرنەت-رەسۋرستاردا ەرلان نىعماتۋلينگە جاسالعان كوپە-كورنەۋ شابۋىلدىڭ جيىلەپ كەتكەنىنە شاعىمداندى. بۇعان ايعاق رەتىندە قازتاگ، Masa media، ەكسكليۋزيۆ سەكىلدى ءبىرقاتار باسىلىمداردى العا تارتىپ، اعايىندىلاردىڭ ار-نامىسىنا تيەتىن كونتەنتتى الىپ تاستاۋدى تالاپ ەتتى. نىعماتۋليندەرمەن بەتپە-بەتپە كەلۋدەن قايمىققان كەيبىر اگەنتتىكتەر ب ا ق تۋرالى زاڭعا ۇڭىلمەي جاتىپ، اقپاراتتى الىپ تاستادى. نەگىزىندە، الگىندەي كونتەنتتىڭ دۇرىس-بۇرىستىعىن تەك سوت قانا انىقتاۋعا ءتيىس"، - دەپ جازادى تەلەگرام ارنا.
BPS-كە ءمالىم بولعانداي كاسىپكەرلەر ۇندەۋى تەلەگرام كەڭىستىكتە، سونىڭ ىشىندە تانىمال Proكادرى.kz ارناسىندا جاريالانعان.
"بۇل ىسكە كاسىبي مامانداردىڭ اتسالىسقانى ايقىن بىلىنەدى. داريعا نۇرسۇلتان قىزى مەن ونىڭ "وڭ قولى" ايدار جۇمابايەۆ باسقاراتىن مەديا پۋل جاڭا قازاقستانعا تويتارىس بەردى. ەسكى قازاقستاننىڭ وزگە دە وكىلدەرىنە اكتيۆتى قالاي اراشالاۋ كەرەكتىگىن كورسەتتى.
ايتقانداي، ءبىزدىڭ پوشتامىزعا تۇسكەن مالىمەت بويىنشا، اعايىندى نىعماتۋليندەر Orda، Ulysmedia جانە Press.kz سەكىلدى اقپارات قۇرالدارىنا اقشا ۇسىنىپ، جاڭا قازاقستاننىڭ كەم-كەتىگىن قازبالايتىن "نەگاتيۆ بلوگىن" ساتىپ العان. قىزمەت كورسەتۋ قۇنى 20 ملن مەن 50-ملن اينالاسىندا. قاراعاندىداعى كاسىپكەرلەر ۇندەۋىن بۇلار دا باسقان بولاتىن"، - دەيدى تەلەگرام ارنا.
https://dalanews.kz/sadak/94172-qangtarda-toqaevty-elden-ketuge-ugitt
