2023 jylǵy 27 qazanda bular BAQ ókilderi arqyly Bas prokýratýraǵa suraý salǵyzyp, UQK-nyń eks- tóraǵasy Amangeldi Shabdarbaevtyń Gúljan Erǵalıevaǵa bergen suhbatyndaǵy sózin joqqa shyǵarýǵa qol jetkizgen. Esterińizde bolsa, Shabdarbaev Qańtar oqıǵasyna tikeleı Nurlan Nyǵmatýlındi aıyptaǵan.
"Qańtarda Toqaevty elden ketýge úgittegen Másimov emes, Nyǵmatýlın", - degen edi UQK-nyń burynǵy tóraǵasy.
Telegram arnaǵa belgili bolǵandaı ótinishter Total.kz (ıesi - Eldar Shamsýtdınov ), Toppress.kz (Erjan Baǵdatov ) sekildi aqparat quraldarynyń tarapynan túsken, artynsha Bas prokýratýra Shabdarbaevtyń sózin teriske shyǵaryp málimdeme jasaǵan.
"Bul málimetti ile-shala Nur.kz pen Zakon.kz qaǵyp áketti. Atalǵan medıa agenttikterdiń qojaıyndary Qýat Bahrıdınov pen Sergeı Kıselev Darıǵa Nazarbaevaǵa jumys isteıdi", - deıdi BPS.
21 qazanda «Ádildik joly» qoǵamdyq birlestiginiń atqarýshy dırektory Dıdar Smaǵulov "Adal Adamǵa" bergen suhbatynda Májilistiń eks-spıkeri Nurlan Nyǵmatýlın men Májilistiń eks-depýtaty Erlan Nyǵmatýlınniń reıderlik áreketterin mysalǵa keltirgen.
"Osy suhbattan keıin kóp uzamaı Zakon.kz portalynda Qaraǵandy oblysynyń bir top kásipkeri "Atameken" basshysy Raıymbek Batalov jáne Aqparat mınıstri Aıda Balaevanyń atyna úshbý hat joldap, sońǵy kezde ınternet-resýrstarda Erlan Nyǵmatýlınge jasalǵan kópe-kórneý shabýyldyń jıilep ketkenine shaǵymdandy. Buǵan aıǵaq retinde QazTag, Masa media, Eksklúzıv sekildi birqatar basylymdardy alǵa tartyp, aǵaıyndylardyń ar-namysyna tıetin kontentti alyp tastaýdy talap etti. Nyǵmatýlındermen betpe-betpe kelýden qaımyqqan keıbir agenttikter BAQ týraly zańǵa úńilmeı jatyp, aqparatty alyp tastady. Negizinde, álgindeı kontenttiń durys-burystyǵyn tek sot qana anyqtaýǵa tıis", - dep jazady telegram arna.
BPS-ke málim bolǵandaı kásipkerler úndeýi telegram keńistikte, sonyń ishinde tanymal Prokadry.kz arnasynda jarıalanǵan.
"Bul iske kásibı mamandardyń atsalysqany aıqyn bilinedi. Darıǵa Nursultanqyzy men onyń "oń qoly" Aıdar Jumabaev basqaratyn medıa pýl Jańa Qazaqstanǵa toıtarys berdi. Eski Qazaqstannyń ózge de ókilderine aktıvti qalaı arashalaý kerektigin kórsetti.
Aıtqandaı, bizdiń poshtamyzǵa túsken málimet boıynsha, aǵaıyndy Nyǵmatýlınder Orda, Ulysmedia jáne Press.kz sekildi aqparat quraldaryna aqsha usynyp, Jańa Qazaqstannyń kem-ketigin qazbalaıtyn "negatıv blogyn" satyp alǵan. Qyzmet kórsetý quny 20 mln men 50-mln aınalasynda. Qaraǵandydaǵy kásipkerler úndeýin bular da basqan bolatyn", - deıdi telegram arna.
https://dalanews.kz/sadak/94172-qangtarda-toqaevty-elden-ketuge-ugitt
