پروكۋراتۋرا ۇرلانعان قاراجاتتىڭ فيلم تۇسىرۋگە بولىنگەنىن اتاپ ءوتىپ، الايدا قاي فيلم تۋرالى ايتىپ جاتقانىن ناقتىلاماعان.
DALA INSIDE تەلەگرام ارناسىنا بەلگىلى بولعانداي اڭگىمە «ۇلى دالا تاڭى» فيلمىنە قاتىستى وربۋدە.
«قۇنى 4 ميلليارد تەڭگەدەن اساتىن (8،6 ملن دوللار) اۋقىمدى جوبانى اياقتادىم»، – دەپ جازعان ەدى بۇعان دەيىن رەجيسسەر اقان ساتايەۆ. ول ءدال سول تۇستا كينوستۋديا باسشىسى بولاتىن.
Kinopoisk پورتالىندا 2022 جىلى شىققان «ۇلى دالا تاڭى» ءفيلمىنىڭ پروديۋسەرى ءاليا نازاربايەۆا دەپ كورسەتىلگەن.
«ساتايەۆ پەن نازاربايەۆا» تاندەمى «ۇلى دالا تاڭىنان» بولەك بىرنەشە جوبالاردى بىرىگىپ اتقارعانى بەلگىلى.
دالىرەگىندە، اقان ساتايەۆ 2020 جىلى «ءقازاقفيلمنىڭ» پرەزيدەنتى بولىپ تاعايىندالىپ، سودان بەرگى ۋاقىتتا ءاليا نازاربايەۆامەن تىعىز قارىم-قاتىناستا جۇمىس ىستەي باستادى.
ءاليا نۇرسۇلتان قىزى 2019 جىلى ساتايەۆ تۇسىرگەن «توميريس» تاريحي ءفيلمىنىڭ باس پروديۋسەرى جانە سەناريي اۆتورىنىڭ ءبىرى دەپ كورسەتىلگەن. DALA INSIDE-تىڭ مالىمەتىنشە ءاليا نازاربايەۆاعا «توميريس» ءفيلمىنىڭ سەنارييى ءۇشىن 149 ميلليون تەڭگە تولەنگەن.
«قازاقفيلممەن» جاسالعان كەلىسىمگە سايكەس، ول (نازاربايەۆا، رەد.) اۆتور رەتىندە تەلەارناداعى پروكاتتان تۇسكەن پايدانىڭ 60%-ىن، ەل كينوتەاترلارىندا پروكاتتان تۇسكەن تابىستىڭ 70%-ىن جانە رەسپۋبليكادان تىس كينوتەاترلاردا كورسەتىلگەن پروكاتتىڭ 40%-ىن الۋعا قۇقىلى بولعان.
«ءتوميريستى» ءتۇسىرۋ ءۇشىن مەملەكەت 3 ميلليارد تەڭگەدەن استام قارجى جۇمساعانىن بىرەۋ بىلسە، بىرەۋ بىلمەس.
نازاربايەۆا پروديۋسەرلىك ەتكەن «توميريس» ءفيلمىن سول تۇستاعى مادەنيەت جانە سپورت مينيسترلىگىنىڭ تاپسىرىسى بويىنشا «ساتايفيلم» كومپانياسىمەن بىرلەستىكتە «قازاقفيلم» كينوستۋدياسى ءتۇسىردى.
ساتايەۆ پەن نازاربايەۆانىڭ «اناعا اپارار جول» كينودراماسى مەملەكەتتىك سىيلىقپەن ماراپاتتالدى.
ايتا كەتۋ كەرەك، جاقىندا انتيكور «كوشپەندىلەر» فيلمىندەگى بەكىنىس ساتىپ الۋ ترانزاكسياسىنىڭ قۇنىنا قاتىستى دەرەكتىڭ شەتىن شىعارعان. ونى بۇرىنعى مادەنيەت ءمينيسترى ارىستانبەك مۇحامەديۇلىنا قاتىستى كومپانيا ساتىپ العان بولىپ شىقتى. ياعني، 2017 جىلى جالعان بەكىنىس سالىنعاننان 44 ەسە ارزان باعاعا ساتىلعان.
انتيكور بۇل قىلمىستىق ىسكە ەكس-مينيستردىڭ قاتىسى بار-جوعىن تەكسەرىپ جاتقاندا، «ءقازاقفيلمنىڭ» بۇرىنعى باسشىسىنا قاتىستى تەرگەۋ امالدارى دا باستالدى.
بەلگىلى رەجيسسەر فيلمدەرىنە نازاربايەۆتىڭ كىشى قىزىن باس پروديۋسەرلىككە تارتۋ ارقىلى ءاليانى بەرىك «قامال» رەتىندە پايدالاندى ما؟ بالكىم، ەكەۋى ءاۋ باستان سىبايلاس شىعار، كىم ءبىلسىن؟
