قازاقستاننىڭ مەدەنيەت جەنە اقپارات مينيسترلٸگٸ “استانا وپەرا” تەاترىنىڭ قامقورشىلىق كەڭەسٸنٸڭ قۇرامىن نە ٷشٸن ٶزگەرتۋ تۋرالى شەشٸم قابىلداعانىن تٷسٸندٸردٸ, دەپ حابارلايدى Dalanews.kz Informburo.kz سايتىنا سٸلتەپ.
14 ناۋرىزدا “اشىق نقا” پورتالىندا جارييالانعان قاۋلى جوباسىنا سەيكەس, قامقورشىلىق كەڭەستەن داريعا نازارباەۆا, تيمۋر قۇلىباەۆ, كەڭەس راقىشەۆ, نۇرلان سماعۇلوۆ, الماسادام سەتقاليەۆ, الەكساندر ماشكەۆيچ (ول كەزدە كەسٸپكەر تٸرٸ بولعان) جەنە پاتوح شوديەۆتٸ شىعارۋ ۇسىنىلدى. ولاردىڭ ورنىنا باحاريدين ابلازيموۆ, رايىمبەك باتالوۆ, نۇرلان جاقىپوۆ, شۋحرات يبراگيموۆ جەنە سەگەر حايتينگ كٸرۋٸ مٷمكٸن.
مەدەنيەت جەنە اقپارات مينيسترلٸگٸ Informburo.kz سايتىنىڭ رەسمي ساۋالىنا بەرگەن جاۋابىندا تەاتردىڭ قامقورشىلىق كەڭەسٸ كەڭەسشٸ ورگان ەكەنٸن جەنە ونىڭ شەشٸمدەرٸ ۇسىنىس رەتٸندە قاراستىرىلاتىنىن ايتتى.
“كەڭەستٸڭ باستى مٸندەتٸ – تەاتردىڭ قالىپتاسۋى مەن دامۋىنا قولداۋ كٶرسەتۋ: بيۋدجەتتەن تىس قارجى كٶزدەرٸن تارتۋ, شىعارماشىلىق جوسپارلاردى جٷزەگە اسىرۋعا كٶمەكتەسۋ, كەسٸبي شەبەرلٸكتٸ ارتتىرۋ ٷشٸن جاعداي جاساۋ, حالىقارالىق جوبالاردى ٸسكە اسىرۋعا جەردەمدەسۋ, قىزمەتكەرلەرگە ەلەۋمەتتٸك قولداۋ كٶرسەتۋ جەنە باسقارۋ جٷيەسٸن جەتٸلدٸرۋگە ىقپال ەتۋ”, – دەپ تٷسٸندٸردٸ مينيسترلٸك.
ايتا كەتەيٸك, “استانا وپەرا” باسشىلىعىندا دا ٶزگەرٸستەر بولدى. 11 ناۋرىزدا تەاتردىڭ جاڭا ديرەكتورى بولىپ الەكساندر سوۆوستيانوۆ تاعايىندالدى. مينيسترلٸك كادرلىق ٶزگەرٸستەردٸڭ ەلٸ دە جالعاسۋى مٷمكٸن ەكەنٸن جوققا شىعارمايدى. سونداي-اق, تەاتردىڭ قارجىلىق تۇراقتىلىعىن ساقتاۋ ٷشٸن بيلەت باعاسىنا تٷزەتۋلەر ەنگٸزٸلۋٸ مٷمكٸن.
