ايتسە دە، قازاق سىنىبىنا 1483 بالا ءۇمىتتى بولسا، ال ورىس تىلىندە تەست تاپسىرعانداردىڭ سانى – 695 وقۋشى. سايكەسىنشە، قازاق توبىندا 1 گرانتقا 15 وقۋشى تالاسادى، ال ورىس سىنىبىنداعى وقۋ گرانتى ءۇشىن – 7 بالا ۇمىتكەر. مۇنى ادىلەتسىزدىك دەگەن اتا-انالار قوسىمشا گرانت ءبولىنسىن دەپ وتىر، دەپ حابارلايدى Dalanews.kz ينفورمبيۋرو جاڭالىقتار قىزمەتىنە سىلتەمە جاساپ.
حيميا-بيولوگيا باعىتىنداعى زياتكەرلىك مەكتەپتىڭ 7-سىنىبىنا وقۋشىلار قابىلداۋعا بيىل 200 گرانت بولىنگەن. قازاق توبىنا 100، ورىس توبىنا 100. الايدا اتا-انالار ۇل-قىزدارى جوعارى بالل جيناسا دا، جۇزدىككە كىرمەگەن.
“140-ورىندا تۇرعان قازاق توبىنىڭ وقۋشىسىنىڭ بالى 100-ورىندا تۇرعان ورىس توبىنداعى وقۋشىنىڭ بالىمەن بىردەي. ياعني 40 وقۋشىنىڭ ومىرىنە قيانات جاساپ جاتىرمىز. وقۋشىلاردىڭ گرانتقا تۇسە الماۋىنىڭ سەبەبى، ولار قازاق توبىندا وقىعانى ءۇشىن عانا، ەگەر ول ورىس توبىنا تاپسىرسا، ءتۇسىپ كەتەر ەدى”، – دەيدى قوعام بەلسەندىسى دارحان ارداق ۇلى.
بيىل الماتىداعى زياتكەرلىك مەكتەپتىڭ قازاق توبىنا 1500-گە تارتا وقۋشى ەمتيحان تاپسىرسا، ورىس تىلىندە ساباق بەرەتىن توپقا 700-گە جۋىق وقۋشى ءۇمىتتى بولعان. ەگەر ءار توپتاعى گرانت سانى 100 ەكەنىن ەسكەرسەك، قازاق تىلىندە وقىتاتىن سىنىپقا گرانت الۋ ءۇشىن ەكى ەسە باسەلەستىك تۋىندايدى دەيدى اتا-انالار.
“بالالارىمىزدى ءتۇرلى قوسىمشا ساباقتارعا قاتىستىرىپ، ۇزدىك مەكتەپكە ءبىلىم الۋعا جەتەلەگەن كەزدە، ادىلەتسىزدىكتىڭ قۇربانى بولدىق" دەگەن ولار گرانت سانىن ارتتىرۋدى تالاپ ەتىپ وتىر.
“ءبىلىم مينيسترلىگىنە، اسحات مىرزاعا جەتكىزگىمىز كەلەدى. ءجۇز بالانى ارتىق الۋعا مەملەكەتتىڭ قاۋقارى جەتپەي مە؟ جەتەدى! بولمايتىن نارسەگە اقشا شاشىپ جاتىرمىز عوي، بولاشاعىمىp - ءوسىپ كەلە جاتقان بالالارعا، كەلەشەكتەگى ۇرپاعىمىزعا شاشۋىمىز كەرەك اقشانى”، – دەيدى اتا-انا ءادىل سلامحان.
رەسپۋبليكالىق "وركەن" ءبىلىم بەرۋ گرانتى ءۇشىن ناقتى ەرەجەگە سايكەس كونكۋرس وتكىزىلەدى دەيدى زياتكەرلىك مەكتەپتەردىڭ وكىلى. ايتۋىنشا، گرانتتاردىڭ سانى مەن قازاق، ورىس توپتارىنا ءبولۋدى ءار مەكتەپتىڭ جوبالىق سىيىمدىلىعىن ەسەپكە الىپ، رەسپۋبليكالىق كوميسسيا تاعايىندايدى. كونكۋرستىق ىرىكتەۋدىڭ العاشقى كۇنى وقۋشىلاردىڭ قانشا بالل جيناعانى نەگىزگە الىناتىنىن ايتقان جانار جامانقۇلوۆا ەكى توپتاعى شەكتىك بالل جيناعان وقۋشىلاردىڭ سانى شامالاس دەيدى.
https://www.youtube.com/watch؟v=UKQzHMcgHSo&list=PLn2OyECVOtB9rViE9q2WvJardQcdcVkGO&index=8
“بۇل ەمتيحاندا ماتەماتيكا مەن ساندىق سيپاتتاما پاندەرى بويىنشا بىزدە شەكتىك بالل بار. قازاق توبىنا 1483 بالا تاپسىرسا، شەكتىك باللدى العانىنىڭ سانى 638 عانا، ال ورىس توبىنا 698 بالا تاپسىرسا، 421ء-ى شەكتىك باللدى العان. سوندا كوميسسيانىڭ قاراۋىنا وتكەن بالالاردىڭ سانى شامالاس دەپ ايتۋعا بولادى”، – دەيدى نزم دببۇ ءبىلىم ساپاسىن باعالاۋ جانە حالىقارالىق اككرەديتاسيالاۋ دەپارتامەنتىنىڭ اعا مەنەدجەرى جانار جامانقۇلوۆا.
ماماننىڭ ايتۋىنشا، گرانتقا ىلىكپەگەن وقۋشىلار ءبىر وقۋ جىلى بويى رەزەرۆتىك تىزىمدە بولادى. ءتۇرلى سەبەپتەرمەن گرانت بوساعان جاعدايدا ءتىزىم بويىنشا تۇرعان وقۋشىلارعا كەزەكپەن گرانت بەرۋ كوميسسيانىڭ قاراۋىنا جىبەرىلەدى ەكەن.
