Áitse de, qazaq synybyna 1483 bala úmitti bolsa, al orys tilinde test tapsyrǵandardyń sany – 695 oqýshy. Sáikesinshe, qazaq tobynda 1 grantqa 15 oqýshy talasady, al orys synybyndaǵy oqý granty úshin – 7 bala úmitker. Muny ádiletsizdik degen ata-analar qosymsha grant bólinsin dep otyr, dep habarlaidy Dalanews.kz Informbiýro jańalyqtar qyzmetine silteme jasap.
Himiia-biologiia baǵytyndaǵy Ziiatkerlik mekteptiń 7-synybyna oqýshylar qabyldaýǵa biyl 200 grant bólingen. Qazaq tobyna 100, orys tobyna 100. Alaida ata-analar ul-qyzdary joǵary ball jinasa da, júzdikke kirmegen.
“140-orynda turǵan qazaq tobynyń oqýshysynyń baly 100-orynda turǵan orys tobyndaǵy oqýshynyń balymen birdei. Iaǵni 40 oqýshynyń ómirine qiianat jasap jatyrmyz. Oqýshylardyń grantqa túse almaýynyń sebebi, olar qazaq tobynda oqyǵany úshin ǵana, eger ol orys tobyna tapsyrsa, túsip keter edi”, – deidi qoǵam belsendisi Darhan Ardaquly.
Biyl Almatydaǵy Ziiatkerlik mekteptiń qazaq tobyna 1500-ge tarta oqýshy emtihan tapsyrsa, orys tilinde sabaq beretin topqa 700-ge jýyq oqýshy úmitti bolǵan. Eger ár toptaǵy grant sany 100 ekenin eskersek, qazaq tilinde oqytatyn synypqa grant alý úshin eki ese báselestik týyndaidy deidi ata-analar.
“Balalarymyzdy túrli qosymsha sabaqtarǵa qatystyryp, úzdik mektepke bilim alýǵa jetelegen kezde, ádiletsizdiktiń qurbany boldyq" degen olar grant sanyn arttyrýdy talap etip otyr.
“Bilim ministrligine, Ashat myrzaǵa jetkizgimiz keledi. Júz balany artyq alýǵa memlekettiń qaýqary jetpei me? Jetedi! Bolmaityn nársege aqsha shashyp jatyrmyz ǵoi, bolashaǵymyp - ósip kele jatqan balalarǵa, keleshektegi urpaǵymyzǵa shashýymyz kerek aqshany”, – deidi ata-ana Ádil Slamhan.
Respýblikalyq "Órken" bilim berý granty úshin naqty erejege sáikes konkýrs ótkiziledi deidi Ziiatkerlik mektepterdiń ókili. Aitýynsha, granttardyń sany men qazaq, orys toptaryna bólýdi ár mekteptiń jobalyq syiymdylyǵyn esepke alyp, respýblikalyq komissiia taǵaiyndaidy. Konkýrstyq irikteýdiń alǵashqy kúni oqýshylardyń qansha ball jinaǵany negizge alynatynyn aitqan Janar Jamanqulova eki toptaǵy shektik ball jinaǵan oqýshylardyń sany shamalas deidi.
https://www.youtube.com/watch?v=UKQzHMcgHSo&list=PLn2OyECVOtB9rViE9q2WvJardQcdcVkGO&index=8
“Bul emtihanda matematika men sandyq sipattama pánderi boiynsha bizde shektik ball bar. Qazaq tobyna 1483 bala tapsyrsa, shektik balldy alǵanynyń sany 638 ǵana, al orys tobyna 698 bala tapsyrsa, 421-i shektik balldy alǵan. Sonda komissiianyń qaraýyna ótken balalardyń sany shamalas dep aitýǵa bolady”, – deidi NZM DBBU bilim sapasyn baǵalaý jáne halyqaralyq akkreditatsiialaý departamentiniń aǵa menedjeri Janar Jamanqulova.
Mamannyń aitýynsha, grantqa ilikpegen oqýshylar bir oqý jyly boiy rezervtik tizimde bolady. Túrli sebeptermen grant bosaǵan jaǵdaida tizim boiynsha turǵan oqýshylarǵa kezekpen grant berý komissiianyń qaraýyna jiberiledi eken.
