وتىرىس بارىسىندا پارتيا ءتوراعاسى پارتيانىڭ ماجىلىستەگى فراكسياسىنىڭ جەتەكشىسى قىزمەتىنە نۇرلان ءنىعماتۋليننىڭ كناديداتۋراسىن ۇسىندى.
بۇل تۋرالى twitter-دە ەلباسىنىڭ باسپا ءسوز حاتشىسى ايدوس ۇكىباي جازدى.
10 قاڭتاردا قازاقستاندا پارلامەنت ءماجىلىسى مەن ءماسليحاتتارى سايلاۋى ءوتتى.
داۋىس بەرۋ ناتيجەسىندە ماجىلىسكە ءۇش پارتيا ءوتتى: "Nur Otan"، قازاقستاننىڭ "اق جول" دەموكراتيالىق پارتياسى جانە "قازاقستان حالىق پارتياسى".
نۇرلان ءنىعماتۋليننىڭ ءومىربايانى
نۇرلان نىعماتۋلين 1962 جىلى قاراعاندىدا تۋعان. قاراعاندى پوليتەحنيكالىق ينستيتۋتىن بىتىرگەن. ساياسي عىلىمدار دوكتورى. ينستيتۋتتى بىتىرگەننەن كەيىن "قاراعاندىوبلگاز" وندىرىستىك بىرلەستىگى اۆتوكولونناسىنىڭ ينجەنەرى، باستىعى بولىپ جۇمىس ىستەگەن.
1985-1990 جىلدارى قازاقستان لكجو لەنين اۋداندىق كوميتەتىنىڭ ءبىرىنشى حاتشىسى، قازاقستان لكجو وك كومسومول ۇيىمدارى ءبولىمى مەڭگەرۋشىسىنىڭ ورىنباسارى، قازاقستان لكجو قاراعاندى وبلىستىق كوميتەتىنىڭ حاتشىسى، ءبىرىنشى حاتشىسى بولدى.
1990-1993 جىلدارى – قازاقستان جاستار ۇيىمدارى كوميتەتىنىڭ ءتوراعاسى.
1993-1995 جىلدارى – "تەنگري" قازاق-امەريكان بىرلەسكەن كاسىپورنىنىڭ پرەزيدەنتى.
1995-1999 جىلدارى – قازاقستان رەسپۋبليكاسى پرەزيدەنتى اكىمشىلىگىنىڭ ۇيىمداستىرۋ-باقىلاۋ ءبولىمىنىڭ مەملەكەتتىك ينسپەكتورى، ءبولىم مەڭگەرۋشىسىنىڭ ورىنباسارى.
1999-2002 جىلدارى – استانا قالاسى اكىمىنىڭ ورىنباسارى.
2002-2004 جىلدارى – قازاقستان رەسپۋبليكاسى كولىك جانە كوممۋنيكاسيا ۆيسە-مينيسترى.
2004-2006 جىلدارى – قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى.
2006-2009 جىلدارى – قاراعاندى وبلىسىنىڭ اكىمى.
2009-2012 جىلدارى – "نۇر وتان" حالىقتىق دەموكراتيالىق پارتياسى ءتوراعاسىنىڭ ءبىرىنشى ورىنباسارى.
2012 جىلدىڭ 20 قاڭتار – 2014 جىلدىڭ 3 ءساۋىر ارالىعىندا بەسىنشى سايلانعان قازاقستان رەسپۋبليكاسى پارلامەنتى ءماجىلىسىنىڭ ءتوراعاسى، "نۇر وتان" حالىقتىق دەموكراتيالىق پارتياسىنىڭ قازاقستان رەسپۋبليكاسى پارلامەنتى ماجىلىسىندەگى فراكسياسىنىڭ جەتەكشىسى بولدى.
2014 جىلدىڭ 3 ءساۋىرى – 2016 جىلدىڭ 21 ماۋسىمى ارالىعىندا قازاقستان رەسپۋبليكاسى پرەزيدەنتى اكىمشىلىگىنىڭ باسشىسى قىزمەتىن اتقاردى.
2016 جىلدىڭ 22 ماۋسىمنان باستاپ التىنشى سايلانعان قازاقستان رەسپۋبليكاسى پارلامەنتى ءماجىلىسىنىڭ ءتوراعاسى بولىپ ءبىراۋىزدان سايلاندى، "نۇر وتان" پارتياسىنىڭ مۇشەسى، پارتيالىق ءتىزىم بويىنشا سايلانعان.
2019 جىلدىڭ 22 تامىزىنان "Nur Otan" پارتياسىنىڭ ماجىلىستەگى فراكسياسىنىڭ باسشىسى بولدى.
2016 جىلدىڭ 22 ماۋسىمىنان باستاپ قازاقستان پارلامەنتى ءماجىلىسىنىڭ ءتوراعاسى.
ۇيلەنگەن. ءۇش بالاسى، ءتورت نەمەرەسى بار.
