Otyrys barysynda partiia tóraǵasy partiianyń Májilistegi fraktsiiasynyń jetekshisi qyzmetine Nurlan Nyǵmatýlinniń knadidatýrasyn usyndy.
Bul týraly twitter-de Elbasynyń baspasóz hatshysy Aidos Úkibai jazdy.
10 qańtarda Qazaqstanda Parlament Májilisi men máslihattary sailaýy ótti.
Daýys berý nátijesinde Májiliske úsh partiia ótti: "Nur Otan", Qazaqstannyń "Aq jol" Demokratiialyq partiiasy jáne "Qazaqstan Halyq partiiasy".
Nurlan Nyǵmatýlinniń ómirbaiany
Nurlan Nyǵmatýlin 1962 jyly Qaraǵandyda týǵan. Qaraǵandy politehnikalyq institýtyn bitirgen. Saiasi ǵylymdar doktory. Institýtty bitirgennen keiin "Qaraǵandyoblgaz" óndiristik birlestigi avtokolonnasynyń injeneri, bastyǵy bolyp jumys istegen.
1985-1990 jyldary Qazaqstan LKJO Lenin aýdandyq komitetiniń birinshi hatshysy, Qazaqstan LKJO OK komsomol uiymdary bólimi meńgerýshisiniń orynbasary, Qazaqstan LKJO Qaraǵandy oblystyq komitetiniń hatshysy, birinshi hatshysy boldy.
1990-1993 jyldary – Qazaqstan jastar uiymdary komitetiniń tóraǵasy.
1993-1995 jyldary – "Tengri" qazaq-amerikan birlesken kásipornynyń prezidenti.
1995-1999 jyldary – Qazaqstan Respýblikasy prezidenti ákimshiliginiń uiymdastyrý-baqylaý bóliminiń memlekettik inspektory, bólim meńgerýshisiniń orynbasary.
1999-2002 jyldary – Astana qalasy ákiminiń orynbasary.
2002-2004 jyldary – Qazaqstan Respýblikasy kólik jáne kommýnikatsiia vitse-ministri.
2004-2006 jyldary – Qazaqstan Respýblikasy prezidenti ákimshiligi basshysynyń orynbasary.
2006-2009 jyldary – Qaraǵandy oblysynyń ákimi.
2009-2012 jyldary – "Nur Otan" halyqtyq demokratiialyq partiiasy tóraǵasynyń birinshi orynbasary.
2012 jyldyń 20 qańtar – 2014 jyldyń 3 sáýir aralyǵynda besinshi sailanǵan Qazaqstan Respýblikasy parlamenti májilisiniń tóraǵasy, "Nur Otan" halyqtyq demokratiialyq partiiasynyń Qazaqstan Respýblikasy parlamenti májilisindegi fraktsiiasynyń jetekshisi boldy.
2014 jyldyń 3 sáýiri – 2016 jyldyń 21 maýsymy aralyǵynda Qazaqstan Respýblikasy prezidenti ákimshiliginiń basshysy qyzmetin atqardy.
2016 jyldyń 22 maýsymnan bastap altynshy sailanǵan Qazaqstan Respýblikasy parlamenti májilisiniń tóraǵasy bolyp biraýyzdan sailandy, "Nur Otan" partiiasynyń múshesi, partiialyq tizim boiynsha sailanǵan.
2019 jyldyń 22 tamyzynan "Nur Otan" partiiasynyń májilistegi fraktsiiasynyń basshysy boldy.
2016 jyldyń 22 maýsymynan bastap Qazaqstan parlamenti májilisiniń tóraǵasy.
Úilengen. Úsh balasy, tórt nemeresi bar.
