پرەزيدەنت ۇكىمەتتىڭ كەڭەيتىلگەن وتىرىسىندا ينۆەستيسيالار جانە دامۋ مينيسترلىگىنىڭ جۇمىسىن سىنعا الدى.
استانادا ءوتىپ جاتقان ۇكىمەتتىڭ كەڭەيتىلگەن وتىرىسىندا پرەزيدەنت نۇرسۇلتان نازاربايەۆ ينۆەستيسيالار جانە دامۋ ءمينيسترى جەڭىس قاسىمبەكتىڭ جۇمىسىن سىنادى.
پرەزيدەنت وتىرىستا "نۇرلى جول" مەملەكەتتىك باعدارلاماسىنا توقتالىپ، جولداردىڭ ساپاسى مەن اقشانىڭ ءتيىمدى جۇمسالۋى پروبلەما بولىپ وتىرعانىن ايتتى.
"ءقازىر سالىنىپ جاتقان جول وسكەلەڭ ۇرپاقتىڭ يگىلىنە جۇمىس ىستەيدى. ءبىراق ءقازىر باستى ماسەلە – جولداردىڭ ساپاسى مەن اشىقتىق، تيىمدىلىك بولىپ وتىر. بۇگىندە وسىنداي باسسىزدىقتاردان قۇقىق قورعاۋ ورگاندارى "قازاقاۆتوجولدىڭ"، وڭىرلىك فيليالدارىنىڭ بارلىق دەرلىك باسشىلىعىن ۇستادى. ارينە، ءبىر نارسە بۇلدىرگەنى ءۇشىن. بۇل باسشىلىقتىڭ اقشانى پايدالانۋىندا دا، جولداردىڭ ساپاسىندا دا كەمشىلىكتەر بار ەكەنىن كورسەتەدى"، — دەدى نازاربايەۆ.
پرەزيدەنت ينۆەستيسيالار جانە دامۋ ءمينيسترى جەڭىس قاسىمبەكتەن ءمان-جايدى سۇرادى.
"نە بولدى، بارلىعى ۇرى بولىپ شىقتى ما تۇبىندە؟"، — دەدى پرەزيدەنت.
"قازاقاۆتوجول – رەسپۋبليكالىق ماڭىزداعى اۆتوجولدارعا قىزمەت كورسەتەتىن رەسپۋبليكالىق كاسىپورىن. ول جول سالۋمەن اينالىسپايدى، ءبىراق باسشىلىق جەمقورلىق قىلمىسىنا بايلانىستى ءقازىر سوت پروسەسىنەن ءوتىپ جاتىر"، — دەپ جاۋاپ بەردى مينيستر.
"جۇمىس ورىنداعاندا ءبىز نورماتيۆكە قارايمىز. نورماتيۆ باياعىدا ەسكىرىپ قالعان، نورماتيۆكە ەمەس، جولداردىڭ ساپاسىنا قاراۋ كەرەك. نورماتيۆپەن سالادى، نورماتيۆپەن اقشا الادى، ءبىر كەزدەرى بالاباقشالاردى دا ءزاۋلىم ساراي قىپ تۇرعىزعانى سەكىلدى. مەملەكەتتە اقشا پايدا بولا قالعان كەزدە، ءبارىنىڭ ارانى اشىلا قالادى. سوندا مينيسترلىك نە ءۇشىن قاجەت؟ مەملەكەتتىڭ اقشاسى قايدا جۇمسالىپ وتىرعانىن باقىلاۋ ءۇشىن. بۇل سەنىڭ جۇمىسىڭدا كەمشىن تۇستار بار دەگەن ءسوز"، — دەپ سىنادى نازاربايەۆ قاسىمبەككە.
دەرەككوز: sputniknews.kz
