الماتى وبلىسى مەن جەتٸسۋ ٶڭٸرٸندەگٸ سۋ تاپشىلىعى, ينفراقۇرىلىمنىڭ توزۋى جەنە بيۋدجەتتٸك تەڭسٸزدٸك مەسەلەلەرٸ استانادا ٶتكەن ەرەكشە فورماتتاعى جيىندا تالقىلاندى. بۇل كەزدەسۋدٸ قر پارلامەنتٸ سەناتىنىڭ دەپۋتاتى, الماتى وبلىسىنان سايلانعان جانبولات جٶرگەنباەۆ ۇيىمداستىرعان, دەپ حابارلايدى Dalanews.kz.
سەنات قابىرعاسىندا ٶتكەن جيىنعا الماتى وبلىسىنىڭ رايىمبەك, كەگەن, ۇيعىر, بالقاش جەنە ەڭبەكشٸقازاق اۋداندارىنىڭ ەكٸمدەرٸ قاتىستى. سەناتور جٶرگەنباەۆ اۋدان باسشىلارىن ەلورداعا شاقىرىپ, مينيسترلٸكتەر مەن ورتالىق اتقارۋشى ورگان ٶكٸلدەرٸمەن تٸكەلەي كەزدەستٸرۋدٸ ماقسات ەتكەن. ەسٸرەسە قوناەۆتان شالعاي ورنالاسقان نارىنقول, كەگەن جەنە شونجى اۋىلدارىنىڭ جاعدايىن ٶكٸلەتتٸ ورگاننىڭ ٶكٸلدەرٸنە ەكٸمدەردٸڭ ٶز اۋزىمەن ايتۋىنا مٷمكٸندٸك تۋدى, دەيدٸ دەپۋتات.
“بۇل باستاما — شالعاي ٶڭٸر ەكٸمدەرٸنٸڭ ٷكٸمەت دەڭگەيٸندە ٶز مەسەلەلەرٸن اشىق ايتۋىنا مٷمكٸندٸك بەرگەن تىڭ فورمات رەتٸندە باعالاندى. جيىندا سٶز بولعان ەڭ ٶزەكتٸ مەسەلە — سۋ تاپشىلىعى. سۋارمالى القاپتار مەن اۋىل شارۋاشىلىعىنا قاجەتتٸ ينفراقۇرىلىمنىڭ ەسكٸرۋٸ, كەڭەس دەۋٸرٸنەن قالعان جٷيەلەردٸڭ ٸستەن شىعۋى بٷگٸندە رايىمبەك پەن كەگەن ٶڭٸرٸندەگٸ تۇرعىنداردى ەبٸگەرگە سالعان”,– دەيدٸ جانبولات جٶرگەنباەۆ.
بٸر توپ سەناتورلار مەن مەجٸلٸسمەندەر وسى باعىتتا سوڭعى جىلدارى جٷيەلٸ جۇمىس جٷرگٸزٸپ كەلەدٸ. ول سۋ شارۋاشىلىعىنا قاتىستى جاڭا زاڭ جوبالارىنىڭ قابىلدانۋىنا جەنە سۋ رەسۋرستارى جەنە يرريگاتسييا مينيسترلٸگٸنٸڭ قۇرىلۋىنا باستاماشى بولعاندىعى. وسى وتىرىسقا قاتىسقان مەجٸلٸس دەپۋتاتى اناس باققوجاەۆ ەلەۋمەتتٸك جەلٸدەگٸ جازباسىندا كەزدەسۋدٸڭ نەتيجەلٸ ٶتكەنٸن اتاپ ٶتتٸ:
«باياعىدا اۋدان ەكٸمدەرٸن استاناعا شاقىرىپ, مينيسترلەرمەن بەتپە-بەت جٷزدەستٸرٸپ, شەشٸلمەگەن مەسەلەلەردٸڭ تٷيٸنٸن تارقاتسا عوي دەپ ارماندايتىنبىز. بٷگٸن سول ارمان ورىندالعانداي. ەكٸمدەر بۇل جينالىستان “سەنٸمدٸ بولساڭ — ارگۋمەنتٸڭدٸ قارۋ قىل, قۇجاتىڭمەن ۇرىپ جىق!” دەگەن مەسسەدج الدى», – دەيدٸ دەپۋتات.
بۇل ٶزگەشە فورمات. ول الداعى ۋاقىتتا دا جالعاسىن تاپسا دەيمٸن. ەكونوميكا مينيسترٸنٸڭ بٸرٸنشٸ ورىنباسارى ازامات امرين جيىندا جاڭا بيۋدجەت كودەكسٸنٸڭ پرينتسيپتەرٸن تٷسٸندٸرٸپ, اۋدانداردىڭ قارجىلىق جوسپارلاۋ كەزٸندەگٸ ولقىلىقتارىنا نازار اۋداردى, دەيدٸ دەپۋتات.
كەزدەسۋ بارىسىندا نارىنقول, كەگەن سىندى شالعاي اۋىلداردىڭ ەلەۋمەتتٸك مەسەلەلەرٸ دە سٶز بولدى. مىسالى, رايىمبەك اۋدانىنا قاراستى قاينار اۋىلىندا 3 مىڭ ادام تۇرادى, بٸراق سپورت كەشەنٸ, بالاباقشا, زاماناۋي مەكتەپ پەن اۋرۋحانا جوق. فوك (فيزكۋلتۋرا-ساۋىقتىرۋ كەشەنٸ) جوباسى دايىندالعانىمەن, ەكٸ جىلدان بەرٸ قارجى بٶلٸنبەي كەلەدٸ.
سەناتور جٶرگەنباەۆتىڭ بۇل باستاماسى قوعام تاراپىنان وڭ باعالاندى. حالىقتىڭ مەسەلەسٸن پارلامەنت قابىرعاسىنا جەتكٸزۋ, اۋدان ەكٸمدەرٸ مەن ورتالىق ورگاندار اراسىندا تٸكەلەي ديالوگ ورناتۋ — ٶڭٸرلٸك دامۋ ٷشٸن ماڭىزدى قادام دەپ تانىلدى. وسىنداي كەزدەسۋلەر جيٸ ٶتٸپ تۇرسا, شالعايداعى ايماقتارداعى تەڭسٸزدٸك پەن قارجى تاپشىلىعىنىڭ تٷيٸنٸ تەزٸرەك شەشٸلەر ەدٸ, دەيدٸ وتىرىس قاتىسۋشىلارىنىڭ بٸرٸ سەناتور زەكٸرجان كۋزيەۆ.
الماتى وبلىسى مەن جەتٸسۋ ٶڭٸرٸ – تابيعاتى باي, بٸراق ينفراقۇرىلىمدىق تۇرعىدان كٷردەلٸ ايماق. وسى ٶڭٸردەن سايلانعان دەپۋتاتتار بۇل باستاما اۋىل حالقىنىڭ ناقتى مەسەلەسٸن شەشۋگە باعىتتالعان جاۋاپكەرشٸلٸكتٸ جەنە ٶڭٸرگە ادالدىقتى كٶرسەتەدٸ. مۇنى الداعى ۋاقىتتا دا دەستٷرگە اينالدىرامىز, دەپ تارقاستى.
