«مەن وتكەن جىلى زيالى قاۋىم وكىلدەرىمەن كەزدەسىپ، ناۋرىز مەيرامىن ءساۋىر ايىندا لايىقتى دەڭگەيدە اتاپ ءوتۋدى ۇسىندىم. 22 ناۋرىزدا ءبىزدىڭ ءوڭىرىمىز ءالى دە قار قۇرساۋىندا جاتادى عوي. بۇل ناۋرىز مەيرامىن تويلاۋدا قيىندىقتار تۋعىزادى. مەنىڭ ويىمشا، ءساۋىر ايى تۋعان سوڭ مەيرامدى كەڭ كولەمدە اتاپ ءوتۋىمىز كەرەك»، – دەدى ايماق باسشىسى بولات باكاۋوۆ حالىققا ەسەپ بەرۋ بارىسىندا.
اكىمنىڭ ايتۋىنشا، بۇل بار بولعانى ۇسىنىس قانا. ەگەر پاۆلودارلىقتار تاراپىنان قولداۋ بولسا، وندا مەيرامدى تويلاۋ ۋاقىتى وزگەرتىلۋى مۇمكىن. اكىمنىڭ ۇسىنىسى الەۋمەتتىك جەلىدە قىزۋ تالقىعا سالىنۋدا. قولداۋشىلار دا تابىلىپ وتىر. ءبىراق پىكىر بىلدىرۋشىلەردىڭ دەنى عاسىرلار بويى قالىپتاسقان مەيرامدى تويلاۋ ۋاقىتىن وزگەرتۋگە بولمايتىندىعىن ايتۋدا.
دەرەككوز: qasym.kz
