ناقتىراق ايتساق وبلىستىق اۋرۋحاناعا قاراستى كارديوحيرۋرگييالىق ورتالىقتىڭ جۇمىسىمەن تانىسىپ قايتتىق. ورتالىق وسىدان ەكٸ جىل بۇرىن قىركٷيەك ايىندا اشىلعان ەكەن. ال بيىلعى جىلدىڭ شٸلدە ايىندا ورتالىق دەرٸگەرلەرٸ جاڭا «گ» بلوگىنا كٶشٸپتٸ. اۋرۋحانا باسشىلارى بٸزگە وسى بلوگتى تولىقتاي تانىس ەتتٸ.
الايدا بۇل تۋرالى ايتپاس بۇرىن الدىمەن ٶڭٸردەگٸ ەڭ ٸرٸ اۋرۋحانانىڭ بٷگٸنگٸ تىنىس-تٸرشٸلٸگٸنەن حاباردار ەتەلٸك. مەديتسينالىق مەكەمە 365 ادامدى قابىلداي الادى. ەزٸرگٸ كٷنٸ مۇندا 150-گە جۋىق دەرٸگەر قىزمەت ەتۋدە. ماڭعىستاۋ وبلىستىق اۋرۋحاناسى ديرەكتورىنىڭ ورىنباسارى مارجان نۇرلانوۆانىڭ ايتۋىنشا مەكەمە 4 ورتالىقتى بٸرٸكتٸرٸپ وتىر. اتاپ ايتساق, بۇل – كارديوحيرۋرگييالىق, نەيروحيرۋرگييالىق, سوماتيكالىق جەنە حيرۋرگييالىق ورتالىق. بۇلاردىڭ ەرقايسىسىنىڭ ٶز بٶلٸمشەلەرٸ بار. ايتا كەتەلٸك, بيىل ٶڭٸرگە 50-گە تارتا جاس مامان كەلگەن. ولاردىڭ كٶپشٸلٸگٸ قالالىق, اۋداندىق دەڭگەيدەگٸ اۋرۋحانالارعا ورنالاسقان.
– ٶڭٸرگە جاس مامانداردى تارتۋ ٷشٸن ەڭ الدىمەن ەلەۋمەتتٸك پاكەتتٸڭ بولعانى ماڭىزدى. بۇل باعىتتا جۇمىس جٷرٸپ جاتىر. بولاشاقتا بٸز اۋرۋحانامىزعا شاقىرتۋ العان جاس مامانداردى باسپانامەن قامتاماسىز ەتەتٸن بولامىز, – دەيدٸ مارجان نۇرلانوۆا.
[caption id="attachment_8478" align="alignleft" width="387"]
ال العاش 2009 جىلى «كارديولوگييالىق جەنە كارديوحيرۋرگييالىق كٶمەك باعدارلاماسى» اياسىندا بٶلٸمشە رەتٸندە اشىلعان كارديوحيرۋرگييالىق ورتالىق 15 تٶسەك-ورىنعا ارنالعان ەكەن. ورتالىق ٶز قۇرىلىمىنا كارديولوگييا-اريتمولوگييا, قان تامىرلارىنىڭ پاتولوگيياسى, كارديورەانيماتسييالىق, كارديووپەراتسييالىق بلوك جەنە ساۋىقتىرۋ بٶلٸمشەسٸن بٸرٸكتٸرٸپ وتىر. قازٸر مۇندا استانادان, انىقتاپ ايتساق ۇلتتىق كارديوحيرۋرگييالىق ورتالىقتان شاقىرتۋ العان 20-عا تارتا (ونىڭ ٸشٸندە 5 كارديوحيرۋرگ) بٸلٸكتٸ مامان جۇمىس ٸستەيدٸ.
قۇرىلعالى بەرٸ مۇندا 1000-عا جۋىق كارديوحيرۋرگييالىق وتا جاسالعان. ونىڭ ٸشٸندەگٸ 50 وپەراتسييا 1 جاسقا جەتپەگەن بالالارعا جاسالعانىن بٶلەك ايتا كەتەيٸك.
30 بالانىڭ ٶمٸرٸن قۇتقارعان...
[caption id="attachment_8476" align="alignright" width="334"]
بالاعا وتا جاساۋعا تٸپتٸ تەجٸريبەلٸ حيرۋرگتەردٸڭ ٶزٸ باتا بەرمەيدٸ. بۇل ٷشٸن دەتٸڭ بەرٸك, جٷيكەڭ شىدامدى بولعانى ماڭىزدى. اتالعان ورتالىقتىڭ كارديورەانيماتسييا جەنە كارديووتا بٶلٸمٸنٸڭ مەڭگەرۋشٸسٸ – تيمۋر ٶتەعاليەۆكە ماڭعىستاۋ تۇرعىندارىنىڭ ايتار العىسى شەكسٸز. تيمۋر سوڭعى 2 جىلدا جٷرەگٸندە اقاۋى بار, بىلايشا ايتقاندا اجال اۋزىندا تۇرعان 30 نەرەستەگە وتا جاساپ, امان الىپ قالىپتى! ەڭبەگٸ ەلەنە بەرمەيتٸن, ال كەمشٸلٸگٸ بولسا بٸردەن كٶزگە تٷسەتٸن دەرٸگەردٸڭ اراسىندا دا ٶز كەسٸبٸنە ادال ازاماتتار بارشىلىق ەكەنٸنە بۇل جولى ناقتى كٶز جەتكٸزدٸك.
ال تيمۋر كەنجەشۇلى «وتاندىق كارديورەانيماتسييانىڭ شەشٸمٸن تابۋعا تيٸستٸ تٷيتكٸلدٸ مەسەلەسٸ» كٶپ دەيدٸ.
– بٸرٸنشٸدەن, ەلٸمٸزدە كارديورەانيماتولوگتار جەتٸسپەيدٸ. ال بۇل باعىتتاعى مامانداردىڭ بارلىعى بٸردەي بٸلٸكتٸ ەمەس. جالپى مۇنداي مامان جاساپ شىعارۋ وڭاي ەمەس. ۋنيۆەرسيتەتتە العان بٸلٸمٸ ٶز الدىنا, دەرٸگەردٸڭ ٶزٸن ساناتىن قاراي بٶلەتٸن بولساق, بٸلٸكتٸ كارديوحيرۋرگتى دايىنداپ شىعۋ ٷشٸن 10 جىل كەتسە, كارديورەانيماتولوگتارعا 15 جىل ۋاقىت قاجەت, – دەيدٸ ول.
دەرٸگەر پيانىڭ شەكٸرتتەرٸ
[caption id="attachment_8477" align="alignleft" width="301"]
كارديوحيرۋرگييالىق ورتالىققا جەڭٸس قوزىباەۆ باسشىلىق ەتەدٸ. ونىڭ ايتۋىنشا, جاڭادان اشىلعان «گ» بلوگى زاماناۋي مەديتسينالىق تەحنولوگييالارمەن جاراقتانعان. مۇندا وپەراتسييالىق, رەانيماتسييالىق بلوك, تىنىستاپ, دەمالۋعا ارنالعان ىڭعايلى بٶلمەلەر جەنە ورتالىقتىڭ ٶز اسحاناسى بار. جاڭادان اشىلعان بلوگتىڭ اۋماعى 3 مىڭ شارشى مەتردٸ قۇرايدى. وپەراتسييالىق بلوكتىڭ ٶزٸ 10 زالدى بٸرٸكتٸرسە, رەانيماتسييالىق بلوك 16 تٶسەك-ورىنعا ارنالعان.
– اقش-تا كارديوحيرۋرگييا جەتٸك دامىعان. سول سەبەپتٸ اۋرۋحاناداعى, ونىڭ ٸشٸندە ورتالىقتاعى مەديتسينالىق قۇرىلعىلاردىڭ بارلىعى امەريكا تەحنولوگيياسى. ەربٸر ناۋقاستىڭ الدىندا ونىڭ قان قىسىمىن, جٷرەك قاعىسىن باقىلايتىن جەنە تىنىس الۋىن جەڭٸلدەتەتٸن قۇرىلعىلار تۇرادى. جاقىندا عانا قۇنى 250 ملن. تەڭگە تۇراتىن «انگيوگراف» قۇرىلعىسىن ساتىپ الدىق. ەندٸگٸ جەردە جٷرەك-قان تامىرلارى وپەراتسيياسىن وسى قۇرىلعىنىڭ كٶمەگٸمەن جاسايتىن بولامىز, – دەيدٸ جەڭٸس بولاتۇلى.
ٸلگەرٸدە بٸز ورتالىقتا جۇمىس ٸستەيتٸن دەرٸگەرلەردٸڭ بارلىعى استانادان شاقىرتۋ العان بٸلٸكتٸ ماماندار ەكەنٸن ايتقان ەدٸك. سونىڭ بٸرٸ – جەڭٸس قوزىباەۆ. اتاقتى كارديوحيرۋرگ, ۇلتتىق عىلىمي كارديوحيرۋگييالىق ورتالىقتىڭ تٶراعاسى يۋريي پيانىڭ شەكٸرتٸ.
– كەي كەزدەرٸ دەرٸگەرلەر پارا الادى, كوررۋپتسييانىڭ بٸر ۇشى وسىلاردا جاتىر دەگەن پٸكٸردٸ جيٸ ەستيمٸن. مىسالعا, بٸز حالىقپەن ەتەنە جۇمىس كەسٸپتٸڭ يەلەرٸمٸز. كەي كەزدەرٸ كٶرسەتكەن قىزمەتٸڭە ريزاشىلىق تانىتقان ازاماتتار بٸر قوراپ كەمپيتٸ مەن شارابىن پاكەتكە سالىپ جۇمىس ورنىڭا ەكەپ قويىپ كەتەدٸ. بٸز ەمدەلۋشٸلەردەن «ەلدەنە الىپ كەل, دەمەتٸپ وتىرمىز» دەمەسٸمٸز انىق قوي. مەنٸڭشە, بۇل حالىقتىڭ كٶڭٸلٸ, كٶرسەتكەن قىزمەتٸڭە ايتقان ريياسىز العىسى. بٸز ٶز ارامىزدا مۇنى «ۆراچپاكەت» دەپ اتايمىز. ٶز باسىم يۋريي پيانىڭ شەكٸرتٸمٸن. پارا الىپ جاتقانىمدى كٶرسە, ول مەنٸ ەكٸ سٶزگە كەلمەي جۇمىستان شىعارىپ جٸبەرەر ەدٸ. يۋريي ۆلاديميرۇلى «بٸرٸنشٸ كەزەكتە ەمدەلۋشٸنٸڭ جاعدايىنا نازار اۋدارۋ قاجەت» دەگەن قاعيدانى قۇلاعىمىزعا قۇيدى. مەن ٷشٸن بۇل بۇلجىماس بايلام», – دەيدٸ جەڭٸس قوزىباەۆ.
سٶز سوڭىندا ايتارىمىز ماڭعىستاۋ وبلىستىق اۋرۋحاناسىندا «اق حالاتتى ابزال جان» دەگەن اتقا لايىقتى ازاماتتار جۇمىس ٸستەيدٸ ەكەن. بٸز بۇعان انىق كٶز جەتكٸزٸپ قايتتىق.
دۋمان بىقاي
