– مەشٸتتەرگە ايتىلعان ۇسىنىس بويىنشا باس يمامداردىڭ ٶزدەرٸ شەشٸم قابىلداۋى كەرەك. اشىعىن ايتقاندا, اللانىڭ الدىندا نيەت قىلۋ مەشٸتتەردە عانا ەمەس, ەربٸر ازامات ٶز ٷيٸندە دە, اشىق اسپان استىندا دا نيەت قىلا الادى.
بۇل ەربٸر ازاماتتىڭ ٶز قۇقىعى دەپ ويلايمىز. دەگەنمەن, ادام كٶپ جينالاتىن جەرلەردە بۇل مەسەلەنٸ ەسكەرۋٸمٸز كەرەك. وڭتٷستٸك كورەيادا كوروناۆيرۋس وسى دٸني ورىنداردان تارالعانىن بٸلەمٸز.
سوندىقتان مۇنى دا ەسكەرٸپ, ازاماتتاردى ساقتاندىرۋعا تيٸسپٸز, – دەدٸ توعجانوۆ ٷكٸمەت ٷيٸندە ٶتكەن باسپاسٶز مەسليحاتىندا.
بۇعان دەيٸن ٷكٸمەت باسشىسى اسقار مامين ەكٸمدٸكتەرگە مەملەكەتتٸك جەنە جەكەمەنشٸك ۇيىمداردا, ەسٸرەسە, وقۋ ورىندارىندا, حالىققا قىزمەت كٶرسەتۋ ورتالىقتارىندا, ساۋدا ورتالىقتارى مەن بازارلاردا ەپيدەميياعا قارسى ٸس شارالاردى كٷشەيتۋدٸ تاپسىردى.
دەنساۋلىق ساقتاۋ مينيسترلٸگٸنٸڭ اقپاراتىنشا, 6 قاڭتاردان بەرٸ مەملەكەتتٸك شەكارادا بٸر ميلليونعا جۋىق ازامات تەكسەرٸلگەن. قازٸرگٸ ۋاقىتتا قازاقستاندا كوروناۆيرۋس انىقتالعان جوق.
