– Meshitterge aitylǵan usynys boiynsha bas imamdardyń ózderi sheshim qabyldaýy kerek. Ashyǵyn aitqanda, Allanyń aldynda niet qylý meshitterde ǵana emes, árbir azamat óz úiinde de, ashyq aspan astynda da niet qyla alady.
Bul árbir azamattyń óz quqyǵy dep oilaimyz. Degenmen, adam kóp jinalatyn jerlerde bul máseleni eskerýimiz kerek. Ońtústik Koreiada koronavirýs osy dini oryndardan taralǵanyn bilemiz.
Sondyqtan muny da eskerip, azamattardy saqtandyrýǵa tiispiz, – dedi Toǵjanov úkimet úiinde ótken baspasóz máslihatynda.
Buǵan deiin úkimet basshysy Asqar Mamin ákimdikterge memlekettik jáne jekemenshik uiymdarda, ásirese, oqý oryndarynda, halyqqa qyzmet kórsetý ortalyqtarynda, saýda ortalyqtary men bazarlarda epidemiiaǵa qarsy is sharalardy kúsheitýdi tapsyrdy.
Densaýlyq saqtaý ministrliginiń aqparatynsha, 6 qańtardan beri memlekettik shekarada bir millionǵa jýyq azamat tekserilgen. Qazirgi ýaqytta Qazaqstanda koronavirýs anyqtalǵan joq.
