ن. نازارباەۆ: "ٶزگە جۇرتتىڭ تاباسىنا قالمايىق!"
مەملەكەت باسشىسى وبلىس ەكٸمدەرٸنە, استانا جەنە الماتى قالالارىنىڭ ەكٸمدەرٸنە جەر رەفورماسى جٶنٸندەگٸ تٷسٸندٸرۋ جۇمىستارىن بەلسەندٸ تٷردە جٷرگٸزۋدٸ تاپسىردى. "جەر رەفورماسى جٶنٸندەگٸ كوميسسييا سەيكەس زاڭنامانى جەتٸلدٸرۋ بويىنشا كەلٸسٸلگەن ۇستانىمدى جاساپ شىعۋى تيٸس", - دەدٸ نازارباەۆ. ونىڭ سٶزٸن اقوردانىڭ Twitter-اككاۋنتى كەلتٸرٸپ وتىر.
"بٸز بٸرلٸگٸ بەرەكەلٸ ەلدٸڭ ىرىسى مول بولارىن بٸلەمٸز. بٸرلٸگٸ بولماعاندىقتان, بەرەكەسٸ كەتكەن, نەشە جىلدىق ەڭبەگٸ زايا بولىپ, دامۋى كەرٸ قاشقان قانشاما ەلدەر بار. بٸز سولاردىڭ قاتەلٸگٸن قايتالاپ, جۇرتتىڭ تاباسىنا قالماۋعا تيٸسپٸز. ەلەم الدىندا ۇياتقا قالماي, كٷردەلٸ مەسەلەنٸ سىندارلى سۇحباتپەن شەشە الاتىنىمىزدى پاش ەتە بٸلۋٸمٸز كەرەك. بيىل تەۋەلسٸزدٸگٸمٸزدٸڭ 25 جىلدىق مەرەيلٸ بەلەسٸ. وسى كەزەڭدە بٸزگە سىرتتان كٶز تٸگٸپ, سىناي قاراپ وتىرعاندار كٶپ, - دەدٸ نازارباەۆ.
سونىمەن قاتار, پرەزيدەنت مەملەكەتتٸك باعدارلامالاردى جٷزەگە اسىرۋ تاقىرىبىن قوزعادى.
"بيزنەس-2020 جول كارتاسىنىڭ جوبالارىنا ارنالعان ينفراقۇرىلىمنىڭ قۇرىلىسىنا بٶلٸنگەن قاراجات يگەرٸلمەدٸ. بيىلعى 4 اي ٸشٸندە "نۇرلى جول" اياسىندا بٶلٸنگەن جىلدىق بيۋدجەتتٸڭ 8 پايىزى عانا يگەرٸلگەن", - دەدٸ نازارباەۆ.
ونىڭ ايتۋىنشا, 121 جوبا تۇراقتاپ تۇر, 13 جوبا پروبلەمالىق رەتٸندە قاراستىرىلمادى. ەنگٸزٸلگەن كەسٸپورىنداردىڭ بارلىعى جوبالىق قۋاتقا يە بولا المادى. ولاردى ەكونوميكامىزدىڭ قازٸرگٸ جاعدايى قولدادى.
ول يندۋسترياليزاتسييانىڭ التى جىلىنىڭ قورىتىندىسى بويىنشا بارلىق ٶڭٸردە شامامەن 900 كەسٸپورىننىڭ ٸسكە قوسىلعانىن ايتتى. نەگٸزگە كاپيتالعا قۇيىلعان ينۆەستيتسييالار 15 پايىزعا ٶستٸ. ەلدٸڭ 9 ٶڭٸرٸندە ٶندٸرٸس كٶلەمٸنٸڭ ٶسٸمٸ قامتاماسىز ەتٸلدٸ.
