N. Nazarbaev: "Ózge jurttyń tabasyna qalmaiyq!"
Memleket basshysy oblys ákimderine, Astana jáne Almaty qalalarynyń ákimderine jer reformasy jónindegi túsindirý jumystaryn belsendi túrde júrgizýdi tapsyrdy. "Jer reformasy jónindegi komissiia sáikes zańnamany jetildirý boiynsha kelisilgen ustanymdy jasap shyǵýy tiis", - dedi Nazarbaev. Onyń sózin Aqordanyń Twitter-akkaýnty keltirip otyr.
"Biz birligi berekeli eldiń yrysy mol bolaryn bilemiz. Birligi bolmaǵandyqtan, berekesi ketken, neshe jyldyq eńbegi zaia bolyp, damýy keri qashqan qanshama elder bar. Biz solardyń qateligin qaitalap, jurttyń tabasyna qalmaýǵa tiispiz. Álem aldynda uiatqa qalmai, kúrdeli máseleni syndarly suhbatpen sheshe alatynymyzdy pash ete bilýimiz kerek. Biyl Táýelsizdigimizdiń 25 jyldyq mereili belesi. Osy kezeńde bizge syrttan kóz tigip, synai qarap otyrǵandar kóp, - dedi Nazarbaev.
Sonymen qatar, Prezident memlekettik baǵdarlamalardy júzege asyrý taqyrybyn qozǵady.
"Biznes-2020 Jol kartasynyń jobalaryna arnalǵan infraqurylymnyń qurylysyna bólingen qarajat igerilmedi. Biylǵy 4 ai ishinde "Nurly Jol" aiasynda bólingen jyldyq biýdjettiń 8 paiyzy ǵana igerilgen", - dedi Nazarbaev.
Onyń aitýynsha, 121 joba turaqtap tur, 13 joba problemalyq retinde qarastyrylmady. Engizilgen kásiporyndardyń barlyǵy jobalyq qýatqa ie bola almady. Olardy ekonomikamyzdyń qazirgi jaǵdaiy qoldady.
Ol indýstrializatsiianyń alty jylynyń qorytyndysy boiynsha barlyq óńirde shamamen 900 kásiporynnyń iske qosylǵanyn aitty. Negizge kapitalǵa quiylǵan investitsiialar 15 paiyzǵa ósti. Eldiń 9 óńirinde óndiris kóleminiń ósimi qamtamasyz etildi.
