ميرزيەەۆ: «يسلام كاريموۆ ەكەۋٸڭٸز قالىپتاستىرعان ىنتىماقتاستىق نىعايا تٷسەدٸ»
– بٸز كەلٸسسٶزدەردٸ كەشە باستاپ كەتكەن بولاتىنبىز. كٶلٸك پەن ساۋدا ٷشٸن ٶزارا شەكارالاردى اشۋ باعىتىندا اتقارىلعان جۇمىستاردى تالقىلادىق. بۇل بٸزدٸڭ ەلدەرٸمٸزدٸڭ اراسىنداعى ساۋدانىڭ كٷرت ٶسۋٸنە تٷرتكٸ بولدى. ٶنٸمنٸڭ جاڭا تٷرلەرٸ جەتكٸزٸلە باستادى. بٷگٸن ٷلكەن بيزنەس-فورۋم ٶتەدٸ. وعان ەكٸ ەلدەن 500 بيزنەسمەن قاتىسادى. قۇنى 1 ملرد دوللاردى قۇرايتىن 75 كەلٸسٸمشارتقا قول قويىلادى. بۇل 25 جىل ٸشٸندە العاش رەت ورىن الىپ وتىرعان تاريxي جاعداي, – دەدٸ ن.نازارباەۆ.
قازاقستان پرەزيدەنتٸ ەكٸ ەل اراسىنداعى دوستىق قارىم قاتىناس ٶزبەكستاننىڭ تۇڭعىش مەملەكەت باسشىسى يسلام كاريموۆتٸڭ كەزٸندە قالانعانىن ايتىپ ٶتتٸ.
– يسلام كاريموۆ – مەنٸڭ ەڭ جاقىن دوستارىمنىڭ بٸرٸ بولدى. جاتقان جەرٸ جايلى بولسىن. بٸز ەندٸ ارى قاراي دا باۋىرلاس ەل رەتٸندە ەرٸ تاتۋ-تەتتٸ كٶرشٸ رەتٸندە بٸر-بٸرٸمٸزگە كٶمەكتەسٸپ تۇرامىز. ەكٸ حالىقتىڭ ىنتىماعىن ودان ارى نىعايتىپ, سول دەستٷردٸ جالعاستىراتىن بولامىز, – دەدٸ مەملەكەت باسشىسى.
ەلباسىنىڭ ايتۋىنشا, شاۆكات ميرزيەەۆ ٶزبەكستان پرەزيدەنتٸ بولعان بەس ايدىڭ ٸشٸندە ەكٸ ەلدٸڭ اراسىنداعى ساۋدا-ساتتىق 30 پايىزعا ٶسكەن.
بۇل – شاۆكات ميرزيەەۆتٸڭ ٶزبەكستان رەسپۋبليكاسىنىڭ پرەزيدەنتٸ رەتٸندەگٸ شەت مەملەكەتتەرگە جاساعان ەكٸنشٸ رەسمي ساپارى. بۇعان دەيٸن ول تٷركٸمەنستانعا بارعان ەدٸ.
ٶزبەكستان باسشىسى ٶز كەزەگٸندە نۇرسۇلتان ەبٸشۇلىن ٶز ەلٸنە قوناق بولۋعا شاقىردى.
– قازاقستان مەن ٶزبەكستان اراسىنداعى يسلام كاريموۆ ەكەۋٸڭٸز قالىپتاستىرعان ىنتىماقتاستىق ودان ەرٸ نىعايا تٷسەدٸ. بٸز قازاقستاندى ەڭ جاقىن ەرٸ سەنٸمدٸ سەرٸكتەسٸمٸز دەپ سانايمىز. قازاقستاندى بۇۇ قاۋٸپسٸزدٸك كەڭەسٸنٸڭ تۇراقتى ەمەس مٷشەسٸ بولۋىمەن قۇتتىقتايمىن. بٷگٸنگٸ كەزدەسۋ بٸزدٸڭ بولاشاق قاتىناسىمىز ٷشٸن ٷلكەن ماڭىزعا يە. شاقىرعانىڭىز ٷشٸن العىس بٸلدٸرەمٸن. سٸزدٸ ٶزبەكستانعا شاقىرامىن, – دەدٸ شاۆكات ميرزيەەۆ.
ايتا كەتەيٸك, ٶزبەكستان باسشىسى قازاقستانعا كەشە كەلگەن بولاتىن. مەرتەبەلٸ مەيماندى قر پرەمەر-مينيسترٸ باقىتجان ساعىنتاەۆ, ۆيتسە-پرەمەر ا. مامين, سىرتقى ٸستەر مينيسترٸ ق. ەبدٸراحمانوۆ, استانا قالاسىنىڭ ەكٸمٸ ە. يسەكەشەۆ, قازاقستاننىڭ ٶر-داعى ەلشٸسٸ ە. ٶتەمباەۆ قارسى الدى.
بەك تٶلەۋوۆ
فوتو: باۋىرجان جۋاسباەۆ
