مەملەكەت جەنە قوعام قايراتكەرٸ, قازاقستان ۇلتتىق عىلىم اكادەميياسىنىڭ اكادەميگٸ مىرزاتاي جولداسبەكوۆ استانانىڭ العاشقى قالىپتاسۋ جىلدارى تۋرالى ەستەلٸگٸن بٶلٸستٸ, دەپ حابارلايدى dalanews.kz.
عالىمنىڭ ايتۋىنشا, ول 2000 جىلى ارنايى شاقىرتۋمەن استاناعا كٶشٸپ كەلگەن. سودان بەرٸ شيرەك عاسىرعا جۋىق ۋاقىت ٸشٸندە ەلوردانىڭ قالاي بوي كٶتەرٸپ, ٷلكەن قالاعا اينالعانىنا كۋە بولعان.
مىرزاتاي جولداسبەكوۆ بۇل تۋرالى استانا قالاسى ەكٸمدٸگٸنٸڭ "رۋحانييات" كوممۋنالدىق مەملەكەتتٸك مەكەمەسٸنە بەرگەن سۇحباتىندا ايتتى.
سۇحبات بارىسىندا اكادەميك ەلوردانى دامىتۋ كەزەڭٸندەگٸ جۇمىس قارقىنى مەن نۇرسۇلتان نازارباەۆتىڭ استاناعا قاتىستى جوسپارى تۋرالى سٶز قوزعادى.
"جاعالاۋدا "پيونەر ٷيٸ" دەگەن بار, باسقا باراتىن جەر جوق. سول جىلى پرەزيدەنت مەملەكەت قىزمەتٸندەگٸ, ەلگە ەڭبەگٸ سٸڭگەن ادامداردىڭ بەرٸن شاقىردى. استانانىڭ كەلەشەگٸ تۋرالى ەڭگٸمە قوزعادى. سول جاعالاۋدا تٷك جوق, جىلان جالاعانداي ەدٸ. سول جەردە تۇرىپ, نۇرەكەڭ "اناۋ بولادى, مىناۋ بولادى" دەپ بەرٸن جىرداي قىلىپ ايتتى. ٸشٸمنەن "سٶز دەگەن ايتىلا بەرەدٸ ەكەن عوي, مۇنىڭ بەرٸن كٸم ٸستەيدٸ, قاشان بولادى?" دەپ ويلادىم. ال قازٸر قاراساڭ, قالا ٶسٸپ بارادى", – دەدٸ ول.
مىرزاتاي جولداسبەكوۆتٸڭ سٶزٸنشە, استانانىڭ قازٸرگٸ كەلبەتٸ – ٷلكەن ەڭبەكتٸڭ نەتيجەسٸ.
"ستاتيستيكاعا قاراسام, استانانىڭ حالقى 2 ميلليوننان اسىپتى. بۇعان دەيٸن تاس ٷي سالعاندى كٶردٸك, زاۋىت سالعاندى كٶردٸك. بٸراق قالا سالعاندى, ونىڭ ٸشٸندە استانا سالعاندى كٶرگەنٸمٸز جوق. بۇل عاسىردا بٸز سيياقتى استانا سالعان مەملەكەت جوق. سول جاعالاۋدا قازٸر كٷنٸ-تٷنٸ ادام كٶپ. جاستاردىڭ جٷرگەن جەرٸ – ويىن-كٷلكٸ, توي. بۇل – جاقسىلىقتىڭ بەلگٸسٸ", – دەدٸ اكادەميك.
