جانگەلدين اۋىلىندا تٶرت ادامنان تۇراتىن وتباسىنىڭ ٶلٸمٸنە قاتىستى سوت وتىرىسىندا ايىپتالۋشى سۇلتان سەرسەمەليەۆتٸڭ اتا-اناسى كۋە رەتٸندە جاۋاپ بەردٸ, دەپ dalanews.kz تٸلشٸسٸ "اق جايىق" باسىلىمىنا سٸلتەمە جاساپ حابارلايدى.
اتىراۋ وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا اتىشۋلى ٸس بويىنشا كۋەگەرلەردەن جاۋاپ الۋ باستالدى. ٸس ماتەريالدارىنا سەيكەس, سوتتا بارلىعى 26 كۋەگەردٸڭ جاۋابى تىڭدالماق. ونىڭ 17-سٸنەن تٷسكٸ ٷزٸلٸسكە دەيٸن جاۋاپ الۋ جوسپارلانعان.
سوت زالىنا العاش بولىپ ايىپتالۋشىنىڭ ەكەسٸ ساميعوللا سەرسەمەليەۆ شاقىرىلدى. ەر ادام زالعا اقساڭداپ كٸرگەندٸكتەن, سۋديا وعان وتىرىپ جاۋاپ بەرۋگە رۇقسات بەردٸ.
ەكەسٸنەن جاۋاپ الۋ باستالعان سەتتە سۇلتان سەرسەمەليەۆ ەموتسيياسىن جاسىرا الماي, كٶز جاسىنا ەرٸك بەردٸ. سۋديا ونىڭ جاعدايىن سۇراعاندا, ادۆوكاتى قىسقاشا عانا "تولقىپ وتىر" دەپ جاۋاپ بەردٸ.
سوتتىڭ سۇراقتارىنا جاۋاپ بەرگەن ەكەسٸ ۇلىن سابىرلى, وتباسىنا جاقىن ادام رەتٸندە سيپاتتادى. ونىڭ ايتۋىنشا, سۇلتان تەمەكٸ شەكپەگەن, ناسىباي اتپاعان, قۇمار ويىنعا ەۋەس بولماعان جەنە جانجالدان اۋلاق جٷرۋگە تىرىسقان.
"ول وتباسىن ويلايتىن. جاۋاپتى ادام بولدى", – دەدٸ كۋە.
سونىمەن قاتار ساميعوللا سەرسەمەليەۆ ۇلىن تولىق اقتاۋعا تىرىسپايتىنىن ايتتى.
"سوت كٸمنٸڭ كٸنەلٸ ەكەنٸن انىقتاپ, بۇل ٸسكە نٷكتە قويادى دەپ ٷمٸتتەنەمٸن", – دەدٸ ول.
كۋە بولعان جاعدايدى ەلٸ كٷنگە دەيٸن تولىق تٷسٸنە الماي جٷرگەنٸن جەتكٸزدٸ. ونىڭ سٶزٸنشە, ۇلىنىڭ مۇنداي اۋىر قىلمىسقا بارۋى مٷمكٸن ەكەنٸنە سەنۋ قيىن.
ايىپتالۋشىنىڭ ەكەسٸ نەمەرەلەرٸن جيٸ كٶرٸپ تۇراتىنىن دا ايتتى. ونىڭ سٶزٸنشە, بالالاردىڭ بٸرٸ قازٸر سەبيلەر ٷيٸندە, ال تاعى تٶرتەۋٸ كەمەلەتكە تولماعانداردى بەيٸمدەۋ ورتالىعىندا.
جاۋاپ الۋ بارىسىندا ول سۇلتان مەن بۇرىنعى ەيەلٸ اقباياننىڭ اراسىنا ٶزگە ادامدار ارالاسقان بولۋى مٷمكٸن دەگەن ويىن ايتتى. وسى كەزدە سۋديا مۇنداي جاعداي ادام ٶلتٸرۋگە سەبەپ بولا الا ما دەپ ناقتىلادى.
"ولاي ەشكٸم ويلامايدى جەنە ەشكٸم بۇلاي ايتپايدى", – دەدٸ كۋە.
ول قازٸرگٸ كەزدە جاس وتباسىلاردىڭ اتا-انادان بٶلەك تۇرۋدى جيٸ تاڭدايتىنىن, مۇنىڭ قوعامدا قالىپتى جاعدايعا اينالعانىن دا اتاپ ٶتتٸ.
ساميعوللا سەرسەمەليەۆ ۇلىنىڭ بالا كەزٸندە پسيحولوگييالىق جاراقات نەمەسە اۋىر كٷيزەلٸس الماعانىن ايتتى. سونداي-اق ول سۇلتان مەن اقبايان مۇقانعاليەۆانىڭ اراسىندا كٶزگە كٶرٸنەتٸن ٷلكەن جانجالداردى بايقاماعانىن جەتكٸزدٸ.
"مەن ونىڭ اقبايانعا قول كٶتەرگەنٸن نەمەسە دٶرەكٸ سٶيلەگەنٸن ەشقاشان كٶرگەن ەمەسپٸن", – دەدٸ ايىپتالۋشىنىڭ ەكەسٸ.
سۋديا بۇرىن تاتۋ تۇرعان ەرلٸ-زايىپتىلاردىڭ اراسىندا كەيٸن نە بولۋى مٷمكٸن ەكەنٸن سۇراعاندا, كۋە مۇنى تۇرمىستىق كەلٸسپەۋشٸلٸك بولۋى ىقتيمال دەپ تٷسٸندٸردٸ.
"قازاقتا ەرلٸ-زايىپتىنىڭ اراسىنا بٶتەن ادام تٷسپەيدٸ دەيدٸ", – دەدٸ ول.
ايىپتالۋشىنىڭ ەكەسٸ 2025 جىلدىڭ قاراشا جەنە جەلتوقسان ايلارىنداعى وقيعالاردان حابارسىز بولعانىن ايتتى. مارقۇمداردىڭ تۋىستارى مۇقانعاليەۆتەر وتباسىمەن بايلانىسا الماي جٷرگەنٸن, ٷيلەرٸنەن ەشكٸمدٸ تاپپاعانىن جەتكٸزگەندە دە, ول بٸردەن جاماندىق بولدى دەپ ويلاماعان. بۇرىنعى قۇدالارى باسقا جاققا كەتكەن شىعار دەپ توپشىلاعان.
كەيٸن وعان سۇلتان مەن اقبايان ٶزبەكستاندا جٷر دەگەن اقپارات جەتكەن. شىن مەنٸندە نە بولعانىن بٸراز ۋاقىت ٶتكەن سوڭ عانا بٸلگەنٸن ايتتى.
كۋەنٸڭ سٶزٸنشە, ول ماقسوتتى سوڭعى رەت قىزىن الىپ كەتۋگە كەلگەن كٷنٸ كٶرگەن. سول كەزدە ول جاستاردى بٶلەك تۇرماۋعا كٶندٸرمەك بولعان, الايدا ونىڭ كەڭەسٸنە قۇلاق اسپاعان.
بۇدان كەيٸن سوتتا ايىپتالۋشىنىڭ اناسى گٷلنار ازمۇحانوۆا كۋە رەتٸندە شاقىرىلدى. ول سوت سۇراقتارىنا جاۋاپ بەرۋدەن باس تارتتى. وسىعان بايلانىستى سۋديا ونىڭ تەرگەۋ كەزٸندە بەرگەن جاۋابىن وقىپ بەردٸ. ەيەل بۇل جاۋاپتارىن تولىق راستادى.
سوت زالىنان شىعار الدىندا گٷلنار ازمۇحانوۆا ۇلىنا سٶز ايتۋعا رۇقسات سۇرادى. ول سۇلتانعا بەس بالاسى بار ەكەنٸن جەنە قانداي جاعداي بولسا دا, ولار ٷشٸن ەكە بولىپ قالا بەرەتٸنٸن ايتتى.
"سەن بۇل ٶمٸردٸڭ قۋانىشىن كٶرمەدٸڭ. ٶمٸر بويى كٷرەسٸپ كەلدٸڭ. مىقتى بول. ٶمٸر ٷشٸن كٷرەس. مەن بالالارىڭا ولاردىڭ ەكەسٸ بار ەكەنٸن ايتىپ وتىرامىن", – دەدٸ اناسى.
