قازاقستاننىڭ سپورت مينيسترلٸگٸ ەل ايماقتارىنداعى سپورت ينفراقۇرىلىمىنىڭ ناقتى احۋالىن انىقتاۋ ٷشٸن ارنايى زەرتتەۋ جٷرگٸزۋدٸ جوسپارلاپ وتىر. بۇل جۇمىسقا بيۋدجەتتەن 51,7 ملن تەڭگە بٶلٸنبەك, دەپ حابارلايدى Dalanews.kz.
ۆەدومستۆو وسى قارجىعا قالالار مەن اۋىلدارداعى سپورت نىساندارىنىڭ قانشالىقتى جەتكٸلٸكتٸ ەكەنٸن, ولاردىڭ تەحنيكالىق جاعدايىن جەنە حالىققا قولجەتٸمدٸلٸگٸن بٸلگٸسٸ كەلەدٸ. زەرتتەۋ بارىسىندا سپورت زالدارى, الاڭدار مەن ٶزگە دە نىسانداردىڭ بار-جوعى جەنە قازٸرگٸ كٷيٸ سارالانادى.
سونىمەن قاتار, ماماندار تۇرعىنداردىڭ مۇنداي ورىندارعا جاياۋ بارىپ-كەلە الۋ مٷمكٸندٸگٸن, سونداي-اق ونداعى قىزمەت باعاسىنىڭ حالىق قالتاسىنا ساي كەلەتٸن-كەلمەيتٸنٸن انىقتاۋى تيٸس. ياعني مەسەلە تەك عيمارات سانى ەمەس, ونى حالىقتىڭ پايدالانا الۋ دەڭگەيٸنە دە قاتىستى بولماق.
تاپسىرىستى ورىندايتىن مەردٸگەر ٶڭٸرلەردەگٸ تٷيتكٸلدٸ مەسەلەلەردٸ كٶرسەتٸپ, ولاردى شەشۋ جولدارى بويىنشا ناقتى ۇسىنىستار بەرۋٸ كەرەك.
جالپى العاندا, بۇل – ورىندى باستاما ەرٸ بيۋدجەت قارجىسىن تيٸمدٸ جۇمساۋدىڭ بٸر جولى. الايدا قوعام مۇنداي زەرتتەۋلەردٸڭ قورىتىندىسىن دا كٶرۋٸ تيٸس دەگەن پٸكٸر بار. سەبەبٸ مەملەكەت تٷرلٸ ساراپتامالار مەن تالداۋلارعا جيٸ قارجى بٶلەدٸ, بٸراق ولاردىڭ نەتيجەسٸ كٶپ جاعدايدا جۇرتشىلىققا تولىق جەتپەيدٸ نەمەسە مٷلدە جارييالانباي قالادى.
ساراپشىلاردىڭ ايتۋىنشا, وڭ بولسىن, تەرٸس بولسىن, بيۋدجەت ەسەبٸنەن جاسالعان كەز كەلگەن اناليتيكالىق ماتەريال قازاقستاندىقتارعا اشىق قولجەتٸمدٸ بولۋى قاجەت.
