ەنەرگەتيكا مينيسترلىگى كاسپيي قۇبىرى كونسورسيۋمى ارقىلى مۇناي تاسىمالداۋ ازايدى دەگەن اقپاراتقا تۇسىنىكتەمە بەردى، دەپ حابارلايدى Dalanews.kz.
مينيسترلىك قازىرگى ۋاقىتتا كقك تەرمينالىندا مۇناي جونەلتۋ شاق-1 (ۆپۋ) ايلاق قۇرىلعىسى ارقىلى جۇزەگە اسىرىلىپ جاتقانىن حابارلادى.
تەحنولوگيالىق پروسەسس اكۆاتورياداعى اعىمداعى اۋا رايىنا بايلانىستى ەنگىزىلگەن تۇزەتۋلەردى ەسكەرە وتىرىپ، شتاتتىق رەجيمدە جۇرگىزىلىپ جاتىر.
"ۆەدومستۆونىڭ نەگىزگى باسىمدىعى ەكسپورتتىق جەتكىزىلىمدەردىڭ تۇراقتىلىعىن قامتاماسىز ەتۋ، سونداي-اق ساقتاۋ قۋاتتارىنىڭ شامادان تىس تولىپ كەتۋىنە جول بەرمەۋ. مينيسترلىك جاعدايدى تۇراقتى باقىلاۋدا جانە حالىقارالىق سەرىكتەستەرمەن، كونسورسيۋم وپەراتورىمەن تىكەلەي بايلانىستا"، - دەيدى ق ر ەنەرگەتيكا ءمينيسترىنىڭ كەڭىسشىسى، مينيسترلىكتىڭ رەسمي وكىلى اسەل سەرىكپايەۆا.
ەسكە سالايىق، بۇعان دەيىن كاسپيي قۇبىرى ارقىلى قازاق مۇنايىن تاسىمالداۋ ازايعانى حابارلانعان ەدى. Bloomberg دەرەگىنشە، ەكسپورتتىڭ ازايۋىنا اۋا رايىنىڭ قولايسىزدىعى، تەحنيكالىق جوندەۋ جۇمىستارى جانە ينفراقۇرىلىمداعى اقاۋلار اسەر ەتكەن.
