مادەنيەت جانە سپورت مينيسترلىگى استاناداعى ەكى ءىرى سپورت نىسانىن — «استانا ارەنا» ستاديونى مەن «الاۋ» مۇز سارايىن جوندەۋگە رەسپۋبليكالىق رەزەرۆتەن 20،9 ملرد تەڭگە ءبولۋ تۋرالى وتىنىشپەن ۇكىمەتكە جۇگىندى، دەپ حابارلايدى Dalanews.kz.
قاراجات 2026 جىلعا جوسپارلانعانىمەن، ءار نىسانعا ناقتى قانشا سوما قاجەت ەكەنى كورسەتىلمەگەن.
ايتا كەتەيىك، «استانا ارەنادا» اۋقىمدى جوندەۋ جۇمىستارى 2023 جىلدىڭ سوڭىنان باستاپ 2025 جىلدىڭ باسىنا دەيىن جۇرگىزىلگەن بولاتىن. ول كەزدە 15 ملرد تەڭگە ءبولىنىپ، ۋەفا تالاپتارىنا ساي گازون، جىلىتۋ جانە سۋارۋ جۇيەلەرى اۋىستىرىلىپ، شاتىر مەن قاسبەت ەلەمەنتتەرى جاڭارتىلعان ەدى. سوعان قاراماستان، 2024 جىلدىڭ جازىندا ستاديون تەك كوشپەندىلەردىڭ دۇنيەجۇزىلىك ويىندارى ءۇشىن ۋاقىتشا اشىلدى. ال «استانا» مەن «چەلسي» فۋتبول كوماندالارى اراسىنداعى ماچ الماتىعا اۋىستىرىلدى.
«الاۋ» مۇز سارايى دا 2024 جىلى جوندەۋدەن وتكەن. بۇعان دەيىن، 2021 جىلى نىساننىڭ ءبىر بولىگىن جوندەۋگە 12،3 ملن تەڭگە جۇمسالعان بولاتىن. تەحنيكالىق قورىتىندىعا سايكەس، عيماراتتىڭ شاتىرى كۇردەلى جوندەۋدى قاجەت ەتەدى.
«استانا ارەنا»، «الاۋ» جانە «بارىس ارەنا» سپورتتىق كەشەندەرىن باسقارۋ قۇقىعى Mtex Management كومپانياسىنا بەرىلگەن. ال بۇل نىساندار رەسمي تۇردە قالالىق اكتيۆتەر جانە مەملەكەتتىك ساتىپ الۋلار باسقارماسىنىڭ يەلىگىندە. Mtex Management كومپانياسىنىڭ تەڭ يەلەرىنىڭ ءبىرى — بۇرىنعى كۆن ويىنشىسى سانات شاپاشوۆ.
