كٶلٸك مينيسترٸ نۇرلان ساۋرانباەۆ اقاۋى بار اقىلى جولداردى ۋاقىتشا تەگٸن ەتۋ جەنە مۇنداي جولداردىڭ تٸزٸمٸن جارييالاۋ مەسەلەسٸنە قاتىستى قويىلعان سۇراققا ناقتى جاۋاپ بەرمەدٸ, دەپ حابارلايدى Dalanews.kz.
باسپاسٶز بريفينگٸ بارىسىندا جۋرناليست مينيسترلٸكتٸڭ بارلىق اقىلى جولعا تالداۋ جٷرگٸزٸپ, كەمشٸلٸكتەر انىقتالعان جاعدايدا ول ۋچاسكەلەردەن اقى الىنبايتىنى جٶنٸندە بۇرىن ايتىلعان مەلٸمدەمەسٸن ەسكە سالدى. سونداي-اق, اقاۋى بار جولداردىڭ ناقتى تٸزٸمٸ قاشان جارييالاناتىنىن سۇرادى.
الايدا مينيستر بۇل مەلٸمدەمەنٸ جەكە ٶزٸ ايتقانىن جوققا شىعارىپ, ٶز تاراپىنان مۇنداي ۋەدە بەرٸلمەگەنٸن جەتكٸزدٸ. دەگەنمەن ول جۋرناليست كٶتەرگەن مەسەلە ورىندى ەكەنٸن مويىندادى.
ەسكە سالايىق, 2025 جىلعى 15 قىركٷيەكتەن باستاپ رەسپۋبليكالىق ماڭىزى بار اقىلى جولداردا تٶلەم ەرەجەلەرٸ ٶزگەردٸ. قازٸر ەلٸمٸزدە بارلىعى 27 اقىلى جول بار. بۇعان دەيٸن اقىلى جولدا جول قوزعالىسى قاۋٸپسٸزدٸگٸنە ەسەر ەتەتٸن جەنە جٶندەۋدٸ تالاپ ەتٸپ تۇرعان ۋچاسكە بولسا, دەل سول ارالىق ٷشٸن جٶندەۋ جۇمىستارى تولىق اياقتالعانعا دەيٸن تٶلەماقى الىنبايتىنى ايتىلدى.
