قازاقستاننىڭ ەدٸلەت مينيسترٸ ازامات ەسقاراەۆ ەكس-پرەزيدەنت نۇرسۇلتان نازارباەۆ مارگارەت تەتچەرگە تابىستاعان ناگرادانىڭ ۇلىبريتانييادا ساتىلىمعا قويىلۋىنا قاتىستى پٸكٸر بٸلدٸردٸ, - دەپ حابارلايدى Dalanews.kz.
ەسقاراەۆتىڭ سٶزٸنشە, بٸزدٸڭ زاڭناماعا سەيكەس مەملەكەتتٸك ناگرادالاردى ساتۋعا جول بەرٸلمەيدٸ.
"تيٸستٸ جاۋاپكەرشٸلٸك قىلمىستىق كودەكستە قاراستىرىلعان. ال مەملەكەتتٸك ناگرادالاردى ساتقان, ساۋدالاعان ادام جاۋاپقا تارتىلۋى كەرەك. ۇلىبريتانييا مەسەلەسٸنە كەلەتٸن بولساق, بٸرٸنشٸدەن, مارگارەت تەتچەردٸڭ اتى اڭىزعا اينالعان تۇلعا ەكەنٸن ەسكەرۋ قاجەت. تاريحتا بەلگٸلٸ بٸر رٶل اتقارعان مۇنداي تۇلعالاردىڭ جەكە زاتتارى, كٸتاپحاناسى, ماراپاتتارى اۋكتسيونعا مەرزٸمدٸ تٷردە قويىلۋى مٷمكٸن – بۇل ولاردىڭ مەدەنيەتٸنٸڭ بٸر بٶلٸگٸ", - دەدٸ مينيستر.
مينيستر جاۋاپكەرشٸلٸككە تارتۋ مەسەلەسٸ بۇل باسقا دا ۋەكٸلەتتٸ ورگانداردىڭ – سىرتقى ٸستەر مينيسترلٸگٸنٸڭ نەمەسە مەدەنيەت مينيسترلٸگٸنٸڭ قۇزىرەتٸنە جاتاتىنىن اتاپ ٶتتٸ.
ەسكە سالايىق,ناگرادا ساتىلاتىنى تۋرالى حابارلاندىرۋ انتيكۆارياتتار ساتۋعا ارنالعان Peter Harrington سايتىندا جارييالانعان.
ناگرادا 8 ميلليون تەڭگەگە باعالانعان.
نۇرسۇلتان نازارباەۆ ناگرادانى ۇلىبريتانييانىڭ ەكس-پرەمەرٸ مارگارەت تەتچەرگە ەكٸ ەل اراسىنداعى بايلانىستى دامۋىنا قوسقان ٷلەسٸ ٷشٸن بەرگەن بولاتىن.
ەندٸ وردەن 12,5 مىڭ فۋنت ستەرلينگكە ساتىلماق.
سونىمەن قاتار, سيپاتتامادا وردەننٸڭ ەشقانداي زاقىمى جوق, تەك ازداعان سىزاتى بارى ايتىلعان.
