Qazaqstannyń ádilet ministri Azamat Esqaraev eks-prezident Nursultan Nazarbaev Margaret Tetcherge tabystaǵan nagradanyń Ulybritaniiada satylymǵa qoiylýyna qatysty pikir bildirdi, - dep habarlaidy Dalanews.kz.
Esqaraevtyń sózinshe, bizdiń zańnamaǵa sáikes memlekettik nagradalardy satýǵa jol berilmeidi.
"Tiisti jaýapkershilik qylmystyq kodekste qarastyrylǵan. Al memlekettik nagradalardy satqan, saýdalaǵan adam jaýapqa tartylýy kerek. Ulybritaniia máselesine keletin bolsaq, birinshiden, Margaret Tetcherdiń aty ańyzǵa ainalǵan tulǵa ekenin eskerý qajet. Tarihta belgili bir ról atqarǵan mundai tulǵalardyń jeke zattary, kitaphanasy, marapattary aýktsionǵa merzimdi túrde qoiylýy múmkin – bul olardyń mádenietiniń bir bóligi", - dedi ministr.
Ministr jaýapkershilikke tartý máselesi bul basqa da ýákiletti organdardyń – Syrtqy ister ministrliginiń nemese Mádeniet ministrliginiń quzyretine jatatynyn atap ótti.
Eske salaiyq,nagrada satylatyny týraly habarlandyrý antikvariattar satýǵa arnalǵan Peter Harrington saitynda jariialanǵan.
Nagrada 8 million teńgege baǵalanǵan.
Nursultan Nazarbaev nagradany Ulybritaniianyń eks-premeri Margaret Tetcherge eki el arasyndaǵy bailanysty damýyna qosqan úlesi úshin bergen bolatyn.
Endi orden 12,5 myń fýnt sterlingke satylmaq.
Sonymen qatar, sipattamada ordenniń eshqandai zaqymy joq, tek azdaǵan syzaty bary aitylǵan.
