دەنساۋلىق ساقتاۋ مينيسترٸ اقمارال ەلنازاروۆا ەسكەردە جٷرٸپ, باس-مي جاراقاتىن العان ەربايان مۇحتارعا بايلانىستى پٸكٸر بٸلدٸرٸپ, ونىڭ ەلگە قاشان ورالاتىنىن جەتكٸزدٸ, دەپ حابارلايدى Dalanews.kz.
مينيستر ساربازدىڭ جاي-كٷيٸن قۇقىق قورعاۋشى ينگا يمانباي ارقىلى بٸلٸپ وتىرعانىن العا تارتتى.
“وسىدان ٷش-تٶرت كٷن بۇرىن حابار الماستىق. ەربايان ەمٸن الىپ جاتىر. جىلدىڭ اياعىندا قازاقستانعا قايتۋى قاجەت بولعان. بٸراق سودان كەيٸن دەرٸگەرلەر قوسىمشا ەم تاعايىنداپتى. ەندٸ ەلگە قايتۋ مەسەلەسٸن ٶزدەرٸ قابىلدايتىن بولادى. نەگٸزٸ 27 جەلتوقسانداي قايتامىز دەگەن. شەتەلدە ەمدەلٸپ, اۋىر حەلدە جاتقان قازاقستان رەسپۋبليكاسىنىڭ ازاماتتارىنىڭ بارلىعىن تاسىمالداۋ, بٷگٸنگٸ تاڭدا مەملەكەت تاراپىنان ٸسكە اسىرىلىپ جاتىر. وسىعان بايلانىستى قازاقستانعا قايتۋ كەزٸندە سانيتارلىق اۆياتسييا ارقىلى جەتكٸزۋ ۇيىمداستىرىلاتىن بولادى”, — دەدٸ مينيستر.
ەسكە سالايىق, بىلتىر جەلتوقسان ايىندا ۇلتتىق ۇلان جاۋىنگەرٸ ەربايان مۇحتار كوماعا تٷستٸ.
قر ٸٸم ۇلتتىق ۇلانىنىڭ باسپاسٶز قىزمەتٸ ساربازدىڭ دەنساۋلىعىنا قاتىستى رەسمي مەلٸمدەمە جاساعان بولاتىن.
ۇلتتىق ۇلاننىڭ حابارلاۋىنشا, قاتارداعى ەربايان مۇحتاردىڭ باس جاراقاتىن الۋ فاكتٸسٸ بويىنشا قر قك 440-بابى 4-تارماعىنىڭ 3-بٶلٸگٸنە ساي قىلمىستىق ٸس قوزعالعان. بۇل جەردە ەسكەري قىزمەتشٸلەر اراسىنداعى ٶزارا قارىم-قاتىناستاردىڭ جارعىلىق ەرەجەلەرٸن بۇزا وتىرىپ, دەنساۋلىققا اۋىر زييان كەلتٸرگەنٸ مەسەلە بولىپ وتىر.
اتالعان وقيعادان سوڭ ەربايان مۇحتارعا ىستانبۇلعا جول تارتتى. مۇندا وعان سەتتٸ وتا جاسالدى.
بۇل جاڭالىقتى بەلگٸلٸ زاڭگەر ينگا يمانباي Facebook پاراقشاسىندا جازعان بولاتىن.
“جەلٸدە ەرباياننىڭ جاعدايىن سۇراپ, حابارلاسىپ جاتقان اعايىنعا مىڭ العىس. قازٸر ەرباياننىڭ جاعدايى بٸرقالىپتى, ستامبۇلدا ەمٸن جالعاستىرىپ جاتىر. بٸرٸنشٸ تۇرعان فوتو بٷگٸن جاسالدى. ەكٸنشٸ فوتو ستامبۇلعا كەلگەن كەزدە باسىنا جاسالعان وتادان كەيٸنگٸ كەزٸ. قۇدايعا شٷكٸر وتا سەتتٸ جاسالىپ, ەندٸ رەابيليتاتسييالىق ەم-شارا, ەمدٸك دەنە شىنىقتىرۋ پروتسەدۋرالارى باستالدى”, - دەدٸ ول.
ايتۋىنشا, قالپىنا كەلۋ بٸراز ۋاقىتتى تالاپ ەتەدٸ.
“وعان دايىنبىز. ارى قاراي ەرباياننىڭ جٸگەرٸ مەن دەرٸگەرلەردٸڭ كەسٸبيلٸگٸنە سەنەمٸز. ەربايانىمىزدى ٸزدەپ, سۇراپ, نيەتتەس بولعاندارىڭىزعا مىڭ العىس. قازٸرگە جاڭالىعىمىز وسى. ايتارلىقتاي ٶزگەرٸس, جاقسى جاڭالىعىمىز بولسا مٸندەتتٸ تٷردە سٸزدەرمەن بٶلٸسەمٸز”, - دەپ جازدى ينگا يمانباي.
