مينيستر 34 قازاق قىزى قىتايعا تۇرمىسقا شىققانىن حابارلادى
"جۇمىس بارىسىندا ستاتيستيكا كوميتەتٸنٸڭ مىناداي بٸر دەرەكتەرٸن كەزدەستٸردٸم. جالپى, بۇل تسيفرلار وسىعان دەيٸن فەيسبۋكتە قىزۋ تالقىلانعان مەسەلەگە قاتىستى بولعاندىقتان, وقىرماندارىما ماڭىزدى بولار دەپ ويلايمىن", - دەي كەلە مينيستر 2010 جىلدان بەرگٸ ستاتيستيكانى كەلتٸرەدٸ.
ستاتيستيكاعا قاراعاندا, 2010 جىلدان باستاپ 2016 جىلعى سەۋٸر ايىنا دەيٸن قحر ازاماتتارىنا 253 قازاقستاندىق تۇرمىسقا شىققان كٶرٸنەدٸ. "سونىڭ ٸشٸندە, 190 قازاق قىزىن قىتايدا تۇراتىن ٶز قانداستارىمىز, ياعني قازاق جٸگٸتتەرٸ جار ەتكەن. وسى ۋاقىت ٸشٸندە, ياعني التى جىلدا ەتنيكالىق قىتايلارمەن نەكەگە تۇرعان قىزدار سانى - نەبەرٸ 34. ال, وسى كەزەڭ ٸشٸندە قازاقستاننىڭ 277 ازاماتى قحر قىزدارىنا ٷيلەنگەن. سونىڭ ٸشٸندە 244-ٸ - قىتايدا تۇراتىن قازاق قىزدارىمەن باس قۇراعان قازاق جٸگٸتتەرٸ", - دەپ جازدى دەۋرەن اباەۆ.
ەسكە سالايىق, قازاقستاندىقتار بەيجٸڭنەن كەلەدٸ دەلٸنگەن دٶكەي قىتايلارعا قازاقستاندىق قالىڭدىقتاردى جيناۋ تۋرالى حابارلاندىرۋعا نارازى بولعان ەدٸ. وسىنداي مازمۇنداعى حابارلاما Facebook ەلەۋمەتتٸك جەلٸسٸندەگٸ "دوسكا وبياۆلەنيي الماتى, استانا" پابليگٸندە جارييالانعان. حابارلامادا بەيجٸڭنەن كەلگەن دٶكەي جٸگٸتتەر توبى قازاقستاندىق قىزدار مەن شىنايى قارىم-قاتىناس قۇرۋ ٷشٸن كەلە جاتقانى ايتىلادى. بۇدان كەيٸن قازنەتتە ۇلتارالىق نەكە تاقىرىبى قىزۋ تالقىلانا باستاعان.
