پاۆلودار وبلىسىندا ەكىباستۇز قالاسىنىڭ ەكى تۇرعىنى ينتەرنەت-الاياقتاردىڭ قۇربانى بولىپ، شامامەن 10 ملن تەڭگەدەن ايىرىلعان، دەپ حابارلايدى Dalanews.kz.
Polisia.kz مالىمەتىنشە، ايەلدەر زەينەتكەرلەرگە ارنالعان ينۆەستيسيالىق ديۆيدەندتەر تۋرالى جارناماعا سەنىپ، ءوزىن ينۆەستيسيالىق كومپانيانىڭ مەنەدجەرى رەتىندە تانىستىرعان بەلگىسىز ادامنىڭ نۇسقاۋىمەن اقشا اۋدارعان.
ۋادە ەتىلگەن تابىستى الا الماعان سوڭ، جابىرلەنۋشىلەر پوليسياعا جۇگىنگەن. اتالعان دەرەك بويىنشا الاياقتىق فاكتىسىمەن قىلمىستىق ءىس قوزعالىپ، وعان قاتىسى بار تۇلعالاردى انىقتاۋ ءۇشىن تەرگەۋ شارالارى جۇرگىزىلىپ جاتىر. پوليسيا ازاماتتاردى بەيتانىس ادامداردىڭ وتىنىشىمەن اقشا اۋدارماۋعا شاقىردى.
