دەپۋتات جاناربەك ەشٸمجانوۆ قىمباتشىلىق قىسقان ۋاقىتتا تاريف باعاسى دا كٶتەرٸلٸپ كەتكەنٸن سىنادى, دەپ حابارلايدى Dalanews.kz.
دەپۋتاتتىڭ پٸكٸرٸنشە, بٷگٸندە سمارتفونسىز ٶمٸرٸمٸزدٸ ەلەستەتۋ مٷمكٸن ەمەس, بايلانىس قۇرالدارى كٷندەلٸكتٸ تۇتىناتىن ازىق-تٷلٸگٸڭٸزدەن دە كەم بولماي تۇر.
"ەلٸمٸزدەگٸ تەلەوپەراتورلاردىڭ سوڭعى كەزدەردەگٸ قادامدارى ەل قۇلاعىندا جاتتالىپ قالعان "سامارقاندا بٸر اپام بار, بۇدان دا ٶتكەن سوراقى" دەيتٸن كٶنە تەمسٸلدٸ ەرٸكسٸز ەسكە تٷسٸرەدٸ. تاياۋدا قازاقستاننىڭ ۇيالى تەلەفون وپەراتورلارى – Altel, Tele2, Beeline ۇيالى تەلەفوننىڭ ابونەنت تٶلەمٸن 20 پايىزعا ٶسٸرەتٸنٸن مەلٸمدەدٸ. ياعني بۇل وپەراتورلار ينتەرنەتتٸڭ دە تاريفٸن 20 پايىزعا ٶسٸرەدٸ دەگەن سٶز. سٶز ەمەس, سولاي اشىق مەلٸمدەدٸ", - دەدٸ ول.
دەپۋتاتتىڭ ايتۋىنشا, ەلدەگٸ تەلوپەراتورلاردىڭ بۇل قادامى – ميلليونداعان قازاقستاندىقتىڭ قالتاسىنا سالماق سالاتىن شەشٸم.
"ٶيتكەنٸ بٷگٸندە تەلەفون مەن ينتەرنەت – حالىقتىڭ اقپاراتقا قولى جەتكٸزۋٸ, جۇمىسپەن قامتىلۋى, كەسٸپكەرلٸك جٷرگٸزۋٸ, بالانىڭ بٸلٸم الۋى, مەملەكەتپەن بايلانىس ورناتۋى ٷشٸن ەڭ ماڭىزدى قۇرال. ياعني تاريفتٸڭ كٶتەرٸلۋٸ قاراپايىم وتباسىلاردىڭ بيۋدجەتٸنە عانا ەمەس, ولاردىڭ ٶمٸر سٷرۋ ساپاسىنا قول سۇعۋ دەپ باعالاۋعا تۋرا كەلەدٸ. بۇل قادام بٸزدٸڭ حالقىمىزدىڭ بارلىق ەلەۋمەتتٸك توبىنىڭ قالتاسىنا "قىرعيداي تيەتٸنٸ" انىق. قازاقستان حالقىنىڭ بارلىعى دەرلٸك ۇيالى تەلەفون پايدالانادى. وسى اقپارات شىققالى ەلٸمٸزدٸڭ ەر ٶڭٸرٸنەن سايلاۋشىلار حابارلاسىپ, ەلەۋمەتتٸك جەلٸلەردە, قابىلداۋ بٶلمەلەرٸندە ٶزدەرٸنٸڭ شاعىمىن بٸلدٸرٸپ, "كٷنكٶرٸس قيىنداپ تۇرعاندا, نەگە بايلانىس تا قىمباتتاۋعا تيٸس?", "نەگە باعا بٸر مەزەتتە كٶتەرٸلدٸ?" دەگەن زاڭدى ساۋالدار قويىلىپ جاتىر", - دەدٸ ول.
جاناربەك ەشٸمجانوۆتىڭ پٸكٸرٸنشە, ەڭ قىزىعى ٷش ٸرٸ وپەراتوردىڭ تاريفتٸ بٸردەي كٶلەمدە, بٸر ۋاقىتتا قىمباتتاتۋى قوعامدا ٷلكەن كٷمەن تۋدىرىپ وتىر.
"بۇل كومپانييالار اراسىنداعى بەسەكەنٸڭ ەمەس, ٶزارا كەلٸسٸمنٸڭ, ٷيلەسٸمنٸڭ, استىرتىن اقىلداسۋدىڭ بەلگٸسٸ ەمەس پە? "بايتال تٷگٸل باس قايعى" دەگەندەي, وسىنداي قادامداردان كەيٸن "قولجەتٸمدٸ ينتەرنەت" ۇلتتىق جوباسىن ويلاۋدىڭ ٶزٸ مۇڭ بولىپ قالدى... بۇل جاعداي قاراپايىم تۇتىنۋشىلاردىڭ قۇقىعىن تاپتاۋ دەپ ەسەپمتەيمٸز. سەبەبٸ باعا ٶسەدٸ, بٸراق نارىقتا بالاما وپەراتور جوق, ياعني تۇتىنۋشى تاڭداۋ مٷمكٸندٸگٸنەن ايىرىلادى. نەتيجەسٸندە ابونەنتتەر باجسىز (جاي عانا باعانى كەلٸسٸپ كٶتەرۋ ارقىلى) جوعارى اقى تٶلەۋگە مٸندەتتەلەدٸ", - دەپ اشىندى دەپۋتات.
