"پاۆلودار ٶزەن پورتى" كومپانيياسى ميللياردتاعان تەندەرلەردٸ ۇتىپ, جوبالاردى كەشٸكتٸرٸپ, قۇنىن بٸرنەشە ەسە ٶسٸرگەنٸنە قاراماستان, ەلٸ كٷنگە دەيٸن مەملەكەتتٸك ورگانداردىڭ قولداۋىنا يە بولىپ كەلەدٸ, دەپ حابارلايدى Dalanews.kz.
Orda.kz مەلٸمەتٸنشە, 2020 جىلى كومپانييا قوشقار-اتا قالدىق قويماسىن رەكۋلتيۆاتسييالاۋ جوباسىن 15,5 ملرد تەڭگەگە العان. بەس جىل ٶتسە دە, جۇمىس اياقتالماي, جوبا قۇنى 50,9 ملرد تەڭگەگە دەيٸن ٶسكەن. باستاپقىدا 2024 جىلعا بەلگٸلەنگەن مەرزٸم 2026 جىلدىڭ سوڭىنا شەگەرٸلگەن.
دەل وسىنداي جاعداي اتىراۋداعى كەرٸزدٸك تازارتۋ قۇرىلعىلارىن قايتا قۇرۋ جوباسىندا دا قايتالاندى: 18,5 ملرد تەڭگەلٸك كەلٸسٸمشارت كەيٸن 39,7 ملرد تەڭگەگە دەيٸن قىمباتتاپ, مەرزٸم 2026 جىلعا ۇزارتىلدى.
كومپانييا ميللياردتاعان تاپسىرىسقا يە بولسا دا, قارجىلاي تۇراقتىلىق بايقالماي تۇر. مەسەلەن, 2022 جىلى تابىسى 21,9 ملرد تەڭگە بولسا, قارىزى 3,4 ملرد تەڭگەگە جەتكەن. 2023 جىلى تابىسى 25,9 ملرد, قارىزى 5,4 ملرد تەڭگە بولعان. ال 2024 جىلى كرەديتورلىق بەرەشەك 24,6 ملرد تەڭگەگە دەيٸن كٶبەيگەن.
سونىمەن قاتار اففيلييرلەنگەن كومپانييالار ٷشٸن 24,5 ملرد تەڭگەنٸڭ مٷلكٸ كەپٸلگە قويىلعان.
قارجىلاي قىسىمعا قاراماستان, باسشىلىق سىياقىدان قاعىلماعان. 2022 جىلى – 56,4 ملن تەڭگە, 2023 جىلى – رەكوردتىق 230,4 ملن تەڭگە, ال 2024 جىلى – 88,7 ملن تەڭگە تٶلەنگەن.
كومپانييانىڭ ارتىندا بەلگٸلٸ تۇلعالار تۇرعانى جاسىرىن ەمەس. قۇرىلتايشىسى – مەجٸلٸس دەپۋتاتى ەرٸ پرەزيدەنتتٸڭ بۇرىنعى كەڭەسشٸسٸ مەيرام پٸشەمباەۆ. كەيٸننەن باسقارۋدى قىزى دولورەس پٸشەمباەۆا مەن انەتتا ساعىنبەككە تيەسٸلٸ "سان" جشس الدى. دولورەستٸڭ ٶز اتىنا تٸركەلگەن جەتٸ كومپانيياسى بار.
ايتا كەتەيٸك, بۇعان دەيٸن "پاۆلودار ٶزەن پورتى" الماتىداعى ٷلكەن الماتى ٶزەنٸنٸڭ جاعالاۋىن قايتا قۇرۋ جوباسىن دا قولعا العان. 2024 جىلدىڭ قازانىندا باستالعان بۇل جۇمىس 5,7 شاقىرىمدىق اۋماقتى قامتيدى. جوسپار بويىنشا تٸرەۋٸش قابىرعالار اۋىستىرىلىپ, جاياۋ جٷرگٸنشٸلەر كٶپٸرلەرٸ, بالالار الاڭدارى, ۆەلوجولدار مەن دەمالىس ايماقتارى سالىنۋى تيٸس ەدٸ.
جوباعا شامامەن 8 ملرد تەڭگە بٶلٸنگەن.
ەربولات دوساەۆ ەكٸم بولعان تۇستا اتالعان كومپانييا الماتىدا بٸرقاتار ٸرٸ جوبانى ۇتىپ العان. مىسالى, بۇعان دەيٸن 12 ملرد تەڭگەگە سايراندى جٶندەسە, 11 ملرد تەڭگەگە ٷلكەن الماتى كانالىن قايتا قۇرۋمەن اينالىسقان.
