قازاقستاننىڭ ميكرونەسيەلەۋ سالاسىندا دابىل قاعارلىق جاعداي ورىن الدى. جىل باسىنان بەرٸ مەرزٸمٸ 90 كٷننەن اسقان نەسيەلەر كٶلەمٸ بٸردەن 25,4%-عا ٶسٸپ, سەۋٸر ايىنىڭ سوڭىندا 126,8 ملرد تەڭگەگە جەتتٸ. بۇل – اتالعان سەكتورداعى قيىندىقتىڭ العاشقى بەلگٸلەرٸ. سالدارىنان جالپى بەرٸلگەن نەسيەلەردٸڭ ٸشٸندەگٸ پروبلەمالىق قارىز ٷلەسٸ 6,5%-دان 7,5%-عا دەيٸن كٶتەرٸلدٸ, دەپ حابارلايدى Dalanews.kz.
بۇل تۋرالى Finprom.kz ساراپشىلارى ۇلتتىق بانك ستاتيستيكاسىنا سٷيەنە وتىرىپ حابارلايدى. ەسٸرەسە, "جالاقىعا دەيٸن" بەرٸلەتٸن قىسقامەرزٸمدٸ ونلاين-قارىزدار جانعا باتا باستادى. مۇنداي نەسيە, ەدەتتە 45 كٷنگە دەيٸنگٸ مەرزٸمگە جەنە 166 مىڭ تەڭگەگە دەيٸن (45 اەك شەگٸندە) بەرٸلەدٸ. بۇرىن شەكتٸ جىلدىق تيٸمدٸ سىياقى مٶلشەرلەمەسٸ 179% دەڭگەيٸندە بەكٸتٸلگەنگە دەيٸن, بۇل نەسيەلەردٸڭ پايىزدىق مٶلشەرلەمەسٸ 2600%-عا دەيٸن جەتكەن. بٸرٸنشٸ كرەديتتٸك بيۋرو دەرەگٸنشە, بيىل جىل باسىندا وسى سەگمەنتتەگٸ نەسيەلەردٸڭ جالپى كٶلەمٸ 89,2 ملرد تەڭگەنٸ قۇراسا, ونىڭ 22,7%-ى – 90 كٷننەن اسىپ كەتكەن پروبلەمالىق قارىزدار.
"تاياۋدا عانا 6 ميكرونەسيەلٸك ۇيىمعا قاتىستى تەرگەۋلەر قوعامدا ٷلكەن رەزونانس تۋدىردى. نەتيجەسٸندە Creditum مەن Sofi Finance ليتسەنزييالارىنان بٸرجولا ايىرىلىپ, ال "سەلەم كرەديت", Sf Offline, Hava Finance جەنە POS Credit ٷش ايعا قىزمەتٸن توقتاتتى. بۇل قارجى داعدارىسىنان زارداپ شەككەن ازاماتتار سانى – 327 مىڭ, كەلتٸرٸلگەن شىعىن 30 ملرد تەڭگەنٸ قۇرايدى. قاراپايىم ادامداردى قارىزدىڭ شىرماۋىنا تٷسٸرگەن بۇل ۇيىمدار, كەلٸسٸمشارتتاعى جاسىرىن كوميسسييالار ارقىلى نەسيەنٸڭ ٶزٸن بٸرنەشە ەسە قىلىپ قايتارۋدى تالاپ ەتكەن", - دەيدٸ ساراپشىلار.
پروبلەمالىق نەسيە ٷلەسٸ بويىنشا وسى اتىشۋلى ۇيىمدار كٶش باستاپ تۇر: POS Credit پورتفەلٸنٸڭ 89,9%-ى, Hava Finance – 83,5%-ى, Sf Offline – 80,6%-ى, "سەلەم كرەديت" – 77,3%-ى 90 كٷننەن اسقان مەرزٸمگە سوزىلىپ كەتكەن. وسى قاتارعا Ath Finance (50%-دان استام) جەنە Batys Kapital (42,6%) ۇيىمدارى دا قوسىلدى. سوڭعىسىنىڭ ليتسەنزيياسى قازٸر ٷش ايعا توقتاتىلعان.
جالپى قازاقستانداعى بارلىق مقۇ-لاردىڭ نەسيە پورتفەلٸ 2025 جىلدىڭ العاشقى ٷش ايىندا 9,5%-عا ارتىپ, 1,7 ترلن تەڭگەگە جەتتٸ. نەسيە العانداردىڭ 82,9%-ى – جەكە تۇلعالار (جەكە كەسٸپكەرلەردٸ قوسپاعاندا). بۇل سەكتوردىڭ تۇتىنۋشىلىق نەسيەگە قاتتى تەۋەلدٸ ەكەنٸن جەنە ديۆەرسيفيكاتسييا دەڭگەيٸنٸڭ تٶمەندٸگٸن اڭعارتادى.
"تاعى بٸر نازار اۋداراتىن جايت – جەكە تۇلعالار اراسىندا 90 كٷننەن اسقان نەسيە كٶلەمٸ 8,2%-عا جەتكەن. ال زاڭدى تۇلعالار مەن جەكە كەسٸپكەرلەر اراسىندا بۇل كٶرسەتكٸش تيٸسٸنشە 4,8% جەنە 4,1% دەڭگەيٸندە تۇر. ياعني پروبلەمالىق قارىزدار قاراپايىم حالىق اراسىندا كٶبٸرەك شوعىرلانعان. قازٸر قارجى نارىعىن رەتتەۋ جەنە دامىتۋ اگەنتتٸگٸ ۇلتتىق بانكتٸڭ قاۋلىسىنا ٶزگەرٸس ەنگٸزٸپ, مقۇ-لارعا كٷدٸكتٸ كليەنتتەرگە نەسيە بەرۋدەن باس تارتۋ نەمەسە وپەراتسييالاردى توقتاتا تۇرۋ قۇقىعىن بەرۋدٸ ۇسىنۋدا. بۇل شارالاردىڭ ماقساتى – قارجى الاياقتىعىنا توسقاۋىل قويۋ. بٸراق بۇل باستامانىڭ قانشالىقتى تيٸمدٸ بولاتىنىن ۋاقىت كٶرسەتەدٸ", - دەيدٸ Finprom ساراپشىلارى.
بۇعان دەيٸن سايتىمىزدا ەلٸمٸزدەگٸ بانكتەرگە كليەنتتەردٸ ونلاين تەكسەرۋ كەزٸندە بيومەترييانى قولدانۋ مٸندەتتەلگەنٸن جازعانبىز.
