مۇحتار قۇل-مۇحاممەد پرەزيدەنتتىڭ كەڭەسشىسى قىزمەتىنەن بوساعاندا، جۇرت ونى بيلىكتەن ىعىستىرىلدى، ءوز كارەراسىن اياقتادى دەپ ءبىر گۋلەدى. ودان سوڭ پرەزيدەنت سايلاۋىنا تۇسەدى دەسىپ تاعى دۇرلىكتى. اقىرى، پرەزيدەنتتىك سايلاۋدا نۇرسۇلتان نازاربايەۆتىڭ سايلاۋ شتابىن باسقاراتىن بولدى.

ەلباسىعا جاعۋدا الدىنا جان سالمايدى. ايتكەنمەن، كوپشىلىك ورتا، اسىرەسە، جۋرناليستەر قاۋىمى ارىستانبەكتى ونشا ۇناتا قويمايتىنى تاعى بار. وعان قاراعاندا، باسپاسوزدە مۇحتار مىرزانىڭ بەينەسى اجەپتاۋىر سۇيكىمدىرەك.

بىزدىڭشە، ول بۇل ورىنعا لايىقتى. قازىرشە... مۇحتار ابرار ۇلى ەلدى ۇيىمداستىرىپ، جارنامالىق ماسەلەنى وڭدى شەشۋگە ىسىلعان ادام. حانعا دا، قاراعا دا جاعۋدىڭ جولىن جەتىك مەڭگەرگەن. وتتى ءسوزدى، جىلدام ءىستى جانى سۇيەدى. ەلدەگى ءىرى ناۋقانداردا بىلەكتى سىبانىپ تاستاپ، توپ باستاپ، كوسەمدەردى شەشەندىگىمەن ءتانتى ەتەتىن مۇحتار مىرزانىڭ بۇل جولعى سايلاۋدا ءوزىن تاعى ءبىر دالەلدەي تۇسەرى انىق. سوڭعى بىرنەشە جىلدا ونىڭ تەك كەڭەسشى بولعانىن جۇرتشىلىق ءار ساققا جۇگىرتىپ، «پرەزيدەنتكە ۇناماي قالىپتى، بۇرىنعى اتقارعان جۇمىستارىنان شيكىلىك شىعىپتى، ءىرى توپتارمەن بايلانىسى ناشارلاپتى» دەگەن جەل ءسوزدى تاراتقان بولاتىن. ول سوزدەردىڭ دە تەكتەن تەك تاراماعانى بەلگىلى.

[caption id="attachment_9804" align="alignleft" width="224"] مادەنيەت جانە سپورت ءمينيسترى ارىستانبەك مۇحامەدي ۇلى[/caption]

ەندى نە بولار ەكەن؟ مۇحتار ابرار ۇلى پرەزيدەنتتىڭ كوزىنە قايتا تۇسە الا ما؟ ءقازىر جۇرتتى وسى سۇراقتار تولعاندىرا باستادى. بىلەتىندەر، مۇحتار قۇل-مۇحاممەد ءوزى جاقسى بىلەتىن مادەنيەت مينيسترلىگىنە قايتادان يەلىك ەتەدى دەسىپ ءجۇر. ارىستانبەك مۇحامەدي ۇلىنىڭ ەكپىنى دە ءتاۋىر-اق. ول دا ەلدەن بۇرىن، ەلباسىعا جاعۋدا الدىنا جان سالمايدى. ايتكەنمەن، كوپشىلىك ورتا، اسىرەسە، جۋرناليستەر قاۋىمى ارىستانبەكتى ونشا ۇناتا قويمايتىنى تاعى بار. وعان قاراعاندا، باسپاسوزدە مۇحتار مىرزانىڭ بەينەسى اجەپتاۋىر سۇيكىمدىرەك. زيالى قاۋىم وكىلدەرىنە، اسىرەسە، قالامگەرلەرگە جۋىق جۇرەتىن مۇحتار قۇل-مۇحاممەد قاي جاعىنان الساڭىزدا ارىستانبەكتەن الدەقايدا سالماقتى. سوندىقتان، مادەنيەت مينيسترلىگىنىڭ تىزگىنىن قايتا ۇستاۋى بەك مۇمكىن.

تاعى ءبىر بولجاۋ بويىنشا، مۇحتار ابرار ۇلى ق ر  پرەزيدەنتى اپپاراتى اكىمشىلىگىنىڭ جەتەكشىسى بولادى-مىس. ۇزاق جىلدىق تاجىريبەسى بار وعان بۇل ورىن دا بۇيىرۋى ابدەن مۇمكىن. پرەزيدەنت اپپاراتىنىڭ قازىرگى جەتەكشىسى نۇرلان نىعماتۋلين كەزىندە «نۇر وتان» پارتياسى ءتوراعاسىنىڭ ءبىرىنشى ورىنباسارى بولىپ، ەل مەن جەردى ءجىتى ارالادى، اقپاراتتىق رەسۋرستاردى جەتىك پايدالانا ءبىلدى. پرەزيدەنت اپپاراتىنا بارعانىنا ءبىر-اق جىل ءوتتى. جىلى ورنىن وڭايلىقپەن بەرە قويماس. نە ايتساق تا، مۇحتار ابرار ۇلى سايلاۋدان كەيىن جەردە قالمايدى.