بەلگٸلٸ قوعام قايراتكەرٸ مۇحامەدجان تازابەك جەلٸدەگٸ پاراقشاسىندا بەكبولات تٸلەۋحان جايلى جازبا جارييالادى, دەپ حابارلايدى dalanews.kz.
"اعكەم دە الپىسقا كەلدٸ! بەكبولات اعا تۋرالى مەن كٶپ نەرسە ايتا الامىن. بٸراق بٷگٸنگٸ مەرەيتويدىڭ ورايىنا قاراي, ٷش-اق نەرسەنٸ ايتايىن.
بٸرٸنشٸسٸ – جۇرت بٸلەتٸن بەكبولات اعادان بٶلەك, جۇرت بٸلە بەرمەيتٸن بەكبولات (اعكە) بار. ونىڭ قانشا ادامنىڭ تاعدىرىنداعى جەتٸستٸككە ٷنسٸز سەبەپكەر بولعانىن, قانشا ازاماتتىڭ جولىن اشقانىن, قانشا جاقسىلىقتى جارييالاماي جاساعانىن بٸز شامالاپ بٸلەمٸز. ال, بٷتٸن حايىرىن بٸر اللا بٸلەدٸ.
ٶز باسىمدا بەكبولات اعانىڭ جاقسىلىعى شاش ەتەكتەن. جارىممەن جولىعۋىما تٸكەلەي سەبەپكەر بولعان دا – وسى كٸسٸ. رۋحانيياتقا, دٸنگە قىزمەت ەتەتٸن جولدىڭ العاشقى ەسٸگٸن اشقان دا – وسى كٸسٸ. حاليفا التاي اتامىزدىڭ قورىنداعى قىزمەتتەن باستاپ, پرەزيدەنت وركەسترٸندەگٸ جىلدارعا دەيٸن قاسىنان تاستاماي, ٶمٸردٸڭ دە, ەلگە قىزمەتتٸڭ دە تالاي ساباعىن كٶرسەتتٸ. بٸز ٶتە جاقىن بولعاندىقتان "ۇستازىم ەدٸ" دەپ رەسميلەندٸرگٸم كەلمەيدٸ. كەيبٸر قارىم-قاتىناستىڭ اتى بولمايدى. اعالىقتان باستالىپ, تۋىستىقتان دا تەرەڭ بٸر جاقىندىققا اينالىپ كەتەدٸ. ٷنسٸز دۇعاڭا قوساسىڭ, كٶزٸ جوقتا جامانداتپايسىڭ, اقىسى قاپ بارا جاتسا, الىپ كەپ بەرەسٸڭ… مەنٸڭ بەكبولات اعامەن بايلانىسىم – سونداي.
"سەگٸز قىرلى, بٸر سىرلى" دەگەن سٶز كەيدە جاي تەڭەۋ سەكٸلدٸ ايتىلا بەرەدٸ. ال بەكبولات اعانى كٶرگەندە وسى سٶزدٸڭ ادام بويىندا بولاتىن قاسيەت ەكەنٸنە سەنەسٸڭ.
مىقتى ەنشٸ بولۋدىڭ ٶزٸ بٸر عۇمىرعا جەتەدٸ. جىراۋلىقتىڭ جٷگٸن ارقالاۋ – ٶز الدىنا بٸر تاعدىر. دەپۋتات بولىپ, ەلدٸڭ سٶزٸن ايتۋ – بٸر ازاماتقا جەتەتٸن جٷك. ۇلتتىق سپورتقا تۇتاس بٸر دەۋٸر قىزمەت ەتۋ – تاعى بٸر عۇمىر. قايراتكەرلٸك, شەشەندٸك, ۇيىمداستىرۋشىلىق, ەلدٸك مەسەلەگە ارالاسۋ – مۇنىڭ ەرقايسىسى بٶلەك ادامنىڭ ماڭدايىنا جەكە-جەكە جازىلسا دا از قاسيەت ەمەس ەدٸ.
ال وسىنىڭ بەرٸنٸڭ بٸر ادامنىڭ بويىنان تابىلۋى - جاي سەيكەستٸك ەمەس. اللانىڭ نازارى تٷسٸپ, ٶزٸ قولداماسا, الىپ جٷرۋ دە وڭاي ەمەس ابىروي! سوندىقتان بەكبولات اعاعا قاتىستى پٸكٸردٸڭ ەكٸگە جارىلۋى دا زاڭدى شىعار. قۇندىلىقتى قادٸرلەيتٸن ادام ونىڭ ەڭبەگٸن كٶرەدٸ. ٶسەككە, ناۋقانعا, ەموتسيياعا ەرگٸش ادام وعان ارنالعان سٶزدٸ كٶرەدٸ. سوندا مەسەلە كەيدە بەكبولات اعادا ەمەس, اعاعا قاراعان ادامنىڭ ٶز ٶلشەمٸندە بولىپ شىعادى…" – دەپ جازدى مۇحامەدجان تازابەك.
