سوتتالعان ەكس-مينيستر ارىستانبەك مۇحامەديۇلىنىڭ جۇبايى عالييا ىسقاقوۆا پرەزيدەنتكە ٷندەۋ جولدادى, – دەپ حابارلايدى Dalanews.kz.
بۇرىنعى شەنەۋنٸكتٸڭ ەيەلٸ ۆيدەودا بٸرنەشە ادامنىڭ ەسٸمٸن اتاپ, پرەزيدەنتتەن زاڭسىزدىقتى توقتاتۋدى سۇراعان. نەگٸزگٸ مەسەلە "ديپلومات" قوناقٷيٸنە قاتىستى بولىپ وتىر.
ىسقاقوۆانىڭ سٶزٸنشە, كەسٸپكەر سەرٸك قارىمساقوۆ "ديپلومات" قوناقٷيٸن ساتۋدان تٷسكەن تابىستى قايتارماعان, ول بۇل قارجىنىڭ بٸر بٶلٸگٸن قارىزىن جابۋعا, ەندٸ بٸر بٶلٸگٸن مەملەكەتتٸك مٷلٸك ساتىپ الۋعا جۇمساعان.
"سەرٸك قارىمساقوۆ 2019-2022 جىلدار ارالىعىندا "ديپلومات" قوناقٷيٸن ەكٸ قايتارا ساتىپ, ٸسٸنە سالعىرت قارايتىن سۋديالار ارقىلى قوناقٷيدٸ قايتارىپ العان, بٸراق تٷسكەن ميللياردتاعان تەڭگەنٸ قايتارمادى. بۇل قوناقٷيدٸ قارىمساقوۆ العاش رەت 2019 جىلى 24 مامىردا 2,5 ملرد تەڭگەگە ساتقان. الايدا ول اقشانى جۇمساپ تاستاعان سوڭ سوتقا قوناقٷيدٸ ساتپاعانىن ايتىپ شاعىمدانعان. سۋديا ارىزىن قاناعاتتاندىرىپ, ساتىپ الۋشى قارىمساقوۆقا 500 ملن تەڭگە قارىز بولعان", - دەدٸ ىسقاقوۆا.
عالييا ىسقاقوۆا قارىمساقوۆ مۇنىمەن توقتاماعانىن ايتادى. ول قۇرامىنا "ديپلومات" قوناقٷيٸ كٸرەتٸن كومپانيياسىنىڭ 71 پايىز ٷلەسٸن ىسقاقوۆانىڭ اناسىنا ساتقان كٶرٸنەدٸ. ونىڭ سٶزٸنشە, الايدا كەيٸن مۇنى دا مويىنداماي قويعان.
"2020 جىلى 2 ماۋسىمدا "اقتەرەك LTD" كومپانيياسىنىڭ 71 پايىزىن ٷلەسٸن 2,7 ملرد تەڭگەگە اناما ساتقان. ال 2022 جىلى قارىمساقوۆ تاعى سوتقا جٷگٸنٸپ, "اقتەرەك LTD" جشس-نٸڭ 71 پايىزىن ساتپاعانىن العا تارتقان. ال كومپانييانىڭ بالانسىندا "ديپلومات" قوناقٷيٸ دە بولعان. استانا قالاسىنىڭ سۋدياسى ونىڭ ارىزىن تاعى قاناعاتتاندىرىپ, "اقتەرەك LTD" جشس-نٸڭ 71 پايىز ٷلەسٸ مەن "ديپلومات" قوناقٷيٸن قايتارىپ بەرگەن. بٸراق قارىمساقوۆ وتباسىمىزعا 2,7 ملرد تەڭگەنٸ قايتارعان جوق. ول مەنٸڭ كٷيەۋٸمە قاتىستى جٷرگٸزٸلٸپ جاتقان سوتالدى تەرگەۋدٸ پايدالانىپ, ٶزٸن جەبٸرلەنۋشٸ ەتٸپ كٶرسەتتٸ", - دەدٸ ول.
ىسقاقوۆا قارىمساقوۆ بۇل جولى تٷسكەن اقشانى دا قارىزىن, سوت شىعىندارىن جابۋعا, پەتەر ساتىپ الۋعا جۇمساعانىن جەتكٸزدٸ. ول كەيٸن اقشانى قايتارۋدى سۇراپ كەسٸپكەرگە جازباشا حات جولداعانىن دا ايتتى.
ەكس-مينيستردٸڭ جۇبايى عالييا ىسقاقوۆا بۇل ٸسكە قاتىسى بار ادامدار لايىقتى جازاسىن السا ەكەن دەيدٸ. ٶيتكەنٸ, ونىڭ ايتۋىنشا, قۇزىرلى ورگاندارعا, سوتقا تٷسٸرگەن ارىزدارى تيٸستٸ دەڭگەيدە قارالماعان.
بۇل جولى ول پرەزيدەنتتەن باس پروكۋراتۋراعا, سىبايلاس جەمقورلىققا قارسى ٸس-قيمىل جەنە قارجىلىق مونيتورينگ اگەنتتٸكتەرٸنە, ٸشكٸ ٸستەر مينيسترلٸگٸنە بۇل دەرەكتەردٸ جان-جاقتى تەكسەرۋدٸ جەنە اتالعان ادامداردى قىلمىستىق جاۋاپكەرشٸلٸككە تارتۋدى تاپسىرۋدى سۇراپ وتىر.
ارىستانبەك مۇحامەديۇلى - بۇرىنعى مەدەنيەت جەنە سپورت مينيسترٸ, سونداي-اق, ۇلتتىق مۋزەيدٸڭ باسشىسى. 2024 جىلى 29 اقپاندا ول بٸرنەشە قىلمىستىق باپ بويىنشا 11 جىلعا باس بوستاندىعىنان ايىرىلدى.
ايىپتار اراسىندا "التىن ادامنىڭ شەرۋٸ" كٶرمەسٸندە اقشا جىمقىرۋ, لاۋازىمدىق ٶكٸلەتتٸكتٸ تەرٸس پايدالانۋ, "ديپلومات" قوناقٷيٸنە قاتىستى رەيدەرلٸك ەرەكەتتەر جەنە پارا بەرۋ ەرەكەتٸ بار.
2024 جىلى تامىزدا ونىڭ ٷكٸمٸ قايتا قارالدى, بٸراق سوت بۇرىنعى شەشٸمدٸ ٶزگەرٸسسٸز قالدىردى.
