مۇستافا ٶزتٷرٸك: "بارلىعىنىڭ ەلٸ بار, مەنٸڭ ەلٸم قايدا?"
– سٸزدەر ەل ٸشٸندە جٷرسٸزدەر. سودان دا شىعار قازاقستاندى بٸز قۇساپ ساعىنبايسىزدار. ال بٸزدەر شەتەلدە جٷرمٸز. كەيدە ويلايسىڭ, وسى بارلىعىنىڭ ەلٸ, جەرٸ بار سوندا مەنٸڭ ەلٸم قايدا دەپ...
شەتەلدە جٷرگەن قازاقتار سانىمىز از. جوعالىپ كەتۋٸمٸز مٷمكٸن. سوندىقتان بٸزدٸڭ اقساقالدارىمىز قازاقتىڭ ەدەت-عۇرپىن, تٸلٸن, دٸنٸن ۇمىتپاسىن دەپ ٷيدە قازاقشا سٶيلەگەن. بۇل بٸزگە دە ەسەر ەتتٸ.
قازاقتىڭ عالامات تاريحى بولعان. سول تاريحىمىزدى ۇمىتپاۋ ٷشٸن اقساقالدار بٸزگە شىققان تەگٸمٸزدٸ, رۋىمىزدى قۇلاعىمىزعا قۇيىپ, ەردايىم ايتقىزىپ وتىردى. مىسالى, ورتا جٷزدٸڭ ٸشٸندە نايمان, نايماننىڭ ٸشٸندە بايجٸگٸت, ونىڭ ٸشٸندە مەمبەت دەيدٸ. ەكەلەرٸمٸز بٸزگە وسىنى ٷيرەتتٸ. بٸراق بٸز بەرٸمٸز قازاقپىز.
قازاقستانعا كەلگەندە كەيبٸر كەمشٸلٸكتەردٸ كٶرٸپ قالدىم. رەنجٸمەسەڭٸزدەر, ايتايىن. ەلگە كەلگەن ۋاقىتتىڭ ٸشٸندە كٶپتەگەن جەردٸ ارالادىم, باۋىرلارىمىزبەن كەزدەستٸم. سٶيتسەم كٶپتەگەن باۋىرلارىم تٸل بٸلمەيدٸ ەكەن. بٸز تٸل بٸلمەيمٸز دەپ جٷرسەك, قازاقستانعا كەلٸپ تٸل ٷيرەنەمٸز دەپ جٷرسەك وسى جەردەگٸ قازاقتاردىڭ ٶزدەرٸ تٸلدەن ايىرىلىپ قالىپتى. ەندەشە بٸز كٸمنەن ٷيرەنەمٸز? تٸل ٶتە كٷشتٸ نەرسە. تٸل جوعالسا, ەل جوعالادى.
دٸن دە سونداي. دٸنٸمٸزدٸ جوعالتىپ, قۇدايىمىزدى تانىماساق, مۇسىلماندىقتىڭ شارتتارىن ۇمىتساق بٸز وندا ەكەمٸزدٸ دە, شەشەمٸزدٸ دە سىيلامايمىز. دەستٷر ۇمىتىلسا, وسى دەستٷردٸ بٸزگە جەتكٸزگەن بابالار دا ۇمىتىلادى. تٸل, دٸن جەنە دەستٷرٸمٸز بٸر بولۋى كەرەك. بٸزدەن كەيٸن دە ۇرپاق قالادى. ولاردا كٸنە جوق.
P.S. بٷگٸندە ٶزتٷرٸك باستاعان جولدا 11 مىڭ سپورتشى بار. تەك باردى كەزٸندە قادٸرلەمەدٸك. 1995 جىلى مۇستافا جۇمباق جاعدايدا باقيلىق بولدى. بەيرەسمي اقپارعا قاراعاندا, سپورتشىعا ۋ بەرٸلگەن. بۇعان قاتتى رەنجٸگەن اناسى ۇلىنىڭ سٷيەگٸن قازاقستانعا جەرلەتپەي, كەرٸ تٷركيياعا ەكەتكەن ەدٸ.
https://youtu.be/ZV9_tzmQtls
