مۇسىلمان ٷشٸن قۇرباندىق شالۋ – مٸندەت
جيىندا قازاقستان مۇسىلماندارى دٸني باسقارماسى تٶراعاسىنىڭ بٸرٸنشٸ ورىنباسارى, تٷركٸستان قالاسى بويىنشا كەڭسە باسشىسى ناۋرىزباي قاجى ٶتپەنوۆ بۇل مەرەكەدە قۇرباندىق شالۋ مۇسىلمان ٷشٸن ۋەجٸپ ەكەنٸن جەتكٸزدٸ.
– بيىل 21 تامىزدا تاڭعى ساعات 7.00-دە تٷركٸستان وبلىسى مەن شىمكەنت قالاسى بويىنشا قمدب-نىڭ ٶكٸلدٸگٸنە قاراستى بارلىق مەشٸتتەردە ايت نامازى وقىلادى. قۇرباندىق شالۋ ۋاقىتى قۇربان ايتتىڭ بٸرٸنشٸ كٷنٸ ايت نامازىنان كەيٸن باستالىپ, ايتتىڭ ٷشٸنشٸ كٷنٸنە دەيٸن جالعاسادى. قۇربان اراب تٸلٸندە «جاقىنداۋ» دەگەن ماعىنانى بٸلدٸرەدٸ. ياعني, ساۋاپ ٸستەر ارقىلى جٷرەكتٸ تازارتىپ, اللاعا جاقىنداي تٷسۋ دەگەن سٶز. قۇربان ايت مەرەكەسٸندە ەربٸر مۇسىلمان جاڭا نەمەسە ەڭ تازا كيٸمدەرٸن كيٸپ, بٸر-بٸرٸنە سىيلىق سىيلاپ, جىلى سٶزدەر ايتىپ, قۇتتىقتاۋى تيٸس. قايىرىمدىلىق جاساعانى ابزال ەلباسى جارلىعىمەن قۇربان ايت ەلٸمٸزدەگٸ رەسمي مەرەكەلەر قاتارىنا ەندٸ. ۇلتتىق مەرەكەگە اينالدى. پاراساتتى شەشٸم ەل بٸرلٸگٸن نىعايتۋعا ٷلكەن ٷلەس قوسىپ كەلەدٸ. بيىل ساۋد ارابيياسى پاتشالىعىنان قازاقستاندىق 3 مىڭ ادامعا قاجىلىققا كۆوتا بەرٸلدٸ. قاجىلىققا باراتىن ازاماتتار ٷشٸن قازاقستاننىڭ 4 قالاسىنان تٸكەلەي ەۋە رەيستەرٸ قاتىنايدى, – دەدٸ ناۋرىزباي قاجى ٶتەنوۆ.
باسپاسٶز مەسليحاتىندا مەملەكەت جەنە قوعام قايراتكەرٸ, ەل اعاسى شالاتاي مىرزاحمەتوۆ: «بٸز بالا كەزدەن قۇربان ايت پەن ناۋرىز مەرەكەلەرٸن ەرەكشە كٷتٸپ, اتاپ ٶتەتٸنبٸز. بۇل – مەيٸرٸمدٸلٸك پەن تاتۋلىق مەرەكەسٸ. مەرەكەدە قارساڭىندا كەسٸپكەرلەر دٷكەندەردە الكوگولدٸ ٸشٸمدٸك ساتۋدى توقتاتىپ, توي-دومالاقتار اراق-شاراپسىز ٶتسە» دەگەن تٸلەگٸن بٸلدٸردٸ. ال, قمدب-نىڭ شىمكەنت قالاسى بويىنشا ٶكٸل يمامى باقتىباي بەيسەنباەۆ ٶڭٸردە حالال ستاندارتتارىنا سەيكەس مال سويۋ بەكەتتەرٸ اشىلعانىن, شىمكەنت قالاسىنىڭ ٶزٸندە 5 مال سويۋ بەكەتٸ قىزمەت كٶرسەتەتٸنٸن ايتتى.
– قۇرباندىق شالۋشىلارعا قويىلاتىن تالاپتارعا كەلسەك, ول مۇسىلمان بولۋى جەنە باليعات جاسىنا تولۋى قاجەت. نەگٸزگٸ قاجەتتٸلٸكتەردەن تىس قارجىسى بولعانى جٶن. 85 گرامم التىننىڭ قۇنىنا تەڭ قاراجاتى بار ەربٸر مۇسىلمان ٷشٸن قۇرباندىق شالۋ – ۋەجٸپ. مٸندەت دەۋگە دە بولادى. قۇرباندىققا قوي, ەشكٸ, سيىر جەنە تٷيە مالى جارايدى. بۇل مەرەكەدە مۇسىلماندار قۇرباندىققا شالىنعان مال ەتٸنٸڭ بٸر بٶلٸگٸ كەدەي-كەپشٸكتەر مەن مۇقتاج جاندارعا, بٸر بٶلٸگٸ كٶرشٸلەر مەن تۋىستارعا تاراتىلسا, ٷشتەن بٸر بٶلٸگٸن ٶز وتباسىنا قالدىرادى. مەشٸتتەردە «قۇرباندىق ەتٸن مۇقتاج جاندارمەن بٶلٸس» اتتى قايىرىمدىلىق شاراسى ٶتەدٸ. وسىعان قاتىسۋعا شاقىرامىز. ارنايى مال سويۋ بەكەتتەرٸندە بٸلٸكتٸ قاساپشىلار جۇمىس ٸستەيدٸ. ەتتٸ ساقتايتىن سالقىنداتقىشتار دا بار. ول ەت مۇقتاج وتباسىلارعا تاراتىلادى. ايت نامازىنان كەيٸن مەشٸتتەر ماڭىندا ۇلتتىق سپورت تٷرلەرٸنەن سايىستار ۇيىمداستىرىلىپ, ٶنەرپازدارىمىز كونتسەرتتٸك باعدارلاما ۇسىنادى, – دەدٸ باقتىباي قىدىربايۇلى.
تٷركٸستان وبلىسى ەكٸمٸنٸڭ باسپاسٶز قىزمەتٸ
